Blewog – blog Cymraeg newydd, syth mas o Bahrain.
[Trwy Nwdls.]
Blewog
Ymateb
Diolch Dafydd!
Newydd sylweddoli bod Dafydd wedi fy noddi. Diolch yn fawr am hyn Dafydd. Ro’n i’n gobeithio dy weld di yn ystod y Steddfod. Fuest ti ’na?
Peidiwch â cholli Gigfap Curiad – sdim lot o bethau sy’n cymaint o hwyl ag ymsaethu i mewn ar y Fic, Llithfaen o uwchben y cymylau.
daflog
Pubs Cymru
Pubs Cymru – tafarnau, siwrli? Ond syniad da, a rhywbeth all fod yn adnodd go iawn yn y dyfodol (bla bla bla GoogleMaps bla bla posibiliadau bla bla rhyw feddw i flogio bla).
Blog Steffan Cravos
Mae Cadeirydd newydd Cymdeithas yr Iaith wedi dechrau blog newydd.
Gartre gyda Siôn a Debi
At Home with John and Debbie – blog gan Gymro, mae’n debyg sy’n cwyno am safon y Gymraeg ar Wicipedia.
Mae gen i teimlad fod Cymraeg ddim yn iaith gyfleis i’r fath o cyfarthrebi sydd yn cyffredin ar wefannau Saesneg. Ydw i’n fod yn gwirion?
Fi yn Gymraeg: Beth dylwn i gwneud?
Wnes i sôn am Chris Cope neithiwr, y dysgwr o Finnesotta. Ar ei flog Cymraeg mae gyda cofnod am beth dylai fe ei wneud i hybu’r hen iaith yn y byd newydd. Oes awgrymiadau?
Mae’r Byd yn Hyfryd
byd hyfryd – jyst beth o’n i mo’yn, ffeindio blog Cymraeg newydd.
Criddle yn y Sgrym
Y Rheng Flaen yw blog rygbi, yr un cynta yn y Gymraeg, mae’n debyg – a finne am un yn edrych ymlaen at y dydd pan bydd o leia un o bob math o flog yn y Gymraeg, i mi gael beidio teipio’r llinell ’na byth ‘to.
Y barfog brawd Geraint Criddle sy’n ei gynnal, sy’n warant o’i safon. Wel, o leia bydd popeth wedi’i sillafu’n iawn, sy’n fwy nag allwn ni ddweud am y lle hwn.
Flickr yn y Guardian
Erthygl yn y Guardian am flickr. Braf i weld papur newyddion sy’n deall y we a’i chymryd o ddifri.
[diolch i Mordicai]
Cadw mewn cyswllt
Cysyllta – blog Cymraeg newydd sy’n edrych yn addawol iawn.
Blog Chwaden
Cwacian, blog Chwaden, wrth gwrs.
Mae ganddi gofnod diddorol am hawliau anifeiliad, rhywbeth sy yn y newyddion ar hyn o bryd achos gweithgareddau’r eithafwyr, a’r mesurau newydd gan ein llywodraeth proto-ffasgaidd a ellir, yn handi iawn, cael eu defynddio i amddiffyn elw y cwmniau ffarmasiwtical y bobl sy wedi denu sylw negyddol am eu cysylltiadau (tenau iawn, mewn rhai achosion) i’r diwydiant arteithio anifeiliad.
Tagiau Technorati, ‘to
O’r adran: “meddyliau mawr yn meddwl yr un ffordd”, mae Suw wedi bod yn chwarae gyda tagiau Technorati, ac mae hi wedi hawlio’r tag cymraeg i flogwyr Cymraeg, sy’n wneud sens.
Wna i sgwennu mwy am hyn yn y man. Dw i’n mynd i’r dafarn.
Feuerwehr Waldtrudering
Tra bod ni yng Nghymru yn mynd ati i ddarbwyllo cwmnïau fel Trenau Arriva, y Banc Cydweithredol neu Marks & Spencer ei bod yn syniad da i beidio anwybyddu ein hiaith, mae’n debyg bod Brigâd Dân Waldtrudering (ie, yn yr Almaen), yn bell o’u blaen nhw.
Mae gyda nhw Basgeg, hefyd, jyst rhag ofn.
Mae hyn wedi wneud fy nydd.
Diolch am y tip, Armin.
Hefyd, o dudlaen Armin o flogwyr oddi gartref, dau flog newydd i fi (yn Saesneg), un gan Gymraes yn Nhalaith Washington a’r llall gan Gymro ym Milano (ddim wedi’i ddiweddaru yn diweddar).
Look Mum, I’m on the BBC!
Cymraeg ar y we – erthygl hynod o dda gan Sion Jobbins yn adran Llais Llên y BBC.
ANT – fideo o’r blogiau
ANT – dyw e ddim yn deledu. Damo, dyw’r pyn ddim yngweithio yn y Gymraeg.
Ta waeth, app bach neis i Mac OS X i dy helpu di lawrlwytho cynnwys o flogiau fideo, a’i wylio yn dy amser dy hun.
Tagiau ar MeFi
Ers pryd mae Metafilter wedi dechrau defnyddio tagiau? Sgrolio trwy’r rhestr ’na yw’r ffordd orau o gael cipolwg ar zeitgeist
y we dw i erioed wedi’i gweld.
Blog Rhys Llwyd (a bach o rant)
Ydw i wedi sôn bod gan Rhys Llwyd flog erbyn hyn? Mae e’n blogio am ei arholiadau ar hyn o bryd, ond mewn ffordd sy’n eich wneud chi actiwali darllen y cofnodion, yn lle y jyst dweud o, gwae fi am fod yn fyfyriwr.
Pob lwc gyda’r arholiadau, a’r blog, Rhys. Cofia, dim ond dros dro yw poen arholiadau – mae blog am oes. 
Dw i’n edrych ymlaen at yr amser (sy ar y gorwel eisioes) pan fydd yn bosibl i beidio siarad am “flogiau Cymraeg” fel un peth monolithig, a dechrau sôn am y “blogiau Cymraeg sy’n werth eu darllen”. Wedi’r cwbl, y broblem gyda S4C, Radio Cymru, Y Cymro, Golwg, bron â bod pob agwedd o’r cyfryngau Cymraeg eu hiaith eu does dim lle i fwy nag un enghraifft o bob un yn y farchnad (o leia dyna’r syniad di-ofyn), gan fod bob un o’r pethau yma yn dibynnu ar arian cyhoeddus i oroesi.
Dydy blogwyr ddim. Fel dw i wedi dweud o’r blaen, yr unig peth sy’n stopio pobl rhag blogio yn y Gymraeg yw
- Anwybodaeth (ddim yn gwybod pa beth yw “blog”)
- Prinder diddordeb
- Diogrwydd
Does neb yn dy stopio di rhaf dechrau blog heddi. Os wyt ti’n darllen hyn ar gyfrifiadur, ac oes hanner awr y dydd sbâr ’da ti, gelli di fod â dy flog dy hunan mewn hanner awr.
Reit, dw i’n mynd i’r garej. Erbyn i mi ddod yn ôl, dw i eisiau gweld hanner dwsin o flogiau newydd yn y Gymraeg.
</athro_sgêri>
Blog Dogfael
Blog Dogfael – blog Cymraeg newydd, wedi’i ddanganfod trwy Technorati.
LLangrannog a Technorati
Enghraifft arall o ba mor bwerus all gwerinonomi fod: dyma’r tro cyntaf i unrhywun bostio cofnod blog sy’n pingio’r tag technorati, llangrannog, er bod ’na luniau o sawl “cymeriad” lleol ar y dudalen ’na yn barod.
Heh.