Dyma tric bach handi, sut i wneud dy ffrwd RSS dy hunan (gan David ar Cloudsoup, eto).

Mae e wedi wneud ffrwd sy’n ffeindio pob stori ar “Wales Welsh Culture Arts”. Jyst i brofi bod ei ganllawiau yn ddigon hawdd i unrhywun i’w dilyn, dyma un dw i wedi’i wneud i ffeindio storiau am yr iaith (cei di danysgrifio i hwn ar Bloglines yma).

Mae’n drueni nad yw’n pigo lan pethau yn y Gymraeg (o wefan Cymru’r Byd, er enghraifft, ond mae siwr o siwr ffordd o addasu fe.

Mae Feedburner yn gallu creu GIF wedi’i animeiddio o dy ffrwd hefyd, nid fy mod i’n ddigon plentynaidd i wneud…

O, g’won ‘te:

Diolch i Aran, dw i wedi treulio oriau ychwaegu erthyglau newydd i’r Wicipedia.

Ie, dw i’n gwybod mod i wedi sillafu Medal Rhyddiaith yn anghywir, Huw. Paid poeni, dw i wedi ei gywiro.

Mae ffrwd RSS ’da’r Wiki, i chi ddefnyddwyr Bloglines. (D.S. Dw i’n cael neges wall wrth glicio ar y linc am y ffîd, ond mae Bloglines yn gallu wneud sens mas ohono fe, felly mae popeth yn iawn.)

Mae Rhodri Nwdls ar daith trwy Gymru ar gefn ei feic, ond mae’n blogio o hyd, gyda ei ffôn ar y lôn (ar y lôn las?)

Jyst rhag ofn bod chi ddim wedi sylwi, mae peth bach newydd ar y dde ’na, sef “Pigion o’r Rhithfro”. Dyna ble bydda i’n rhoi lincs i flogiau Cymraeg newydd , neu cofnodion handi ar weflogiau Cymraeg, neu hyd yn oed edeifion diddorddol ar maes-e. Bydd y dolenni yn mynd yn syth at y wefan mewn golwg, ond cei di adael sylw yma os ti moyn gan roi clec ar y “#” dan y linc.

Mae cymaint o bethau da yn digwydd yn y rhothfro ar hyn o bryd oedd perygl y byddai Morfablog yn troi yn ddim byd mwy na chasgliad o ddolenni i weflogiau newydd yn yr hen iaith: dim byd yn bod ar hynny wrth gwrs, ond mae diddordebau eraill ’da fi.

Na, wir i chi.

Dyffryn Aeron ar y we – am enghraifft wych o wefan Gymraeg gymunedol. Syml, defnyddiol, diddorol, a digon o luniau o ddynion wedi’u gwisgo fel Jordon. Rhywbeth i bawb.

Falle o’n i’n gwybod bod blog rhestr ffilmiau gan Rhodri Nwdls, ond dw i’n eitha siwr dw i ddim wedi blogio amdano fe.

Mae blogiau syml fel hyn yn dangos hyblygrwydd y fformat. Dyma rywbeth sy ddim yn swnio yn ddiddorol iawn ar bapur, ond mewn gwirionedd, mae’n ffordd reit dda o ffeindio ffilmiau newydd i’w gwylio.

dimcwsg.com – gwefan drafod ar gyfer rhieni a darpar rheini, sy’n defnyddio meddalwedd phpBB (fel mae maes-e yn ei ddefnyddio) ond i greu gwefan gymunedol go wahanol i’r hen faes, tybiwn i.

Llongyfarchiadau i Siwan, Siôn a’r criw am ddod â’r babi newydd hwn i’r byd.

Mae tyfiant ym myd y blogiau Cymraeg yn mynd yn drech na fi. Dw i’n ffaelu cadw i fyny, gyda chymaint o flogiau newydd yn cael eu creu, a llawer ohonyn nhw’n edrych fel y byddan nhw’n werth darllen, hefyd. O ie, sori, wedais i ddim byd am hyn, naddo? Nid jyst mwy o flogiau Cymraeg sydd angen, ond blogiau Cymraeg y bydd pobl eisiau darllen achos eu bod nhw’n dda, yn hytrach nag achos eu bod nhw’n Gymraeg. Dw i wedi cael “getaway” gyda sgwennu rwtsh yma, ond bydd rhaid i hynny newid nawr bod Morfablog yn ddim ond un o lawer.

Dw i wedi bod yn aros am hyn ers 2001.

