Yr un mor wych, er ddim cweit mor hapus efallai, yw’r ffilm gwyliais i heddi, sef Regi Andrej Tarkovskij, ffilm ddogfennol gan Michal Leszczylowskis sy’n dod â’r DVD o ffilm olaf yr athrylith o Rwsia, Yr Offrwm. (Dw i newydd ffeindio clip YouTube o’r 8 munud cyntaf.) Dw i ddim yn cofio gwylio ffilm making of… gyda chymaint o ddiddordeb o’r blaen.
Mae un olygfa yn Yr Offrwm lle mae tŷ yn cael ei losgi. Yn ystod y saethu, oedd dau gamera’n ffilmio’r tŷ wrth iddo fynd i’r fflamau, ac ymatebion a symudiadau’r actorion i gyd. Doedd dim modd wneud camgymeriad; mi oedden nhw’n llosgi’r set. Ar ôl i bopeth ddod i ben, a phawb yn araf ymlacio, dyma Sven Nykvist, sinematogaffydd Tarkovsky ar ei ffilmiau olaf a bu farw yn 2006, yn dod at y meistr i ddweud bod ei gamera wedi jamio. Trychineb! Mae Tarkovsky yn torri i lawr, ffonio ei wraig a mynnu ei bod hi’n dod ato fe yn syth o Rwsia i Sweden i’w helpu dros yr argyfwng yma.
Ac wedyn, dyma’r criw ail-adeiladu’r tŷ, yn union fel y set gwreiddiol, ac wedyn ei losgi eto.
Mae lluniau gwych o’r tân fan hyn.
Dyma’r clip:
Braf dy weld yn ôl yn trafod ffilmia eto. Stalker oedd y ffilm Tarkovsky dwetha i fi weld, oesoedd yn ôl. Wedi gwylio The Proposition neithiwr – Aussie Western yn nhraddodiad Peckinpah. Di-gyfaddawd, gwych.
Weles ti’r top 50 lost classics yn yr Observer – dy Two Lane Blacktop yno, a Cockfighter (rhagor o awgrymiadau yma). Dal yn gyted bo hwnna di mynd ar goll yn post i ti. A dwi dal heb ei weld o!
Dyma rywbeth arall Tarkovsky des o hyd iddo ar y Tiwb:
Sori Rhods, ddim yn bosibl cynnwys y sgrîn Tiwb yn y sylwadau. Wna i edrych i mewn iddo, ond mae lincs yn iawn.
Ces i’r Proposition i rentu o Amazon, ond mae rhaid mod i mewn hwyliau drwg (neu dda, efallai) achos do’n i ddim yn gallu aros gyda fe. Rhy ddiflas, ar y pryd. Fi, neu’r ffilm, sa i’n cofio.
Do, welais i’r rhestr, a braf iawn oedd gweld y ddau glasur Monte Hellman. Es i ati i wylio Two Lane Blacktop ynoson honno, ac unwaith eto gweld pethau newydd ynddo. Beth sy’n fy nharo nawr, fel mod i wedi darganfod rhywbeth hollol newydd, yw’r perthynas tadol rhwng GTO (Warren Oates) a’r bobl ifanc, yn enwedig y Gyrrwr (James Taylor). Rhywbeth i wneud â mynd yn henach, siwr o fod, colli tad fy hun a chael nai bach newydd yn yr un flwyddyn. Dyna’r tro cyntaf i mi weld Blacktop ers llynedd, ac oedd yn rhyfeddol pa mor ddwfn wnaeth yr elfen yna fy nharo.
Diolch am yr atgoffiad am y rhestr ddo – mae fy rhestr Amazon yn edrych braidd yn denau. Amser chwilio am glasurol colledig arall.
Ti wedi gweld Cockfighter, gyda llaw?
Do, mi fenthycais i o gen ti! Wnes i ei fwynhau’n arw.
Nid ti yw’r person cynta i ddweud hynny am The Proposition, doedd fy ngydweithiwr ddim yn gallu cael mewn iddo chwaith. Ddim yn credu cymeriadau Winstone a Watson. Sylw digon teg. Mi wnes i sylwi fod y gerddoriaeth yn reit jarring, ond eto, roedd yn ddiddorol i fi glywed cerddoriaeth modern ar Western fel’na. Doedd Danny Huston ddim mor annoying ac arfer chwaith. Dwi’n meddwl oedd
Dwi’m yn dallt y ffys amdano fo o gwbl. Oedd o’n uffernol yn Silver City ac yn The Constant Gardener. Ti di gweld Ivans XTC? Mae hwnna’n fod yn un ffilm lle mae o’n wych.
Ddim enw cyfarwydd i fi, sori. Newydd edrych ar ei dudalen IMDb, ond dw i ddim lot yn gallach. Dyw’n bys i ddim ar y pyls, mae’n amlwg.
Newydd sylwi bod 2 ffilm Tarkovsky ar gael ar Amazon am llai na decpunt yr un: Nostalghia a Mirror.