Mae ’na bethau ar Flickr sydd ond yn wneud sens os wyt ti’n eu gweld yn y cydestun cywir. Edrych ar ffrwd Dogfael ar y funud ac mi weli di lot o luniau sy ddim yn edrych yn arbennig o ddiddorol, ond edrych arnyn nhw fel cyfres o sleidiau ac maen nhw’n wneud sens perffaith. Darn o waith celf, dwedwn i.
Ble mae’r Jetée Gymru?
Gwyliais i Culloden y prynhawn ’ma, ffilm glasur Peter Watkins sy’n rhoi hanes fesul munud o’r frwydr diwetha i gael ei hymladd ar dir Prydain.
Ddim yn gwybod ble dw i wedi gweld hyn o’r blaen, ond dw i wedi gweld hyn o’r blaen. William Burroughs yn darllen dros ffilm fach wedi’i hanimeiddio (rhyw 9 Mb) – Ah Pook Is Here.
[Mwy ar BoingBoing]
Llawer o bethau da yn y post heddi, gan gynnwys CD Fred Frith, River and Tides, trac sain o’r ffilm anhygoel am waith Andy Goldsworthy.
Fred Frith – Rivers and Tides, Part VI (MP3, 5MB)
Adolygiad Constantine gan Suw. Fersiwn gryno: dyw e ddim yn sugno twll din, sy’n fy synnu fi ar yr ochr gorau. Hei, es i i weld Johnny Mnemonic, 107 munud fydda i’n byth yn cael yn ôl.
Ond dw i’n ymddiried yn Suw, er ei bod hi’n cyfadde nad yw hi’n hollol ddi-duedd gan ei bod hi’n ffansio Keannu. Wel, pwy sy ddim? Dw i jyst yn synnu nad oedd hi wedi awgrymu Simon Clegg am y rôl, a dweud y gwir. Byddwn i’n llai parod i dderbyn ei barn ’sai hwnna wedi bod yn y gôt gabardîn.
Archif Prelinger – miloedd o ffilmiau darfodedig o America.
Ffilmio’r glaw gan Eric Rice, gyda cherddoriaeth gan Keali`i Reichel
Tky nagaremono (Seijun Suzuki, 1966). Ordrais i hwn o Webflix heb wybod dim byd amdano. Mae o leia cyn-ryfedded ag unrhywbeth gan Takeshi Miike, a chan nad oedd modd i mi ffeindio mas dim byd amdano fe (a does dim manylion ar y disc, dim byd ond y ffilm) do’n i ddim hyd yn oed yn siwr ym mha degawd y’i wnaethpwyd. Alla i ddim dweud i mi fwynhau’r ffilm, ond oedd yn ddiddorol mewn pob math o ffyrdd.
Zatichi (Takeshi Kitano, 2003). Rhyfeddol.
Water Wrackets (Peter Greenaway, 1975). Stori Tolkienaidd, abswrd, delweddau hyfryd, cerddoriaeth perffaith, hyd yn oed teitlau mewn ffont cain. Gwych.
A Walk Through H: The Reincarnation of an Ornithologist (Peter Greenaway, 1978). Bach yn rhy glyfar-glyfar, ond gwerth ei weld.
Intervals (Peter Greenaway, 1969). Un o’r ffilmiau mwya “technegol” Greenaway. Bach yn oer, yn enwedig wrth gymharu a’r lleill ar y disc.
H Is for House (Peter Greenaway, 1973). Un o’r ffilmiau byrion ar Early Greenaway 1, ac un o’r ffilmiau mwya cyrhaeddadwy dw i wedi gweld gan Greenaway.
Trees Lounge (Steve Buscemi, 1996). Yn fy llyfr bach, mae’n jyst dweud “rhy ddiflas”.
Phone (Byeong-ki Ahn, 2002). Methais i eistedd trwy hyn yn yr UGC. Ringu/Dark Water, blah.
Slacker (Richard Linklater, 1991). Ddim yn siwr pam, ond ces i fy siomi gan hyn, er mod i wedi gweld o’r blaen, a wedi gweld sawl ffilm Linklater yn diweddar a joio bob un.
Sans soleil (Chris Marker, 1983). Marker eto, a ffilm anhygoel sy’n tu hwnt i’m gallu i’w disgrifio. Dw i am brynu copi o Amazon i mi gael gweld e eto, ac eto byth, achos mae gen i deimlad y bydd hyn yn un o’r ffilmiau ’na sy’n tyfu arnat fel mwsogl.