Bydd darllenwyr cyson Morfablog yn gyfarwydd â fy hen ffrind Maff, sy’n ddi-Gymraeg (mae’n byw yn sir Gaint) ond yn gadael mwy o sylwadau ar y blog ’ma na neb arall yn y byd (er bod Sanddef ar ei gwt).

Mae e wedi dechrau ei flog ei hunan, maffablog (weloch chi beth wnaeth e yna?), ac o’r cofnodion cyntaf, mae’n edrych fel ei fod yn mynd yn ddifyr. Metal trwm, rysaitiau llysieuol, ac adroddiadau cwrw o faes y gad yn erbyn ei fola ei hun.