Ta Ta Tony

Postiwyd ar gan
Ymateb

Dw i’n hwyr gyda hyn, dw i’n gwybod, ond nid un o’r “blogwyr gwleidyddol” ydw i, felly does dim ots. Does dim lot alla i ychwanegu at y sylwadau byddwch chi wedi darllen eisioes, ond i (ail-) bostio araith olaf Brian Sedgemore fel aelod seneddol Plaid Lafur. Des i ar draws hyn nawr wrth fynd trwy fy ffeiliau MP3, paratoi rhestr gwrando am y penwythnos (mynd lawr i Ddyfnaint), a dw i heb ei glywed ers sbel. Mae dal yn wneud blew cefn fy ngwddw sefyll fel dim byd arall.

Araith Brian Sedgemore (MP3, 8.5Mb).

Gyda llaw, mae bwriad gennyf i bostio yn ddwyieithog am sbel. Gawn ni weld am faint bydd hyn yn parhau, ond bydd y Saesneg yn ymddangos dan y ffold ’ma, oni bai am…

(Limited translation of this post below the fold.)

Map Cymru yn y “Dead Zone”

Postiwyd ar gan
5

Tipyn bach o ddim byd, ond o’n i’n gwylio’r ffilm Cronenberg The Dead Zone y bore ’ma (ffilm wych do’n i ddim wedi gweld ers blynydde – mae Nic yn dweud sieco fe ma’s) pan welais i rywbeth od ar y wal yn nhŷ Christopher Walken:

Map Cymru yn y ffilm "The Dead Zone"

Os nad ydy hynny yn ddigon sgêri, mae Walken am fod yn Arlwydd yr UDA yn 2008.

Gwglbomio Dairygold

Postiwyd ar gan
2

Wedi cael ebost gan Owen Llew ac Euros Lewis sy’n gofyn i mi glicio ar linc Google i’w gwefan brotest Dairygold, ond meddwl falle byddai rhoi linc i’r peth yma yn cael mwy o effaith Googlebomiaidd.

Os wyt ti am godi ymwybyddiaeth o’r ymgyrch i sicrhau dyfodol hen ffatri Dairygold yn nyffryn Aeron, beth am flogio amdano, a chynnyws y gair Dairygold yn y linc?

Mae trafodaeth am hyn ar y maes.

Blogi ogi ogi

Postiwyd ar gan
7

Dim ond dympio dolenni:

Cernyw Heb Rent

Postiwyd ar gan
1

Post diddorol ar y maes heddiw ’ma, ynglŷn â’r blog Rent Free Cornwall, sef, yn y bôn, rhestr o dai haf yng Nghernyw sydd ar gael i bobl lleol eu sgwotio.

There is an ongoing housing crisis in Cornwall. Property speculators and investors are buying more houses as Cornwall becomes more fashionable. Towns and villages are becoming ‘ghost towns’ as local working families are forced out, unable to afford to either rent or buy a home. But all these empty homes can be saved, and communities restored, simply by lawfully squatting them.

Syniad difyr, neu syniad ffôl?

Amseroedd diddorol

Postiwyd ar gan
1

Dw i’n dechrau rhannu teimlad Hedd Gwynfor a sawl cenedlaetholwr arall bod rhywbeth od wedi digwydd i’r Ceidwadwyr yng Nghymru: maen nhw’n dechrau edrych yn radicalaidd ar gwestiwn yr Iaith. O leia, wrth eu cymharu â’r Blaid Lafur “Gymreig”, sy’n mynd yn fwy ffiaidd tuag at yr iaith a’r sawl sy’n dewis ei defnyddio gyda phob datganiad.

Mewn datganiad o’r wythnos diwetha, eto gan y Toriaid, dwedwyd:

Welsh Conservatives have demanded that Culture Minister Alun Pugh distances himself from “inflammatory” comments made by a government spokesperson about the Welsh language.

The comments came in an article on proposals from the Welsh Language Board for an independent regulator to monitor the rights of Welsh language speakers in the public sector.

In the article the government spokesperson refers to the “death throes” of the Welsh Language Board, and adds: “We are talking about a situation where English speakers have rights too. Turkeys don’t vote for Christmas but no-one voted for the language board either.”

Iawn, dw i’n gwybod bod hyn yn beth hurt i’w ddweud, ac mae llafarydd siwr o fod wedi difaru, ond mae’n dangos pa mor bell yw Plaid Lafur o’r pwynt o wneud Cymraeg a Saesneg yn ieithoedd swyddogol – maen nhw’n dal i weld hyn fel cyfaddawd i siaradwyr Cymraeg yn lle y cam cynta tuag at ddatwneud effeithiau canrifoedd o anghyfiawnder yng Nghymru. Bydd yn ddiddorol gweld sut bydd Llafur yn ymateb i’r her newydd o ddefnyddio’r iaith fel ffordd o ymosod ar y Toriaid a Phlaid Cymru.

