Mae’n agor gan ddweud:

‘Mae Coleg Sir Benfro wedi derbyn yr egwyddor y bydd wrth weithredu busnes cyhoeddus yng Nghymru yn rhoi triniaeth gyfartal i’r ieithoedd Saesneg a Chymraeg. Mae’r Cynllun yn amlinellu sut y bydd Coleg Sir Benfro yn gweithredu’r egwyddor honno wrth ddarparu gwasanaethau i’r cyhoedd yng Nghymru.’

Hefyd, o dan adran “Hunaniaeth Gorfforaethol y Coleg”

8.1.6 Bydd y gwaith o ddatblygu gwefan ddwyieithog y Coleg yn parhau yn ystod oes y Cynllun hwn.

Mae gyda nhw jyst dros wythnos i bennu’r gwaith, felly. Pob lwc gyda hynny.

Wrth edrych ar yr archif dwi’n gweld fod gan Coleg Sir Benfro wefan ddwyieithog yn 2006. Fe ddiflannodd yn ail-ddyluniad 2007 gyda’r neges hynod ddefnyddiol:

Nid yw’r dudalen hon ar gael yn y Gymraeg ar hyn o bryd, felly fe’ch cynghorir i glicio ar y ddolen yma er mwyn i chi gael y wybodaeth berthnasol neu cysylltwch â Swyddog Datblygu’r Iaith Gymraeg y Coleg ar 01437 753435 am wasanaeth Cymraeg.

Ar y llaw arall ar ôl blynyddoedd o wefan saesneg yn unig, mae fwy o gynnwys Cymraeg yng nghwefan Coleg Gwent, heblaw am bethau fel newyddion a chyrsiau – diffyg sydd yn cael ei nodi yn eu “cynllun laith” (sic).

Y broblem o hyd yw fod y cyrff yma i gyd yn gallu paratoi cynllun iaith sy’n cael eu ‘gymeradwydo’ gan Fwrdd yr Iaith ond does gan y bwrdd ddim unrhyw ffordd alla’i weld o sicrhau fod e’n cael ei weithredu.

Mae gwahaniaeth rhwng pobol a “chwmniau” yn fawr iawn. Dw i’n awgrymu Google Translate am “gist” o’r Gymraeg – yn unig.

Ddylai coleg ddim yn defnyddio Google Translate o gwbl. Hmm, mae’n teimlo “anghywir” i defnyddio fe i gyfieithu pethau i mewn Gymraeg yn cyffredin.

Efallai dylen ni creu flowchart yn Saesneg – “am I allowed to use Google Translate?” e.e. “Are you an individual with a blog?”, “Are you a company or organisation?”