Syndod i weld Morfablog mewn rhestr o 10 Blog “Amatur” Gorau ar wefan Golwg360. Ddim yn siwr beth dw i wedi wneud i haeddu’r fath sylw. Fel mae’r erthygl yn awgrymu, prif nodwedd Morfablog yn diweddar yw fy mod i’n sôn byth a beunydd am roi’r gorau i’r blogio yn gyfan gwbl.
Mae Carl yn tynnu sylw at y gair “amatur” yn y darn. Ond fel dwedais i yn mewn sylw ar yr un cofnod, mae’n fwriad gen i i beidio bod mor negyddol trwy’r amser, felly dw i am gofleidio’r anrhydedd â chalon agored, a dechrau gweithio ar strategaeth i adael i fi oddiweddyd Dogfael a Rhys erbyn Nadolig. Bydd pasio gîcs Metastwnsh yn hawdd wedyn. Byddan nhw i gyd yn rhy fishi chwarae gyda’r teclynnau newydd mae Siôn Corn wedi stwffio yn eu sanau i sylwi bod yr hen bysgodyn am godi eto.
Bwahaha!
4 Comments
Y rheswm wnes i gynnwys y gair ‘amatur’ ydi nad oeddwn i eisiau gorfod rhoi sylw i flogiau proffesiynol sy’n cael digon o sylw yn barod. Fel arall mae;n siwr y byddai Vaughan Roderick neu rywbeth yn rhif 1 – ond mae pawb yn gwybod am y blog yna ac yn ei ddarllen yn barod. Roeddwn i eisiau rhoi sylw i flogiau eraill sy’n cael eu pweru gan ddim ond dyfalbarhad a gwaith caled.
A mae ‘amatur’ yn fyrrach na ‘deg blog gora nad yw’r awdur yn cael eu talu i’w sgwennu nhw’, ayyb.
Prif Is Hen Bysgodyn Golwg 360
Chwarae teg, Ifan. Basai e’n braf os fydd pobol yn dechrau blogiau newydd ar ol dy erthygl. Rydyn ni gyd yn gallu byw a chyhoeddi gyda’n gilydd!
Gyda llaw, allen nhw ysgrifennu dy enw wrth dy erthyglau?
Sori am fy gramadeg.
Dw i ddim yn poeni am y gair “amatur”, ond dw i ddim yn gweld bod rhaid gwahaniaethu rhwng blogwyr sy’n cael eu talu a’r rhai sy ddim. Mae rhywbeth naill ai yn werth ei ddarllen neu dyw e ddim. Dyw e ddim yn poeni fi bod blog Vaughan Roderick yn boblogaidd – o leia mae ei flog e yn teimlo fel blog “go iawn”, wrth gymharu â rhywbeth mae rhywun yn cael ei orfodi wneud i fod “i lawr gyda’r plantos”.
Ta beth, oedd yn erthygl ddiddorol, ac mae’n flin ‘da fi os ydw i wedi dod ar draws fel hen bysgodyn cribachllyd wrth ei thrafod. Fe wnes i wir chwerthin yn uchel pan welais i fy enw ‘na, ond doedd e ddim mor ddoniol â gweld yr erthygl ar Wikipedia oedd rhywun wedi sgwennu amdana i (ar ôl darllen dy beth di?):
Miow.
‘ undisputed godfather of Welsh language blogs.’
Yn ddios ! Dy flog di oedd y cyntaf i lawer o flogwyr Cynraeg ei ddilyn , a ti ddaru fy ysgogi fi i ddechrau sgwennu Blog .
Ti’n haeddu bod yn y deg uchaf ‘chan.
Miow !