Difyr iawn.

Cameron: mwy deniadol na’r Nats?

Postiwyd ar gan
5

Unrhywun gweld eisiau Nat Watch?

Reit, dyna beth o’n i’n meddwl.

Ond jyst rhag ofn bod hiraeth arnoch chi, dyma Cam Watch, sori, Notting Hell i lenwi’r bwlch yn eich bywydau. Mae’n debyg taw Nats Lloegr, sef David Cameron a’r Toris Newydd, yw’r bleiddiaid mawr drwg y dyddiau ’ma, ac nid Nats Cymru.

Wrth gwrs, does dim tystiolaeth yn y byd bod y ddau flog yn eiddo yr un person, dim ond pethau fel steil y blog, y ffugenw “doniol” (Cameroon – heh), a’r cyfeiriad di-enw Gmail i anfon mwy o gynnwys i’r blogiwr di-enw. (Bydd yn ofalus os wyt ti’n wneud hynny – os ydw i’n iawn, mae o leia un person wedi colli ei swydd ar ôl cysylltu â’r blogiwr hwn.)

Ond dyw’r llys-enwau dyfeisiol ddim yn stopio yna, o nadyn.

Ddydd Sadwrn diwethaf, postiodd “Cameroon” gofnod am Cheryl Gillan, Ysgrifennydd Cymru Cabinet newydd y Toriaid, cofnod sy’n dwyn y teitl Cheryl the Peril. Yn ôl Google, mae dim ond un person arall wedi bod yn ddigon hy i alw Cheryl Gillan gan yr enw ’na ac hynny dim ond deunddydd cyn i Cameroon “bathu” yr enw, sef Leighton Andrews, Aelod Cynulliad, blogiwr, a ffan tymor hir (gynt) o Nat Watch.

Ydy Leighton a “Cameroon” yn berthnasau, tybed? ;-)

cymraeg: your search was empty

Postiwyd ar gan
1

(Bosibl mod i wedi blogio am hyn o’r blaen, ond mae e wedi fy ngwylltio eto, felly dw i’n mynd i ranto amdano eto. Diolch am fod yn amyneddgar.)

Sôn am Blaid Lafur wrth-Gymraeg, newydd sylwi eu bod nhw wedi peidio esgus, bellach, bod eu gwefan yn ddwyieithog. Chwiliwch am y gair “cymraeg” yn ofer, ond os dych chi’n ddigon clyfar i’w dreiglo, mi ffeindiwch chi un cofnod dwyieithog ar y safle. A theitl y cofnod hwnnw?

“Adeiladu dyfodol llewyrchus i’r iaith.”

Ai shit iw not.

“Gweledigaeth Llafur i’r iaith Gymraeg yw un o iaith sydd yn agored i bawb, yn berchen i bawb, nid yn un o iaith sydd yn perthyn i’r elit.”

Gweledigaeth twll fy nhin, Leighton, mae hyn yn sinigiaeth bur, sy’n ailadrodd ystradebau tra llwyddo atgoffa pobl o “gynllun cudd” Plaid Cymru i greu apartheid ieithyddol yng Nghymru. Yr unig bobl sy’n creu argraff bod yr iaith Gymraeg yn “berthyn i’w elit” yw dy Blaid di dy hunan. Dadl “when did you stop beating your wife?” yw hon.

Wrth gwrs mae “elit” yng Nghymru, a dw i’n siwr bod llawer ohonyn nhw yn siarad Cymraeg (mae rhai ohonyn nhw wedi dysgu, fel oedolion, fel tithau, Leighton) ond mae pob copa walltog ohonyn nhw yn siarad Saesneg, felly pam dydy gwefan uniaith Saesneg y Blaid Lafur ddim yn sôn am yr iaith honno fel un sy’n “perthyn i’r elit”?

Gwyddeleg yn iaith dramor yn Wlster

Postiwyd ar gan
Ymateb

O Ogledd Iwerddon, lle mae dadlau am hawliau ieithyddol ag elfen mwy gwleidyddol na’r arfer, gawn ni ddweud, y daw’r stori am drigolion Cenedlaetholgar sy’n bygwth mynd â’u cyngor i’r llys er mwyn cael arwyddion eu strydoedd yn Wyddeleg. Nid bod y cyngor (Undebol) yn poeni dim am hyn:

DUP councillor Frank Campbell believes putting up Irish street signs in the area will set a dangerous precedent.He said: “There are more people who speak Chinese and Czech in Ballymoney than who speak Irish. What are we to do next, put up signs in the those languages?”

Am ddadl soffistigedig! Neis iawn gweld bod Undebwyr Wlster yn defnyddio’r un ddadl â’r Undebwyr Wêls wrth wfftio hawliau ieithyddol brodorion eu “Provinces”.