Mewn datblygiad gwych mae Aran wedi lansio Sgwarn(fl)og, sy’n defnyddio meddalwedd ffynnon agored Nucleus mae Aran wedi’i addasu i greu profiad blogio hollol Gymraeg, fel fyddet ti’n disgwyl gan Brif Weithredwr Cymuned. Mae e’n cynnig llety i flogwyr sy’n “o ddifri” am flogio – hynny yw, sy ddim y mynd i sgwennu “helo byd” ac wedyn diflannu o’r Rhithfro. Os wyt ti am greu http://dyflogdi.cymrurhydd.com, cysyllta ag Aran.

Rownd yp glou o’r blogiau Cymraeg newydd sy wedi ymddangos yn y deudydd/tridiau diwetha. Bydda i’n ychwanegu nhw at rhestr y rhithfro yn y man.

Ymddiheuriadau os ydw i wedi anghofio unrhywun. Rho wybod yn y sylwadau os felly.

Ble mae’r gath? – gan Mike, dysgwr o Lundain.
Yr Efengyl yn �l Iesu Nicky Grist (dim perthynas).
Saerh�d gan Ifan Saer.
Dim Brains gan MC Sleifar.
Hogyn o Login gan Aled.

Ddim yn gwybod pam dw i heb wneud hyn o’r blaen, ond dw i newydd ychwanegu Lol Lwlw i Restr y Rhithfro. Un o’r ton newydd o’r blogiau Cymraeg, ac un o’r mwy bywiog. Rhywbeth newydd i ddarllen bob dydd, dyna beth dyn ni moyn! Mwy o lol, plîs, Lwlw!

Blog Droed: Meddwi’n racs yn Riga – stori Gary am ymweliad cyntaf tîm pêl-droed Cymru â Latfia:

Roedd rhywfaint o siom nos Lun wrth i bedwar boi ifanc o Latfia ddewis ymosod ar ein criw ni o hogia mewn bar ger y prif sgwâr. Er bod yr heddlu wedi eu galw i’r bar gan y perchennog, llwyddodd y bois o Latfia i roi slap i nifer o’r hogia. Yn wir, roedd un plismon yn dal Cymro tra roedd un o’r hogia lleol yn ei ddyrnu.

I dorri stori hir yn fyr, es ddywed y Sais, cafodd un Cymro ei gymryd i gefn fan heddlu ac, ymhen ychydig oriau, cafodd ei hebrwng i ATM cyfagos a’i orfodi i dynnu 300 lat (tua �300) allan o’r peiriant – “dirwy” medda nhw … set-up llwyr a llwgrwobrwyo byddwn i yn ei alw.

Dyma pam mae angen mwy o flogiau Cymraeg. Ble arall gallu darllen storiau fel hyn o berspectif un o’r cefnogwyr?

Mae hi wedi bod yn wythnos fishi ym myd blogiau Cymraeg. Dw i wedi colli trac o faint o flogiau newydd wedi ymddangos (mae o leia dau wedi dechrau heddi, sef Ymgyrchu a’r Bachgen o Bontllanfraith). Ond mae rhywbeth arall wedi dechrau symud yn y tywyllwch. Rhywbeth rhyfedd, rhywbeth amwys, rhywbeth sy’n drewi fel pymtheg llath o fadarch wedi pydru.

Foneddigion a boneddigesau, mae Mordicai yn y tŷ.

Byddwch ag ofn. Byddwch ag ofn mawr.

Wel, nid eto, ond rhywbryd, falle.

Byddai’n wych o beth ’sai rhai o’n beirdd yn dechrau blogio. Hawdd i ddychmygu’r hwyl byddai Twm yn cael gyda sgwarnogblog Morysaidd, unwaith ei fod yn gweld pa mor hawdd yw e cyrraedd cynulleidfa uniongyrchol.

Beirdd y byd! Mae’n cymryd pum munud i ddechrau blog! Dyw e ddim yn costu dim! Does dim angen aros am gyllid gan y Cyngor Celfyddydau!

Oes ’na ffordd neis i ddweud wrth cynghanedd.com bod y GIFiau wedi’u hanimeiddio, tagiau <MARQUEE> a’r defnydd o enwau stafelloedd mewn tŷ yn lle adrannau ar wefan, yn wneud eu tudalen flaen yn amhosib i’w ddefnyddio? Nag oes? Ocê ‘te.
Continue reading →

Wedi ychwanegu Sibrydion Snaks a sawl ffrwd RSS i restr y rhithfro.

Mae gan Chris Castle blogffoto o’r enw Bratiaithflog sy’n llawn ffotos gwych Caerdydd a’y cylch.

Gwleidydd – blog newydd arall, ac un sy’n mynd i fod yn ddiddorol iawn.

Dw i wedi dechrau blog bach sydyn ar gyfer englyn y dydd – jyst lle i bostio un (neu fwy) o englynion bob dydd, gan fy mod i’n trial darllen mwy o farddoniaeth.