Newydd dod ar draws Reblogger, meddalwedd rhad ac am ddim sy’n cynnig fforwm trafod i’r weflog. Dw i wedi defnyddio Blog Voices o’r blaen, ond maen nhw’n cael problemau gyda’u server.
Mae hwn yn edrych yn dda. Felly, dweud ‘helo’ gan roi glec ar y botwm ‘trafod, isod.
Bydd cyfarfod nesa Cymdeithas D.J. wythnos yr Eisteddfod Genedlaethol ddydd Gwener, 10 Awst, am 11.30 y.b. yng Nghlwb Plas Pigot, Heol Rhuthin, Dinbych (01745) 812248. Mae ’na map ar eu gwefan, hefyd.
Fe brynais CD newydd Pigyn Clust ddoe. Mae’r cerddoriaeth yn arddechog, fel arfer, ac mae’n braf gweld Idris Morris Jones yn gwenu fel ei alter ego ar y clawr (os dych ddim yn gwybod beth yw alter ego Idris, nid fy lle i yw e i’w ddweud). Ond tu mewn y clawr mae ’na lluniau mwya pornograffig welais erioed ar glawr CD cerddoriaeth gwerin Cymreig. Falle rhywfath o brawf meddyleg yw e, a fi sy ar fai am fod meddwl brwnt, plentynaidd ’da fi, ond so nhw edrych fel ffrwth i mi.
Falle mod i’n treulio gormod o’m amser ar y rhyngrwd.
Newydd sgwennu llythyr i’r Teifi Seid, sôn am yr hen dadl flinedig: unrhyw un sy’n siarad am fewnlifiad yn otomatig yn cael ei alw ‘hilgi’.
Yr oedd yr arddangosfa yn siomedig braidd – doedd y lluniau y y Tabernacl ddim cystal â rhain ar y wefan hon.
Roedd Machynlleth yn brysur iawn – oes ’na fwymwy o siopau ‘pethau del’ bach nag oedd ’na, neu ydw i’n dychmygu pethau?
Treuliais i dair awr yn llyfrgell Huw Owen, darllen hen gopiau Barn a Planet. Ond y peth gorau ffindais i oedd erthygl Sight and Sound o 1970 oedd yn sôn am fy hoff ffilm erioed, Two Lane Blacktop.
[Gol. 21/11/09 trwshio linc mewnol.]
Cymuned yn ethol swyddogion – (stori BBC). Mae gwefan Cymuned wedi dechrau tyfu, gyda rhestr postio a ffeiliau swn i’w llwytho.
Morfa – amser i mi newid enw y flog? Falle Blog Cae Ras?
Y Ffordd Ymlaen? – neges, neu erhygl braidd gan “Llion Bach” ar negesfwrdd y Cymry Cwl.
Yn boenus o syml, y ffordd i arbed yr iaith yw hon: mynnu ei pharhad. A’r unig ffordd i iaith barhau yw iddi gael ei defnyddio. Yn y dechreuad yr oedd y gair. A anghofiwyd y gwirionedd syml hwnnw? Siaradwn Gymraeg, felly, a siaradwn Gymraeg ym mhobman, gyda phawb. Siaradwn gyda’r Cymro, y Sais; yr Albanwr, yr Almaenwr; y Pacistani a’r Pwyl: pawb sydd yn byw neu yn gweithio yng Nghymru. Pawb. Yn ddieithriad. Yr unig bryd y trown at y Saesneg fydd er mwyn esbonio ymadrodd chwithig neu air newydd i’r sawl sy’n dysgu. Oherwydd nid cenedl o’r Gymraeg a’r di-Gymraeg mohonom bellach, ond cenedl o ddinasyddion sydd naill ai’n medru’r Gymraeg, neu’n ei dysgu.
Ar ôl darllen erthygl yn y Teifi Seid sy’n dweud bod Seimon Glyn yn “braidd yn hiliol”, rwy’n un cam agosach at derbyn her Llion. Rwy’n gwybod yn fy nghalon ei fod e’n hollol iawn, bod ein hunig gobaith yw i beidio troi i’r Saesneg er mwyn bod yn gwrtais wrth pobl sy ddim yn fodlon dysgu iaith y wlad maen nhw’n byw ynddi.
Clywais i ailadroddiadd o’r rhaglen gyda Dave Edwards, bore dydd Sul (gyda diolch i Steffan). Rhaglen ddiddorol. Roedd hi’n drist glywed bod Dave yn sâl o hyd; braf iawn glywed Leonard Cohen a Captain Beefheart ar Radio Cymru.
Mae hon yn edrych yn ddiddorol: Cymru Radical, cyfres Radio Cymru sy’n trafod gwrthdystwyr. Drueni mod i wedi colli’r ddwy raglen gyntaf.
Cymru Radical, yn dechrau ddydd Mawrth, Gorffennaf 3, 18.10. Ailddarllediad: dydd Sul, Gorffennaf 8, 12.00
[dedicated] to Dave Edwards (Datblygu), Owain Wright (Rheinallt H. Rowlands) and Ann Matthews (Ectogram), the ‘cracked’ voices of Welsh music.
[Gol. 21/11/09: dolen wedi marw, fersiwn PDF fan hyn]
Dave Datblygu’s dad says
There is only one drummer
And that’s Ringo
Oes unrhywun gyda tâp o’r rhaglen Beti a’i Phobl (gyda Dave)? Collais i hi. Bah. Ebostia os oes copi ’da ti. [Gol. mae ’da fi gopi.]
Wrth darllen Cyflwyno’r Iaith Lenyddol, fe ddes i ar draws y gerdd hon:
Gwyn ap Nudd
Gwyn ap Nudd, Gwyn ap Nudd,
Lliw y lloer sydd ar dy rudd;
Cerddi’n ddistaw fel y nos
Drwy y pant a thros y rhos;
Heibio i’r grug a’r blodau brith
Ei, heb siglo’r dafnau gwlith:
Gwyddost lle mae’r llyffant melyn
Yn lletya rhwng y rhedyn;
Gwyddost lle daw’r gwenyn dawnus
I grynhoi eu golud melys:
Gweli’r hedydd ar ei nyth,
Ond ni sethri’r bargod byth;
Gwyn ap Nudd, Gwyn ap Nudd,
A lliw y lleuad ar dy rudd.Elfed
Hyfryd iawn, a dealladwy hyd yn oed i fi (mae ’na obaith, ’te!). Ond, jyst i ddangos pa mor anwybyddus ydw i, doedd dim syniad ’da fi pwy oedd ‘Gwyn ap Nudd’. Wel, rwy’n gwybod nawr.
Dyw Blogvoices ddim yn gweithio. Dyw Metafilter ddim yn gweithio. Dyw Halcyon ddim ar gael, chwaith. Beth sy’n digwydd i’r byd?
Fersiwn newydd Apocalypse Now? Rwy’n ffaelu aros.
[Gol. 27/09/09 - dolen wedi marw]
Newyddion ar y we?
Wrth gwrs, mae’n wych cael y newyddion yn eich iaith eich hunan ond fel gwefan hawdd ei defnyddio a darllen does dim byd gwell na’r International Herald Tribune.
Mwy o protestiadau yn erbyn hadau GM, y tro ’ma yn Sir Fflint.
Oes ’na safle GM yn eich ardal chi – tseciwch.
[Gol. dolen wedi marw]
Sgwrs diddorol ar Metafilter sy’n sôn am yr wyddor, gwreiddiau a datblygu ieithoedd, ac ati. Mwy o wybodaeth fan hyn a fan’na.