Cymru yn y “Dead Zone”

Postiwyd ar Medi 16, 2010 gan Nic Dafis

O’n i wedi anghofio am yr hen sgrîn-lun yma, wnes i dynnu wrth wylio’r ffilm David Cronenburg, The Dead Zone. Mae’r ffilm yn addasiad o’r nofel gan Stephen King, ac yn un o emau prin yr 80au. Byddwn i’n ei rhoi yn agosach at gopa rhestr addasiadau nofelau King na’r boi ’ma, yn sicr. Ymysg y tair uchaf, dwedwn i, er bod hi’n anodd gwahanaethu rhwng hon, The Shining a Stand By Me; ffilmiau mor wahanol i’w gilydd, a phob un yn glasur o’i math.

Ond mae’n amhosibl bod yn wrthrychol am y ffilm unwaith ti wedi sylwi bod cymeriad Christopher Walken â lliain sychu llestri Cymru ar wal ei fflat. Hoffwn i feddwl bod mam Johnny Smith (Walken) wedi bod draw i Gymru fach ar ei holidês rhywbryd, a dod â’r lliain iddo fel anrheg. Rhywle rhwng sylweddoli bod Martin Sheen yn mynd i ddinistrio’r byd, a phenderfynnu bod rhaid iddo farw, roedd rhaid i Johnny ffeindio pinnau bawd a hongian map bach kitsch o Gymru ar ei wal.

“Thanks, Mom.”

(Diolch i Carl am “ffefrynnu” y llun ar Flickr, a dod â’r atgoffion yn ôl.)

Llun Llangrannog a’r Comins Creadigol

Postiwyd ar Medi 12, 2010 gan Nic Dafis

Rhag ofn eich bod chi wedi colli’r ddolen iddo reit lawr ar waelod y blog, dyma’r llun o draeth Llangrannog sy bellach yn addurno’r hen flog, yn ei lawn ogoniant:

Mae’r llun gan papalamour, hen gyswllt i fi ar Flickr – mor hen, dw i ddim yn cofio’n iawn sut des i ar draws ei ffrwd, ond debyg taw trwy’i luniau gwych o Langrannog des i i nabod ei waith. Diolch iddo fe am gyhoeddi ei luniau dan drwydded Comins Creadigol, sy’n golygu bod unrhywun yn gallu eu hail-ddefynddio, ac hyd yn oed eu hail-ficsio nhw, cyhyd ag y rhoddir cydnabyddiaeth i waith gwreiddiol papalamour, a ddim yn wneud arian ma’s o’r gwaith newydd.

Tra bod ni ar y pwnc, mae Carl Morris wedi bod yn meddwl yn uchel am hawlfraint yn diweddar, ac yn y bôn dw i’n cytuno â fe. Wedi dweud hynny, dw i ddim yn cytuno bod angen sustem hawlfraint newydd i Gymru, a ddim yn gweld sut byddai hynny’n gweithio tra bod Cymru a Lloegr yn rhannu cyfundrefn cyfreithiol yn gyffredinol. Pan daw’r chwyldro gogoneddus, wrth gwrs, bydd popeth yn wahanol, ond tan hynny dylai fod yn ddigon i hybu defnydd o’r Comins Creadigol mor eang ag sy’n bosibl, yng Nghymru fel yng ngweddill y byd.

Dim Saesneg yn Llanuwchllyn

Postiwyd ar Medi 7, 2010 gan Nic Dafis

Mynd trwy hen luniau ar Flickr, a meddwl postio ambell un fan hyn a fan draw.

Nôl

Postiwyd ar Mawrth 9, 2009 gan Nic Dafis

Hermann Hirsch
(1861-1934)
Hunan-bortread

Ein jüdischer Maler in Göttingen, arddangosfa o waith Hermann Hirsch, artist oedd yn hen-ewythr i’m partner, Philippa. Mae’r llun i’r chwith (rhowch glec am fersiwn mwy) yn un o ryw hanner dwsin sy gyda ni, wedi dod i lawr i Philippa trwy ei mam.

Never Knowingly Underwhelmed, blog Saesneg gan Andrew Collins. Wedi darllen ei hunangofiant yn diweddar, a braf yw darllen hanes rhywun na chafodd ei abiwso fel plentyn, yn seicolegol, na (oni bai am ddeiat o sbageti hwps ac Angel Delight) yn gorfforol. Dyw e ddim mor smyg ag mae hynny’n swnio.

Chasm Filler, blog MP3 eclectig iawn. Tim Buckley, Public Image Ltd a’r Boredoms o fewn yr wythnos diwetha.

We Can’t Paint, blog am ffotograffiaeth, a thrwy hwnna, Will Steacy, ffotograffydd o Philadelphia. [wood s lot]

Panda Flickr – dw i ddim yn ei ddeall, ond dw i’n ei hoffi fe. [mefi]

Fy hoff grŵp Facebook erioed – dw i’n siŵ bod yr athrawon Saesneg i gyd yn falch iawn o weld hyn.

