Newydd sylweddoli bod Dafydd wedi fy noddi. Diolch yn fawr am hyn Dafydd. Ro’n i’n gobeithio dy weld di yn ystod y Steddfod. Fuest ti ’na?
Peidiwch â cholli Gigfap Curiad – sdim lot o bethau sy’n cymaint o hwyl ag ymsaethu i mewn ar y Fic, Llithfaen o uwchben y cymylau.
Three moms and a single lady – blog ar y cyd gan pedair merch sy’n mynd i drafod holl bwnc y rhywogaeth am y 23 awr a hanner nesa.
Ac mae MP3 bach neis yma.
Mae Blogathon 2005 ar fynd! 24 awr o flogio di-stop, trial cysylltu â chymaint o bobl ag sy’n bosib a chodi bach o arian at Hosbis Tŷ′r Eos yn Wrecsam.
Dyma ni, nôl o’r Steddfod, ac o’r briodas ym Mryste ddoe (mwy am y ddau beth nes ymlaen, siwr o fod). Dim ond dwy awr i fynd cyn dechrau’r Blogathon, felly well i mi datbacio, cael cawod a bwyta rhywbeth.
Cofiwch bod hi’n bosibl i fy sbonsro fi unrhywbryd rhwng nawr a diwedd y Blogathon, 2.00 prynhawn fory.
Diolch yn fawr i’r rhai sy wedi fy noddi eisoes 
Mae cyfanswm wedi cyrraedd $664 (sef £380), ar ôl i mi fynd i’r Pentre Arms neithiwr gyda fy ffurflenni sbonsro dan fy nghesail.
Bydd y ffurflenni gyda fi trwy’r wythnos yn y Steddfod, felly os wyt ti am fy sbonsro, paid bod yn swil 
Ces i amser wych lan yn y gogledd dros y penwythnos. Prif reswm am fynd oedd mynychu priodas Aran a Catrin, a oedd priodas heb ei hail oedd hi hefyd. Diolch yn fawr iddyn nhw am fy ngwahodd, ac am drefnu diwrnod mor bobdigedig ar ein cyfer. Rhaid i mi ymddirheuro am (1) adael mor anrocarol o gynnar er mwyn gweld fy mam fach a (2) fod mor esgeulus tynnu lluniau. Dw i’n cymryd y bydd digon o luniau gan bobl sy’n gwybod beth maent yn wenud, felly byddai fy ymdrechion pitw innau wedi edrych yn waeth nag arfer (ond mae gen i un da o Mabon ap a’i wyneb arbennig, felly dw i ddim yn teimlo’n rhy ddrwg am hyn).
Rhywbeth arall neis a ddigwyddodd dros y Sul oedd cael ffurflen sbonsro yn ôl gan fy mam, gyda gwerth £139 o addawon arni, sy’n dod â’m cyfanswm am y Blogathon at $538. (Tipyn bach mwy na hynny os ydw i’n iawn gan feddwl dydy un o’m noddwyr hael ddim wedi boddran conferto’r addawiad i ddoleri *peswch*Hedd*peswch*.)
Mae hyn yn wych, a gobeithio y bydd modd codi yn uwch byth erbyn i’r ‘Thon ddod i ben, ddydd Sul 7fed Awst.
Rhaid i mi siapo nawr, a dechrau sgwennu at y papurau ac ati.
Mae gwefan Blogathon 2005 yn fyw!
Fel dw i wedi sôn o’r blaen, eleni bydda i’n blogio dros Hosbis Tŷ’r Eos yn Wrecsam.
Os dych chi am fy sbonsro, mae rhaid i chi gofrestru gyda’r Blogathon, ac wedyn ymweld â fy nhudalen ymgyrch. Os cewch chi unrhyw broblemau, cysylltwch â fi a wna i ngorau i hwyluso’r broses (dyw e ddim yn arbennig o glir ar hyn o bryd, ond dw i’n credu bod staff y Blogathon yn gweithio ar bethau i wneud y wefan yn haws i’w defnyddio). Dim ond doleri Americanaidd mae Blogathon yn deall, felly mae rhaid conferto y swm o bunnoedd (£5 = $8.75, mwy neu lai).
Dw i’n bant o fory tan dydd Llun, ac wrth gwrs mae’r Steddfod yr wythnos nesa, felly fydd dim llawer o gyfle i mi gasglu noddwyr ar lein, ond dw i wedi casglu sawl un ar ffurflenni papur, ac mae Mam a’r teulu oll wedi bod yn helpu hefyd, felly pwy â wyr faint o arian maen nhw wedi codi. Edrych ymlaen at weld yfory.
Os wyt ti’n meddwl am gymryd rhan yn y Blogathon – a dylet ti, mae’n llawer o hwyl – dw i wedi agor seiat newydd ar maes-e, i drafod strategaeth ac yn y blaen.
Bydd angen logo Cymraeg, ond am y tro:
Mae gwefan Blogathon 2005 wedi dihuno! Sdim modd cofrestru eto, ond mae gyda nhw fforwm trafod sy’n agored i bawb.
Bydd seiat arbennig ar y maes cyn bo hir, hefyd.
Newydd glywed y bydd y Blogathon ar Awst 6 eleni, yn lle y dydd Sadwrn ola mis Gorffennaf fel o’n i’n disgwyl. Fydda i ddim yn y Steddfod o hyd erbyn hynny, gan fod priodas teuluol ’da ni ar y dydd Gwener, ym Mryste.
