Morfablog » Podledu

Podlediad Mogwai

Nic Dafis — Fri, 19 May 2006 20:09:29 +0000

Mogwai yw’r band cyntaf dw i wedi draws eu traws gyda podlediad go iawn, lle maent yn postio traciau prin a phethau byw. Mae’n hollol hyfryd, ac yn ffordd wych o hybu diddordeb yn y band.

Oes bandiau eraill sy’n wneud podlediadau?

Podcastio o’r Brifysgol

Nic Dafis — Sat, 25 Feb 2006 16:10:08 +0000

Mae Prifysgol Bangor wedi dechrau podledu deunydd o’u cyrsiau. Am wn i, at ddefnydd y myfyrwyr yn unig ydyn nhw, ond tybed a fyddai’n bosibl i’w rhoi ar y we i bawb cael gwrando?

Diolch i Maff am y linc.

Blog Leanne Wood

Nic Dafis — Tue, 24 Jan 2006 23:34:26 +0000

Braf iawn gweld bod Leanne Wood wedi dechrau blogio, a phodledu hefyd. Edrych ymlaen at glywed beth mae mashwyr yn y Lladron yn wneud gyda hyn [MP3, 821Kb).

Tra bod ni ar bwnc Pleidwyr ar y we, mae clip bach o Jill Evans [WMV] yn Senedd Ewrop yn herio Blair i hybu’r Gymraeg fel iaith gwaith swyddogol yn werth ei gweld hefyd.

Y Prics

Nic Dafis — Tue, 30 Aug 2005 15:32:42 +0000

(Ni phoener, nid post arall am Natwatch yw hwn )

Newydd wrando ar raglen newydd Radio Amgen (tanysgrifiwch i’r podlediad gan lusgo’r linc i iTunes), sy’n cynnwys Sleifar wedi’i ailficsio, Cofi Bach yn joio dŵbi bach, a’r Prics, sef fatha Derek a Clive Cymraeg, ond yn ddoniolach.

Madarch Eithafol
“>Prynwch y CD, fyddarffycars.

O Baradwys i dy Bod

Nic Dafis — Mon, 20 Jun 2005 14:27:40 +0000

NahenaheNet – blog sy’n podledu am gerddoriaeth, hanes ac iaith Hawai’i. Rhaid edmygu’r ffordd mae’n delio gyda phobl dechnophobig.

If you don’t know what this RSS link is for, don’t even click on it – you’ll just get confused.

[trwy An t-Imeall]

Podledu mewn ieithoedd bychain

Nic Dafis — Tue, 14 Jun 2005 20:29:02 +0000

Gair o’r Gair. Podlediad am y Beibl, o America.

Yn iaith y Klingon.

Dal heb ffeindio un yn y Gymraeg.

Dwi am ychwanegu podlediadau eraill yma wrth i mi eu ffeindio. Os dere di ar draws rhywbeth o ddiddordeb, rho wybod yn y sylwadau.

Kanienkeha – geiriau Mohoceg. Dw i’n nawr gwybod beth yw “clefydd gwenerol” yn yr iaith brydferth hon.

http://www.bbc.co.uk/scotland/alba/foghlam/litir/Llythyr i ddysgwyr Gaeleg yr Alban – o’r BBC.

BBC yn Podledu

Nic Dafis — Tue, 14 Jun 2005 16:12:13 +0000

Mae gyda BBC yn arbrofi gyda Pod-ddarlledu. Mae’n dweud ar y wefan bod One Music ar gael, ond dw i’n methu ffeindio’r ffrwd. Unrhywun yn gallach?

[gol.]

Do’h. Newydd sylweddoli eu bod nhw’n siarad am yr MP3au gan fandiau newydd sydd ar gael i’w lawrlwytho yn hytrach na ffrwd Pod-ddarlledu. (Rhaid bathu gwell gair na hwnna, ar frys. I’r maes!)

[Diolch i Maff am y linc i'r stori ar Macworld.]