Pethau dw i wedi sylweddoli’r bore ‘ma

Postiwyd ar Tachwedd 2, 2008 gan Nic Dafis

Morfablog yw canlyniad Google #1 am yr ymadrodd Bovine Britain.
Mae awdur Morfablog mor bovine â neb ym Mhrydain
Mae’r haul yn gwenu.
Mae hi’n amser mynd am dro.

Fi yw Rhif #1

Postiwyd ar Awst 6, 2001 gan Nic Dafis

Look, dw i’n gwybod bod hi’n blentynaidd, ond dw i erioed wedi bod Rhif 1 mewn unrhyw rhestr o’r blaen. A chyn i ti sgwennu mewn i ddweud bod ’na dau wall iaith yn y disgrifiad (o leia), dw i’n gwybod, océ? Ond sdim ots ’da fi, achos Rhif 1 ydw i.

Tipyn bach fel côr Rhuthun.

Yr Ymweliad Cyntaf

Postiwyd ar Mehefin 27, 2001 gan Nic Dafis

Ymateb

Mae’r blog ’ma wedi’i rhestri yn rhestr Google Gwe Safleoedd Personol ers misoedd: heddiw cawson ni’r ymwelwr(aig) cyntaf! Croeso ymwelwr(aig), pwy bynnag yr ydych chi! A ydych chi yr un person sy’n chwilio am pethau gwyrdd neu bobl o’r enw rhydderch?

Google yn y Gymraeg

Postiwyd ar Mehefin 19, 2001 gan Nic Dafis

Ymateb

Google yn y Gymraeg – ddoe, ail-osodais i iaith default Internet Explorer i cy (sef, Cymraeg). Heddiw, oedd rhaid i mi ymweld â Google i chwilio am rywbeth, a mae popeth yn y Gymraeg. Dyma’r tro cynta dwi wedi gweld y tric bach ’ma, ac am wn i does dim gwefan poblogaidd arall sy’n ei wneud.

Os wyt am newid dy osodiadau, rho glec ar Tools, Interet Options, ac wedyn Languages. Wedyn, clec ar y botwm Add ac yn y bocs User Defined teipia cy a chelc ar OK. Yn ola, clec ar y llinell sy’n dweud User defined [cy] ac ar y botwm Move up. A dyna fe, Cymraeg yw dy iaith o ddewis. Wrth gwrs, dim ond Google fydd yn gwybod.