Ar yr ochr bositif, bydd hyn yn golygu y galla i gasglu noddwyr yn ystod y Steddfod.
Ar yr ochr negyddol, bydda i wedi blino racs cyn i mi ddechrau y ‘Thon – ar âl bron wythnos gwersylla/yfed/mynd i gigs/eistedd yn y Babell Llên ac wedyn parti mawr ym Mryste, a gyrru yn ôl i Langrannog erbyn 2.00yp dydd Sadwrn. Ac hefyd, mae’n llai tebyg y bydd Cymry eraill yn wneud y peth, gan fod hynny yn golygu colli noson ola’r Steddfod.
Oni bai eich bod chi’n wneud yn yr Eisteddfod?
Mae mwy na chwe mis i fynd tan Blogathon 2005 ond mae rhai pobl yn edrych ymlaen yn barod.
Nofel 40K o eiriau mewn 24 awr. Nawr, dyna rywbeth y byddwn i ei sbonsro.
Ro’n i’n meddwl oedd y Blogathon wedi stopo derbyn noddwyr newydd, ond debyg dydyn nhw ddim eto, achos mod i newydd dderbyn un newydd.
Diolch yn fawr i Branwen!
Noddwyr newydd dal i ddod i mewn. Diolch i Rhys, Huw a Claire (fy chwaer fach, aaah) a Gwyn, Helen a’r plant – cyfanswm nawr: 530!
Gyda’r llaw, heddi yw diwrnod Codi Arian Cymdeithas yr Iaith, felly os hoffet ti wneud rhywbeth i helpu’r Gymdeithas, cer i’w gwefan i gael lawrlwytho ffurflen sbonsro.
Dyma ni, Blogathon 2003 yn barod am ei gwely. Dw i wedi cael lot o hwyl, wedi codi 500 i Gymdeithas (a gobeithio cael mwy ‘to), wedi gweld llawer o wefannau gwych dw i am gadw llygad arnynt yn y dyfodol, wedi cael gweld y golau cyntaf y gwawr uwchben Llangrannog am 4.15yb, ac mae gen i un ffrind newydd yn fy nheclyn negesydd Yahoo, sef merch o’r enw “filthy_cumslut“.
Continue reading
Un o’r pethau gwych am y Blogathon yw dy fod di’n gallu mwynhau eu ffrwythau am wythnos a misoedd ar ôl diwedd y digwyddiad. Mae llwyth o broosiectau diddorol dw i ddim wedi edrych arnyn nhw eto achos diffyg amser, ond dros yr wythnosau sy’n dod bydda i’n casglu perlau o’r rhestr ’na, a’r un gan y grwp cymedrolwyr arall. Mae’r Blogathon yn parhau am byth!
Continue reading
Dyma ni yn yr awr ola. Dw i wedi ffeindio y Blogathon eleni yn lot haws na’r llynedd, er mod i wedi bod yn fwy bishi, i fod. Dweud y gwir (a fydda i ddim yn cyfieithu hyn , dw i ddim yn teimlo fel mod i wedi wneud job da o gwbl fel cymedrolwr. Dw i’n cael digon o helpu a chymorthwyo pobl ar maes-e a dwi ddim yn naturiol o gydymdeimladol gyda pobl dw i ddim yn nabod o gwbl, a fydda i ddim yn draws ar eu draws eto.
Mae yn deimlad braidd yn od bod yn rhan o rywbeth sydd bron yn gyfan gwbl uniaith Saesneg – dw i ddim yn difaru mod i wedi cyfieithu fy nghofnodion fy hun, ond ’swn i’n wneud ‘to, fyddwn i ddim yn wneud yn ddwyieithog: ond byddwn i’n trial darbwyllo un neu ddau o’n gydflogwyr Cymraeg i ymuno yn y Thon. Beth amdano am y flwyddyn nesa, bois?
Continue reading
Dw i’n cael problemau gyda’r cysylltiad. Gobeithio fydd hyn ddim yn gwaethygu.
Continue reading
Dw i wedi bod llawr rhy ddiog ynglyn â fy nghyfrifoldebau fel aelod tîm cymedrolwyr They Might Be Monitors. Rhaid i mi shapo. Mae pwynt hanner ffordd ar y gorwel. Nid mod i’n galle gweld y gorwel.
Paid anghofio sieco allan gwefan y tîm arall: The Yellow Darts
Continue reading
Wel, yn ôl y cwis ’ma…
P’shaw!
Continue reading
Dyma Maff, y blogwr mwya diog yn y byd. Mae Maff yn hoffi Metallica.com, basil a rhyw (nid ar yr un pryd, debyg). Mae ei arwyr yn cynwwys Esgob Caer Faddon a Wells a Kieffer Sutherland. Mae ei hoff fwyd yn hufen iâ o Gernyw, a’i hoff ddiod, bron â bod ei unig ddiod, yw cwrw go iawn. Mae e’n efengylwr Afal a, fel fi, mae’n diodde gyda’i gefn.
iawn, Maff?
Continue reading
Jyst rhag ofn i fy hen ffrind a noddwr Jude ddod yn ôl i sieco mod i wedi ffeindio rhywbeth am y Goodies, dyma Thonblogwr sy’n blogio am hoff bwnc Jude: caws.
Mark: Had no idea the Quran was so utterly cheeseless.
meringhetta: that’s why the fundamentalists are so intent on suicide. no cheese.
Mark: Makes sense. All this bombing and flying planes into buildings could be solved by some curdled milk.