O’r holl bobl i ofyn am gyffuriau

Postiwyd ar gan
1

Lemmy yn y Cynulliad. Am ryw reswm anhysbys wnaeth Tori o AC wahodd Lemmy i’n Cynulliad Ni i annerch y siwtiau ar beryglon heroin, gan fod Mr Kilminster yn ei erbyn e.

Lemmy cleared his throat, and took out two typed sheets of white paper, apologising for using notes. Mr Graham looked politely expectant. Heroin was a killer, Lemmy said. Mr Graham nodded. Heroin made people into thieves and liars. Mr Graham nodded again. “There is only one answer,” Lemmy said, “legalise it.” Mr Graham, a former magistrate, blinked twice.

Clasur.

[O'r maes]

Hir ei dafod, byr ei wybod.

Postiwyd ar gan
4

I fod yn deg i Alun Pugh, mae e’n gwybod yn union beth mae’n wneud, sef yr un peth mae Plaid Lafur wedi bod yn wneud ers dyddiau George Thomas: cadw’r di-Gymraeg yn ofnus o’r Nashis gan ddweud eu bod nhw mewn perygl o fod yn ddinasyddion ail-radd yn eu gwlad eu hunain. Sôn am y bobl sy’n galw am, a gweithio tuag at sichrau, hawliau sifil i’r 20% o bobl Cymru sy’n siarad Cymraeg fel eu bod nhw yn fygythiad i hawliau sifil y 80% o bobl Cymru sy ddim yn siarad Cymraeg. Mae hyn yn dacteg oedd Southern Democrats yr UDA yn ei ddefnyddio yn y 60au i gadw cefnogaeth y croenwynion tlawd; demoneiddio protestwyr hawliau sifil.

Ac hyn yn yr un wythnos a gollon ni Rosa Parks.

Gorddweud?

Dych chi wedi gweld y ffilmiau o heddweision llusgo aelodau Cymdeithas yr Iaith gan eu gwallt yn ystod protestiadau’r 70au? O’r “Cymry da” gweiddi a phoeri arnyn nhw ar loriau y Swyddfa Bost yn y 60au? Heb y protestiadau heddychlon sy wedi cadw pwysau parhaol ar yr “awdurdodau”, fyddai dim hawliau ieithyddol ’da’r Cymry Cymraeg o gwbl. Mae Alun Pugh yn siarad fel bod siaradwyr Cymraeg yn mynnu bod yn well na’r rhai sy ddim yn medru’r iaith. Ein lle ni yw gofyn am gonsesiynau gan gwmnïau mawrion fel Tesco a Microsoft, ac i beidio bod yn rhy anamyneddgar os dydyn nhw ddim yn cweit yn barod i’n bodloni. Gwell peidio cynhyrfu’r dŵr gormod gan fynnu eu bod nhw’n trin y Gymraeg yn gyfartel â’r Saesneg, neu fyddan nhw… beth? Tynnu eu busnes ma’s o Gymru? Gwynt teg iddynt.

Tasai llywodraeth Cymru â digon o geilliau i basio Deddf Iaith sy’n werth yr enw, byddai’n bosibl dweud wrth Microsoft “either you produce Welsh language versions of all your software, or we install Linux and Open Office on every publically owned computer in Wales”. Ond yn hytrach na hynny, mae Llywodraeth y Cynulliad yn gorfod mynd at Bill Gates a’u capiau yn eu dwylo, gofyn yn boleit, cynnig talu am y gwaith cyfieithu gydag arian y trethdalwr, ac wedyn dweud diolch yn fawr iawn i Microsoft ym mhob datganiad i’r wasg am y tair blynedd nesaf, fel eu bod nhw wedi wneud ffafr i ni, gan adael i ni wario ein arian ni ar feddalwedd dyn ni wedi talu i’w ddatblygu.

We are idiots babe,
It’s a wonder we can even feed ourselves.

Bob Dylan said that.

Cei di fod yn fy mreuddwyd i
Os ga’ innau fod yn dy freuddwyd di.

Dylan ddwedodd hynny, hefyd.

England’s Dreaming

Postiwyd ar gan
3

Erthygl wych gan Mark Larson yn y Guardian heddi, am ddadenni’r syniad o “Seisnigrwydd” fel rhywbeth ar wahan i “Brydeindod”.

If Muriel Spark had received the call from Stockholm on Thursday, she would rapidly have been identified as a “Scottish” laureate, emails and letters quickly descending if southern journalism had claimed her for the wider kingdom. Similarly, Paul Muldoon would have been “Irish” or “Northern Irish”. But Pinter, in broadcast bulletins and most newspaper reports, was persistently “British”.

