Y Llong / The Ship,
Llangrannog,
Ceredigion, SA44 6SL
01239 654510
GoogleMap | Facebook | Twitter | Tumblog

(Blogiad wedi’i addasu o fan hyn.)

Fy local arall, er mod i ddim yn mynychu’r Llong cweit mor aml ag ydw i’r Pentre. Ers i’r dafarn gael ei phrynu gan deulu o Gymry â gwreiddiau dwfn yn Llangrannog, mae’r hen Ship wedi ennill enw i’w hunan fel y dafarn fwya Cymraeg yn yr ardal, yn ogystal â bod â bwydlen wych a dewis eang o gwrwau bendigedig. A gwin, sbo.

Mae o leia tri chwrw ar gael fel arfer, gyda’r pwyslais yn diweddar ar gynnyrch bragdy y Mŵs Piws.

Mae grwp CYD Llangrannog yn cwrdd yn y Llong ar y nos Fercher gyntaf a’r tryddedd bob mis, o hanner awr wedi saith ymlaen.

(Diolch i Rhys am y llun uchod, ac am y trwydded Comins Creadigol sydd arno. Methu credu bod dim llun deca ’da fi fy hun o’r hen Ship.)

Nos Sul, 11 Gorffennaf (7.30) – Capel Bethesda, Llanwrtyd, Sir Frycheiniog
Nos Fawrth, 13 Gorffennaf (8.00) – Yr Hen Gapel, Llanuwchllyn, Gwynedd
Nos Fercher, 14 Gorffennaf (7.30) – Capel Siloam, Cwmystwyth, Ceredigion
Nos Iau, 15 Gorffennaf (8.00) – Capel Trelech, Sir Gaerfyrddin
Nos Fercher, 28 Gorffennaf (7.30) – Capel Seion, Crymych, Sir Benfro

Pob tocyn: £4.00

Gan ein bod ni’n mynd i Bowys nawr, dw i’n meddwl am fynychu’r perfformiad nos Sul yn Llanwrtyd, er ei fod yn clasho gyda rownd derfynol Cwpan y Byd. Naill ai hwnna, neu’r un nos Fercher yng Nghwmystwyth. Yn bendant, mae’n rhywbeth sy’n werth ei weld mwy nag unwaith, os cewch chi gyfle.

Reit, bant â ni!

Gol. Do’n i ddim yn bwriadu postio hyn, ond llun arall oedd ar y pendesg. Ond nawr dw i’n ei weld e ar y blog, dw i ddim am ei ddileu.

Bydd GWRANDO yn cynnal preswyliad yng Nghapel Crannog o 23/6/07 i 1/7/07.

Fe sefydlwyd y gydweithfa gelf sonig GWRANDO ym mis Ionawr, 2007 gan Lou Laurens a Jacob Whittaker. Mae’r gydweithfa gelf yn bwriadu darparu fforwm i’w aelodau, ac i gynnal a hyrwyddo digwyddiadau celfyddydau byw yng Ngheredigion a thu hwnt.

Mae gwahoddiad agored i unrhyw un a hoffai ymuno â’r côr, a bydd yn ymarfer ddydd Sadwrn, 23 Mehefin a ddydd Sul, 24 Mehefin, gyda pherfformiad ar y 1fed o Orffennaf. Cadwch eich lle trwy wefan Gwrando, neu ffonio 07866 371 481, neu fydd poster a ffurflen ma’s cyn bo hir.

GWRANDO will be in residence at Capel Crannog from the 23/6/07 until 1/7/07.

Sonic arts collective GWRANDO was founded in January 2007 by Lou Laurens and Jacob Whittaker. The collective aims to provide a locus and forum for its members, and to develop time based and live arts by hosting and promoting events in Ceredigion and beyond.

There is an open invite for anyone who might like to join the choir, which will rehearse on Sat 23rd of June, and Sul 30th June, with the performance on 1st of July. Book through www.gwrando.org, or call 07866 371 481, but there will be a poster and form out within the fortnight, if you can wait.

Prynais i’r tocyn ar ôl treilio pump awr rhedeg stondin bric-a-brac yn y pentre, codi arian i Gronfa’r Milflwyddiant. Fel arfer, dw i ddim yn treulio lot o amser edrych ar ymwelwyr yn Llangrannog. Dyw hi ddim yn brofiad dymunol, ar y cyfan.

Y bore ’ma, gyrrais i Aberteifi i fynd â’r gweddillion y stondin i siop Oxfam. Gwrando ar Libertino yn y car – fy hoff tâp ar hyn o bryd.

Hei, ‘sdim byd yn digwydd! Ble mae’r plant wedi mynd?

[Gol. 27/09/09 - mae'r ddolen yn ail-gyfeirio at wefan newydd y Beudy erbyn hyn.]