Bergman wedi mynd
Mae Ingmar Bergman wedi marw, yn 89 oed. Wedi ei weld e ar y teledu rhyw wythnos yn ôl a meddwl ei fod e’n edrych yn iach iawn am ddyn o’i oed, mae hyn wedi dod fel sioc.
Dafydd ap Gwilym ar lein
Dim ond nawr dw i’n gweld hyn, mae’n siwr bod pawb yn gwybod amdano eisioes, ond ‘na fe: Dafydd ap Gwilym ar lein. Testun y gwaith i gyd, gydag aralleiriad mewn Cymraeg fodern, cyfieithiad Saesneg, a ffeiliau MP3 o’r rhan fwya (mae rhai sy ddim yn gweithio, mae’n debyg). Fel mae Languagehat yn ei ddweud, mae wedi’i wneud yn ardderchog.
Nwdls, Rheinallt, Chinaski a Jameson
Ti’n gwybod sut mae hi pan bydd rhai o dy hoff bobl yn y byd yn digwydd bod yn yr un stafell? Wel, mae fel ‘na, ond ar yr internet.
Diolch i Nwdls am y linc i’r wefan ac i’r fideo, ac i Rheinallt H. Rowlands am fod ‘na ar y dechrau.
Chirk Noir
Mae’r Flickiwr JayT47 â sawl llun hyfryd o’r hen Waun. Maent dan hawlfraint llawn, felly dw i’n methu eu dangos fan hyn (wna i ofyn caniatâd nawr), ond fy ffefrynnau yw:
Y Clwydi Pert
Gwesty’r Llaw
Y Waun gyda’r Nos
Tandoori’r Waun (dyma lle clywais i fod fy nhad ar farw, felly yn fwy noir-aidd i fi’n bersonol, debyg)
Teras y Llaw (dw i’n meddwl taw dyna’r enw)
Gol: Diolch i Jay am roi’r caniatâd i ddangos y lluniau yma.
Morton Feldman
Tan neithiwr, dim ond enw i fi oedd Morton Feldman, rhywun o’n i wedi darllen amdano yn WIRE sawl gwaith ond erioed wedi dod ar draws ei waith.
Wedyn, wrth chwilio am rywbeth hollol wahanol, ffeindiais i’r blog Different Waters a dyna flogiad am Morton Feldman gyda dolenni i sawl recordiad. Mae rhai o rieni wedi marw, ond mae’r rhai i Ecstasy of the Moment, Three Voices, a’r casgliad gan Ensemble Recherche i gyd yn fyw o hyd. Dyw’r pethau ‘ma ddim ar gael (am wn i), ond dw i’n mynd ati i brynu CDs ail-law o Amazon ac ychwanegu mwy at rhestr Nadolig.
Minimalaidd i’r eithaf, mae’n cymryd awr weithiau i Feldman gyrraedd ei gord cyntaf. Nid cerddoriaeth dawns mo hon, oni bai dy fod di wedi dy rewi mewn bloc iâ ers 10,000 o flynyddoedd. Ar ôl deg munud o wrando, o’n i wedi dileu popeth o’r iPod, gan wybod fa fydda i’n gwrando ar lot o roc a rol am sbel.
Dw i’n hollol ddi-glem am y fath ‘ma o gerddoriaeth. Beth yw’r enwau eraill (ar wahan i Cage a Reich, dw i’n gwybod am y rheiny) dylwn i chwilio amdanyn nhw ar y blogs Rapidshare?
Gol. MP3 o’r darn “A Very Short Trumpet Piece”, perfformiwyd gan Stephen Altoft.
Toriadau papur
Newydd weld hyn ar flog John Shelley - toriad papur a roddwyd iddo fe ar ei daith i Fongolia’n ddiweddar.
(Wedi dileu’r llun ar ôl gweld neges hawlfraint ar y blog. Wps.)
Mae gweld hyn wedi f’atgoffa o’r ddau lun, o fy mam a’i chwaer fel plant, sy ‘da fi ers i mi adael tŷ’r rhieni yn yr wythdegau. Sdim lot o wythrychau teuluol o’r ochr mam y tyl ‘da fi, felly dw i’n hoff iawn o’r rhain.
Ddoe ar Facebook…
(Black Sabbath + Sherlock Holmes) * Almaeneg = ∞
Mae Maff yn ddrwg.
∞
Yr unig beth gyda lliw haul eleni yw fy nanedd.