Mae’r un peth yn wir am awduron eraill o Loegr megis Alan Bennett, P.D.James, A.S.Byatt, Tony Harrison, i grybwyll rhai oddi ar dop fy mhen. Nid Prydeinwyr mo’r rhain, ond Saeson. Mae hyn yn hollol glir i ni, ac i’r Albanwyr a’r Gwyddelod, pam mae mor anodd i’r Saeson eu hunain ei weld?

(Mae mwy i ddod ar hyn, ond dw i ddim yn hollol sobr, ac mae hyn yn ardal beryglus. Rhaid sobri, a meddwl mwy.)

Who is ‘price4president’?

Postiwyd ar gan
17

[Can't be bothered translating this. If you can afford a lawyer, you can afford a translator.]

Mwy am natwatch, mae arna i ofn, ond gan fod aelodau y Blaid Lafur wedi ymyrryd eto mewn “sgandal” “datguddiwyd” (hynny yw, dyfeisiwyd) gan ein ffrind price4president, dw i’n cymryd y gall pawb dynnu eu menyg nawr. Mae pobl yn colli eu gwaith oherwydd y busnes ’ma.

Sori am y cofnod diwetha, gyda llaw: diflas iawn, dw i’n gwybod, ond ces i frênwêf neithiwr. Ro’n i’n trïal gweithio mas pam mae mor bwysig i P4P dduo fy enw – does bosib bod rhywun yn flin am y cofnodion pitw sy wedi ymddangos yma o bryd i’w gilydd sy’n pwyntio ma’s pethau dwl fel hyn? Sgersli bilîf!

Ond hyd yn hyn, yr unig bobl dw i wedi dod ar eu traws sy’n meddwl bod “price4president” yn unrhywbeth ond trol a chelwyddgi di-gywilydd yw dau aelod etholedig y Blaid Lafur (Cael Sargeant a Leighton Andrews), ac un gweithiwr y Blaid, David Taylor. Mae’r ddolen ola yn mynd at gopi Web Archive o flog David Taylor, gan fod y fersiwn wreiddiol wedi’i dynnu o’r we. Mae’n drueni bod rhywun mor dalentog – ac mor ifanc! – wedi rhoi ffidl ei flog yn y to. Diddorol oedd darllen ei sylwadau ar Steddfod Casnewydd, er enghraifft, lle darganfuwyd bod “many [Welsh Nationalists] are unashamedly racist”. A’r perl bach ’ma, ar y Stupid Liberals:

I used to be slightly sympathetic towards them. I used to think they meant well and that the Tories where the real enemy.

But their recent campaign tactics, materminded by “wizz kid” Lord Rennard means I now hate them just as much as the Tories, which as almost as much as the Nationalists.

Ac wedyn, yn y sylwadau:

Hysterical? – Come off it!

I consider it nothing less than my duty to point out the failings of other political parties.

Hei, mae’n jobsyn frwnt, ond mae rhaid i rywun wneud.

Ymwadiad: dydw i ddim yn awgrymu am eiliad bod unrhyw cysylltiad rhwng “price4president” a “David Taylor”. Dim ond sylwi ydw i taw bob tro mae rhywun yn dweud pethau cas am Natwatch ar flogiau Saesneg (fel hyn neu hyn er enghraifft) mae David Taylor yn popio i fyny i atgoffa pawb pa mor glyfar yw P4P. Mae’r holl beth yn gyd-ddigwyddiad llwyr, siwr o fod.

Technoriti: , Labour Party

Etholaeth Plaid Llafur Caerdydd

Postiwyd ar gan
Ymateb

Etholaeth Plaid Llafur Caerdydd Cardiff West Constituency Labour Party – fyddet ti’n ymddiried mewn plaid wleidyddol sy ddim yn gwybod beth yw enw ei hetholiaeth ei hun yn iaith brodorol y wlad? Ac mae’r linc i’r dudalen “Cymraeg” yn mynd at hen barth sy’n cael ei sgwatio gan gwmni Almaeneg.

Synnu bod y Cymro Cymraeg ’ma ddim yn poeni am bethau fel hyn. Ydy’r we mor boring â’r iaith, Rhods?

MakeNatsHistory

Postiwyd ar gan
2

Collais i hwn ar y pryd, ond nawr ei fod e wedi ailymddangos ar dudalen flaen NatWatch, mae’n werth sôn amdano.

Ar ddiwrnod Live8, pan oedd gweddill y byd yn dod at ei gilydd i “roi terfyn ar dlodi”, oedd NatWatch yn fishi gyda rhywbeth arall, rhywbeth yr un mor uchelfrydig a moesol:

We’ve launched a cool new banner you can use to link to our website:

We hope you like it :)

Neis. Chwaethus, hyd yn oed. Dw i’n gobeithio nad oedd y person a wnaeth hyn yn y gweithle ar y pryd.