Sut i ymdopi ag ebost. Rhywbeth dylai bawb ddarllen. Yn enwedig pawb sy’n anfon ebost ata i. Yn enwedig pawb sy’n anfon ebost ata i sy’n gofyn i mi wneud rhywbeth dw i wedi wneud dau fis yn ôl.

O’r gorau, rhywbeth dylai Hedd ddarllen

Un tip dw i’n hoff iawn ohono, a rhywbeth bydda i’n ceisio wneud yw:

• Send out delayed responses.

Type your response directly, but schedule it to be sent out in a few days. This works great for conversations that are nice but not terribly urgent. By inserting a delay in each go-around, you both get to breath easier.

Dw i’n casau cadw pethau yn fy mewnflwch, ac yn trïal ei glirio o leia bob dydd, ond yn anffodus, os dw i’n wneud rhyw jobsyn yn syth, a dweud wrth Hedd pwy bynnag mod i wedi wneud e, dw i’n tueddu cael dwy jobsyn newydd cyn diwedd y prynhawn. Mae rhaid bod rhyw ffordd i wneud i Gmail hala mas negeseuon ar ddiwedd y dydd, neu rhywbeth.

GIFiau wedi’u hanimeiddio, wedi’u haddasu o hen gemau Commodore 64.

Chwe deg pedwar kilobyte, blantos.

Y ffeil cosi gan David Allen. Fe ddarllenais i lyfr Allen Getting Things Done cyn y Dolig, ac mae wedi bod yn help fawr i mi, er mod i ddim wedi gosod bob sustem mae Allen yn awgrymu hyd yn hyn. Un peth dw i wedi wneud yw sefydlu ffeil cosi, a dechrau defnyddio hipster PDA i wneud nodyn am bopeth mae rhaid i mi wneud.

Dw i wastad wedi bod yn anhrefnus dros ben, anghofio bob math o bethau, ond mae hyn wedi trawsffurfio fy mywyd.

Rhestrau Ta-da – offeryn newydd yn fy mrwydr barhaol i ddod â phopeth dw i eisiau ei wneud o fewn cyrraedd. Teclyn syml iawn (sy’n rhan o declyn bach my cymhleth) sy’n rhoi’r gallu i ti gadw lan i 10 rhestr o bethau ti am eu wneud.

Mae gen i 10 gwahoddiad i Gmail, os oes diddordeb ’da unrhywun.

Ro’n i’n gwybod oedd hi’n syniad da i brynu’r iMac yn lle iBook newydd. Gall defnyddio gliniadur fod yn beryglus.

[null]

Sori.

Nid ydych yn defnyddio
Internet Explorer 5 neu fwy

Bydd yn rhaid lawrlwytho
Internet Explorer 5+
i ddefnyddio safle Cynnal

Gellwch lawrlwytho
Internet Explorer YMA

Diolch

Ma’s o ddiddordeb, wnes i drial ‘to, gan ddefnyddio IE5 i’r Mac. Beth yw’r peth cynta sy’n digwydd? Mae’r porwr yn newid maint y ffenest i lenwi’r sgrîn, sef ar fy monitor fi, yn llawer rhy fawr i mi ddarllen.

Felly, dw i’n sori hefyd, ond dw i ddim yn gallu dweud wrthoch chi ddim byd am gynnwys y wefan hon, achos dydyn nhw ddim moyn gadael i fi pori eu safle yn fy mhorwr fy hunan, naci mewn porwr Microsoft mewn ffenest sy’n siwto fy llygaid fy hunan.

Pa flwyddyn yw hi eto?

Un o gryfderau del.icio.us yw’r sustem tagiau, a’r ffaith dy fod di’n gallu gweld pob nodyn arall sy wedi postio yn yr un categoriau. Mae hyn yn meddwl bod cymunedau ieithyddol, er enghraifft, yn gallu rhannu pethau a fydd o ddiddordeb rhyngddyn nhw gan ddefnyddio allweddeiriau anarferol. Fel hyn: defnyddio del.icio.us i gydflogio yng Ngwlad y Basg.

Mae Google wedi datblygu modd i Googlo dy gyfrifiadur dy hun. Dw i ddim yn gallu trio, achos mae Win98 ar y gliniadur dw i’n defnyddio dros dro, a Mac OSX ar yr un dw i wedi ordro, ond mae’n edrych yn ddefnyddiol. Os ti’n defnyddio MS Office, MS Internet Explorer, MS Outlook Express, ac, ymm, AOL negeseuon sydyn.