Gall Cymru fod yn annibynnol? Gwefan newydd gan Plaid Cymru sy’n gofyn y cwestiwn hanfodol i’w bodolaeth nhw fel plaid. Rhaid i mi gyfaddau mod i wedi colli bach o ffydd yn y Blaid ers dabacl papur newydd Y Byd, ac mod i wedi bod yn byw gyda mhen gwleidyddol yn y tywod i ryw raddau am fwy na blwyddyn, felly mae hyn wedi dod fel sioc i mi, os yn sioc braf. Ydw, dw i mor fras â hynny; rhowch eich dadleuon ar wefan deca, gyda’r Adam Price hyfryd ’na yn eu cyflwyno, a wna i eu llyncu nhw’n gyfan. Neu, o leia, helpu lledu’r gair:

Darllen mwy – or watch an English language version.

Hen Ffenest, Pentregat

Postiwyd ar Tachwedd 10, 2008 gan Nic Dafis

Ymateb

Dave Gorman ydw i

Postiwyd ar Hydref 21, 2008 gan Nic Dafis

Mae Dave Gorman ar Flickr. Dyma fe’n esbonio pam mae’n hoffi Flickr. Dyam ei wefan e, a dyma ei flog, sy’n werth ei ddarllen. Gweler, er enghraifft, ei gofnod sy’n gofyn “O ble mae arian yn dod?”

Mae gyda fe rhywbeth mewn cyffredin ag Andy Goldsworthy, hefyd: mae’r ddau yn hoffi balanso cerrig.

Bydysawd y Tagiau

Postiwyd ar Mai 22, 2008 gan Nic Dafis

Mae Tag Galaxy yn ffordd newydd o bori Flickr. Mae’n bert iawn, bach yn araf, a bach yn clynci efallai, ond fel mae majick yn dweud yn y defyn Mefi:

I made a spinny globe covered in bacon. That alone redeems any UI badness I had to endure.

Dyma Geredigion o’r gofod:

Methu newid fy smotiau

Postiwyd ar Mai 15, 2008 gan Nic Dafis

Hen luniau

Postiwyd ar Chwefror 10, 2008 gan Nic Dafis

Jyst mynd trwy hen bethau ar fy ffrwd Flickr a meddwl byddwn i’n postio rhai o hen ffefrynnau fan hyn. A pham lai?

Heddiw ar Flickr

Postiwyd ar Medi 10, 2007 gan Nic Dafis

Nawr dyna rhywbeth ti ddim yn gweld bob dydd.

Oni bai bod Dogfael wedi bod ar ei wyliau, wrth gwrs.

Gwers hanes syml Cilmeri

Postiwyd ar Medi 10, 2007 gan Nic Dafis

Llun gan Twm™, draw ar Flickr.

Gol. Gweler y sylwadau i weld yr arwydd cyn iddo gael ei wella. (Diolch Aran.)

Sillafu â Flickr

Postiwyd ar Awst 27, 2007 gan Nic Dafis

Bach o hwyl – ffeindiais i hwn ar dudalen brofeil Auntie P, un o’m hoff Flickrwagedd.

Coginio’n Wyllt

Postiwyd ar Awst 27, 2007 gan Nic Dafis

Coginio’n wyllt, set Flickr gan Junctify. Mae ganddi flog am fwyd, hefyd.

Schnapps y Ddraenen Wen – rysait.

Salad Madarch Gwyllt – Amethyst Deceiver yw’r madarch, ddim un dw i’n cyfarwydd â fe.

Llawer mwy yma.

Caws!

Postiwyd ar Awst 24, 2007 gan Nic Dafis

Am ryw reswm, wnaeth fy syniad am gylchgrawn newydd ffotograffiaeth Cymraeg ddim yn ennill llawer o gefnogaeth.

(Jyst mynd trwy hen luniau ar Flickr a ffeindio hwn. Dal yn wneud i fi wenu. Sori, Mabs.)

Balwns

Postiwyd ar Awst 23, 2007 gan Nic Dafis

Chirk Noir

Postiwyd ar Gorffennaf 22, 2007 gan Nic Dafis

Ymateb

Mae’r Flickiwr JayT47 â sawl llun hyfryd o’r hen Waun. ~~Maent dan hawlfraint llawn, felly dw i’n methu eu dangos fan hyn (wna i ofyn caniatâd nawr), ond~~ fy ffefrynnau yw:

Y Clwydi Pert

Gwesty’r Llaw

Y Waun gyda’r Nos

Tandoori’r Waun (dyma lle clywais i fod fy nhad ar farw, felly yn fwy noir-aidd i fi’n bersonol, debyg)

Teras y Llaw (dw i’n meddwl taw dyna’r enw)

Gol: Diolch i Jay am roi’r caniatâd i ddangos y lluniau yma.

Polperro, Totnes a Dartington

Postiwyd ar Mai 27, 2007 gan Nic Dafis

Lluniau Flickr o’r penwythnos diwetha.

Cawson ni benwythnos penigamp gyda theulu Philippa. Nos Wener gyda ei chwaer, ei merch hithau, a’i theulu ifanc hithau, sydd i gyd yn byw ym Mholperro, Cernyw. Wedyn ddydd Sadwrn i Totnes, Dyfnaint, i gwrdd â chwaer arall Philippa, ei phartner a’i phlant, ar gyfer Darlith Coffa Bina Gibson, sef mam Philippa.