dltq.vlog: My Human Dog Cameo – dw i’n blogio llawer o flogiau fideo ar hyn o bryd, achos mod i wedi fy nghyffro ganddyn nhw, ond erbyn hyn mae’r pwll yn eitha cyfwng. Wrth gwrs, mae hyn yn golygu bod hi’n bosibl i ddod i “nabod” y criw bach o bobl sy’n blogio ar fideo yn eitha cyflym.

Neis iawn i glywed Peter yn y clip ’ma ddweud:

You speak Flemish, then you blog yn Flemish; you speak Spanish, then you blog in Spanish.

Ond, mae Peter yn blogio yn Saesneg.

Haddock – dyna beth dyn ni’n cael i swper heno, ac wrth edrych am rysait i hadog â saws sorel, des i ar draws y blog-ar-y-cyd dolennog iawn yma dw i heb ei weld ers tro.

Canllawiau i dwpsinod (yn Saesneg, fel mae teitl yn awgrymu).

Hefyd: Blog tips Central – cant a mil o awgrymiadau i dy helpu di cadw i fynd.

Posted in Heb gategori | Tagged Blogiau Eraill

Mae blog William Gibson yn ei ôl, ac mae ganddo fe jôc (sy ddim mor ddoniol â hynny, chwaith) am Bush. Rhy hir i bostio yma.

Ond yw hi’n braf gweld dy arwyr o’r cigfyd (gan gynnwys y dyn a fathodd y gair “cigfyd”) â blogiau? Gibson a Bob Mould, hyd yn hyn.

Sôn am gerddoriaeth fy nyddiau coleg, mae Bob Mould yn blogio! A dw i newydd sylweddoli.

Os dwyt ti ddim yn deall pa mor wych yw hyn, cei di ddechrau dy addysg fan hyn. Celebrated Summer, yn uchel, plîs.

Na, uwch na hynny.

Mae elck o’r corff llafar gwlad wedi bod yn arafu am wythnos, cymryd hoe bach, ail-ddarllen, ac ail-gyhoeddu, rhai o’i hoff erthyglau o’i hoff weflogiau.

Y ffordd mae rhithfro yn cynyddu ar hyn o bryd, bydda i’n gallu wneud hyn ymhen rhyw flwyddyn neu ddwy.

Rhywbeth i edrych ymlaen ato fe.

WelshPolitics.com – gwefan bersonol Leanne Wood AC Plaid Cymru, sy’n cynnwys fforwm trafod am wleidyddiaeth.

Mae Kinja yn syniad da. Yn syml iawn, ti’n creu rhestr o weflogiau ac mae Kinja yn cadw trac ohonyn nhw. Dw i wedi dechrau rhestr yma. Un broblem yw bod cofnodion y blog ti’n ychwanegu yn ola yn ymddangos uwchben popeth arall, yn lle cael eu trefnu ymysg pethau eraill.

Ddim yn siwr pa mor ddefnyddiol y bydd hyn, ond wna i chwarae gyda fe.

Tesugen – gweflog dwyieithog (Saesneg/Swedeg – ond uniaith Saesneg tan yn ddiweddar, nes iddo gyfuno â’r gweflog uniaith Swedeg fan hyn) gan Peter Lindberg. Eitha gîcaidd, a sdim archifau erbyn hyn, ond un i wylio, dw i’n meddwl.

Mae gan Peter dudalen o ddailnodiadau ddiddorol iawn. Bydda i’n ymchwilio trwyddyn nhw yn y dyddiau nesa i ffeindio mwy o berlau fel yr un isod.

Joueb.com – gweflogiau yn Ffrangeg, llawer ohonyn nhw.

The Midcurrent – gweflog am bysgota. Dw i’n dwli ar flogiau am bynciau arbennig, hyd yn oed pynciau sy ddim yn golygu llawer i mi (fel pysgota).

Ers i mi ail-gynllunio Morfablog, mae sawl person wedi dweud pa mor hyfryd yw e, ond am y cefnydir. Does neb yn hoffi’r cefndir! Philistiniaid.

Ta beth. Dyma restr o weflogiau sy’n bertach na Morfablog.

dagb�k m�n – blog amlieithog sydd gyda dolen i ni yma.

Dw i wedi gweld eisiau blog Pat ers iddo gymryd hoe oddi wrtho. Nawr dw i’n ffeindio ei fod e wedi bod yn malu awyr ar flog livejournal. Y fastad.

A beth digwyddodd i’r blog Cymraeg?

A Fistful of Euros – gweflog gan griw sy’n ymwneud â materion cyfoes yn Ewrop a thu hwnt. Un i ychwanegu i’r rhestr “darllen bob dydd”.

Mae thema Bluecalx yn syml iawn, ac yn cyd-fynd a’i elusen, Water Aid. Mae gan bob cofnod ar y blog rhywbeth i wneud â dwr.

Yn sydyn iawn, mae syched arna i.
Continue reading →