Fel mae rhywun yn dweud ar flog Kottke, wna i arosgyda Quicksilver

[kottke.org]

Am syniad da: sut i ddefnyddio’r 1Gb o storfa ar GMail fel disg caled ychwanegol. Byddai’n handi iawn ar gyfer bac yps ac ati. Yn anffodus, Windows yn unig, ond dw i’n siwr bydd rhywun yn wneud fersiwn Mac cyn bo hir.

Sôn am Gmail, mae gen i sawl cyfrif alla i roi i unrhywun sydd eu heisiau. Gadael neges yma os oes diddordeb.

[trwy a welsh view]

Diolch i bolisi gor-ofalus Cyngor Sir Ceredigion, dw i’n ffaelu defnyddio chwilotydd lluniau Google yn y llyfrgell.

Nid yw’r wefan rydych chi’n ceisio cael mynediad iddi ar gael ar hyn o bryd. Gall hyn fod am un o’r rhesymau canlynol:

- Nid yw’r wefan rydych chi’n ceisio cael mynediad iddi yn bod;

- Mae’r wefan rydych chi’n ceisio cael mynediad iddi yn profi anawsterau technegol ar hyn o bryd;

- Y mae cynnwys y wefan rydych chi’n ceisio cael mynediad iddi yn groes i bolisi defnyddio’r rhyngrwyd y Cyngor Sir.

Os credwch fod hyn yn gamgymeriad, cysylltwch a’r gwe dim gan gynnwys y wybodaeth ganlynol:

http://www.google.com/imghp?hl=cy&tab=wi&q= – Banned Regular Expression URL found.

Dylech gadw mewn cof y caiff HOLL ddefnydd o’r we ei logio a’i fonitro’n ddyddiol.

Gan eu bod nhw’n fy monitro, oes rhaid iddyn nhw gau un o’r gwefannau mwya defnyddiol ar y we? Gawn ni weld.

Joe Clark ar ddysgu HTML sylfaenol i ddosbarth o blant dall/â golwg rhannol, yng ngwersyll SCORE, Canada.

O’r diwedd, crefydd dw i’n cytuno â fe ar bob pwynt.

Ers y Steddfod dw i wedi bod yn trial llenwi fy iPod newydd, ond dw i’n dechrau gweld y problemau sy’n cael eu hachosi gan lawrlwytho cerddoriaeth yn glouach nag wyt ti’n gallu gwrando arno fe. Yn ffodus iawn, mae ’na (llawer o) bobl yn y byd sy’n lot fwy cîclyd na fi, ac maen nhw i gyd yn cyfrannu at Smart Playlists.com, safle i bobl sy’n lico, t’mod, trefnu pethau.

Ai fi oedd yr unig un a gwyliodd High Fidelity heb chwerthin ar ben cymeriad John Cusack? Sgersli bilîf.

Wedi’u lawrlwytho yn diweddar: mwy gan Yes (mae gen i bopeth rhwng The Yes Album a Going For The One – oes angen unrhywbeth arall?), Gang of Four, Nirvana (Bleach), Breeders (Pod), Hüsker Dü, Rush (2112, yr unig albym cynnar gan Rush sy ddim ’da fi ar feinyl), ac yn y blaen.

Dw i ddim yn gwybod pam dw i’n rhannu’r gwybodaeth hyn gyda chi. Dw i wedi bod yn darllen gormod o flogiau Livejournal, mae’n debyg. Sori.

Dyma beth o’n i’n trial dweud yn sylwadau blog Macsen:

Neis i weld o leia un coleg Cymreig sy ddim yn wneud y camgymeriad sylfaenol o ddefnyddio baneri i ddynodi ieithoedd ar eu gwefan. Hyn yw o’m bugbears mwya am gynllunio dwyieithog.

Aberystwyth:

(bach yn obsciwr i rywun o Corea?)

Llambed:

– fel nadyw Cymry Cymraeg ddim yn digon o’r baneri ’ma

Mae Bangor yn iawn:

A Morgannwg yn osgoi’r broblem gan beidio darparu gwefan ddwyieithog go iawn, felly sdim angen linc i’r Saesneg: