Bach yn hwyr gyda hyn, ond ‘swn i wedi clywed am Diwrnod Ada Lovelace mewn amser, mi fyddwn i wedi enwebu Jessamyn West, o Librarian.net a Metafilter. Dyw hi ddim yn rhywun dw i’n nabod yn bersonol, dim ond rhywun dw i’n edmygu tu hwnt. Hithau, a’r lleill sy’n gofalu am Metafilter, oedd y prif ysbrydoliaeth i mi yn fy amser trial gyda trefn ar maes-e: prin iawn o’n i’n gallu handlo’r sefyllfaoedd oedd yn codi ar wefan gymunedol gyda ei chyffwrdd ysgafn, graslon, llawn hiwmor, ond dyna oedd y bwriad. Fydda i byth yn edrych mor dda â hi mewn sbectol, ddo.
Eiliaf yr awgrymiadau ar Metastwnsh pwyddiwrnod hefyd, sef Delyth Prys a Xeni Jardin. Heb anghofio’r fenyw sy’n gyfrifol am y syniad o ddiwrnod dathlu merched mewn technoleg, Y Suw.
Cawson ni daith gerdded braf y bore ’ma, yng nghwmni Dyfed Elis-Gruffydd a dysgwyr yr ardal. Mae mwy o luniau lan ar flickr, os oes diddordeb.
Dyfed a'r Dysgwyr,
Ffynnon Llawddog, Cenarth
Taith gerdded nesa: Llangrannog, 25 Ebrill.
Dyddiadur Charles Darwin ar y “Beagle” – llyfr llafar o’r rhaglen Radio 4, Book of the Week.
J.G.Ballard – proffeil BBC4 gyda Tom Sutcliffe.
Llun seryddiaeth y dydd – rhywbeth anhygoel gan NASA, bob dydd.
Interieur Nuit (2) – Jean-Baptiste André – “dawnsiwr” ffantastig.
[Mefi]
Darllen hen erthygl ar A List Apart, clicio ar hap ar ddoleni, pan des i ar draws cofnod ar flog Estoneg sy’n cynnwys rhestr o enwau gwledydd yn Saesneg a’r Gymraeg, sy’n cynnwys cwpl o wledydd newydd arna i.
5 Comments
Helo Nic ,
Wedi mwynhau edrych ar y lluniau . Mae’n ardal brydferth iawn . Newydd lawrlwytho dyddiadur Charles Darwin ar y Beagle i iTunes. Yn mwynhau llyfrau llafar a podlediadau ar fy iPod newydd , a braf iawn yw medru lawrlwytho un am ddim!
Sa i wedi gwrando arnyn nhw eto, dw i’n edrych ymlaen at glywed un neu ddau fory, wrth gerdded adre o’r bws.
Diolch am y pingiad.
Cofia’i ychwanegu fo at y stwnsh Ada: http://ada.pint.org.uk
Diolch, o’n i wedi anghofio – wedi wneud nawr.
Nic,
Dw i ddim yn flogiwr nac yn fab i flogiwr, a does gen i ddim syniad sut i gysylltu ond fel hyn. Tybed a fedri yrru nodyn ataf? Rydym angen blogiwr gwadd Cymraeg/Cymreig yn y Brifysgol Agored.