Colli un byd arall
Adnoddau Ieithoedd Mewn Perygl, safle newydd gan Brosiect Hans Rausing.
Mae hyn yn newydd i fi. Diben y brosiect, neu’r grŵp, yw cyllido prosiectau sy’n cofnodi ieithoedd mewn perygl. Fel arfer, o safbwynt yr ieithoedd hynny, byddai’r Gymraeg yn edrych fel un o brif ieithoedd y byd, felly nad yw’r brosiect ei hunan yn rhywbeth all fod o help i weithwyr iaith yma yng Nghymru fach, ond mae darllen am bethau fel hyn wastad yn atgoffa dyn amp mae’n bwysig i beidio colli’r ffocws. Fel mae is-deitl y wefan yn dweud:
…evry last word means another lost world.
Lefelo i fyny
Es i ar glorion y stafell molchi y bore ‘ma, a ches i’r newyddion drwg am y penwythnos bendigedig.
Yn lwcus iawn, daeth hyn yn y ffrwd RSS.
Well i mi weithio ar INT, hefyd, a pheidio yfed a bwyta cymaint. Byddai cael set iach o ystadegau cyn i mi gyrraedd lefel 40 yn syniad da.
Ton a gwymon ar y gwynt
Cawson ni benwythnos yng Nghricieth er mwyn mynychu Gŷyl Gynghaneddu 2006. Fel arfer, dw i wedi dod yn ôl gyda fy mhen llawn barddoniaeth, a’r bwriad o ddarllen dim byd ond cerdd dafod nes bod yr hen fesurau yn chwysu o bob croendwll sy gyda fi.
Gan ddamwain, ffeindiais i fy hun mewn tîm Talwrn ar y nos Wener; tîm a oedd yn brin o aelodau presennol oedd eisiau rhywun i ddarllen un englyn. Sôn am deimlo fel ffugiwr.
Sawl uchafbwynt i’r penwythnos. Y Talwrn ei hun, ond rhaid cyfadde mwynheuais i’r un do’n i ddim yn “rhan” ohono fe yn fwy. Gwylio Guto Dafydd lunio englyn mewn rhyw ddau funud o’n blaen ni. Darlith Tony Conran, sy’n arwr i mi ers cyn i mi ddysgu’r iaith, ac un o’r ffyrdd mewn i’r iaith i mi yn y dyddiau cynnar. Y sesiwn Cawl o Gân, gyda rhyw 15 o feirdd, y rhan fwya o’r “to ifanc”. Clywed Gwynfor ab Ifor darllen ei awdl - un o’r profiadau cryda dw i wedi cael o wrando ar fardd darllen ei waith ei hun, ac un sy edi trawsnewid y gerdd ei hun i fi. Philippa yn ennill gwobr Englyn y Dydd ddoe. Y tywydd bendigedig ddoe, cerdded mewn cylch o gwmpas Cricieth mewn heulwen ddisglair. Gwrando ar In Parenthesis ar y ffordd yn ôl.
Penwythnos gwych iawn; mil o ddiolch i’r rhai sy’n ei drefnu ac i bob un sy’n cymryd rhan mewn pethau felly. Dw i’n gwybod pa mor ystrydebol yw e i ddweud pethau fel hyn, ond oedd wir yn fraint cael bod rhan o’r digwyddiadau yma.
Dysgu
Ro’n i am flogio am hyn wythnos yn ôl oedd aeth o’m pen: Gwyneth Lewis ar ddysgu Saesneg yn gyfrinachol, o’r Guardian ddydd Sadwrn diwetha ond un. Braf gweld stori bositif ar yr iaith yn y Guardian, sydd ond yn rhy barod i ail-gyhoeddu rwtsh Daily Mail-aidd er mwyn gysuro darllenwyr y Guardian ei fod yn iawn o hyd i gasau’r Cymry, er eich bod yn rhyddfrydol gofalus ym mhob agwedd arall o’ch bywyd.
Ond wrth gwrs, cafodd stori Gwyneth Lewis ei chladdu yn adran Family y papur, yn lle iddi fod yn y Review, fel fyddai stori am fardd uniaith Saesneg.
Paranoid, moi?
Stafrænn Hákon
Ffeindiwyd cofnod ar *sixeyes y bore ‘ma am y gitarydd o Wlad yr Iâ Olafur Josephsson, neu Stafrænn Hákon. Daw ei gerddoriaeth o’r un maes rhewllyd â’i gyd-Ynyswyr Sigur Rós, ond hyd yn oed yn fwy etheraidd. Mae olion Godspeed You! Black Emperor yna hefyd, ac mae Josephsson wedi’u cefnogi, mae’n debyg.
Llawer o MP3au i gael - dechrau gyda’r ddolen cyntaf a gweithio dy ffordd mewn.
Beth yw e am Wlad yr Iâ?
Crafu’r blogiau progllyd
Un o’r pethau gorau am roi ffidl y gêm chwarae rôl yn y to, yw bod mwy o amser ‘da fi i wrando ar gerddoriaeth. Dros y Sul, wnes i glirio lle ar yr iMac gan ddileu gigabeitiaid o MP3au sy wedi’u llosgi ar CDr, neu sydd ddim yn debyg i gael eu chwarae ‘to. Sy’n golygu bod chwant ‘da fi nawr i ffeindio mwy o stwff i lenwi’r lle gwag. Mae’n bosibl bydd hyn yn eitha hir o gofnod…
Hoff recordiau Tom Waits
Newydd ddod ar draws rhestr o hoff recordiau Tom Waits wnaeth e i’r Observer cwpl o flynyddoedd yn ôl. Rhai fyddet ti’n disgwyl (Dylan, Beefheart, Sinatra) a rhai sy ddim mor amlwg, fel y Pogues. Ddim yn gwybod pam bod hynny yn fy synnu, ond mae e.
Neis i weld bod Tom yn ffan Bill Hicks, hefyd.
Thema hydrefol
Des i ar draws y y thema newydd ar Tom Waits For No Man, blog am hoff skip diver cerddorol pawb.
Mae angen bach o dwtio a chyfieithu arno. Byddwch yn anymeddgar, da chi.
Mae Orphans yn swnio’n wych, gyda llaw.
Mewn Cromfachau
Un o’r pethau sy wedi fy helpu penderfynnu i dynnu fy mhen o dywod Tanaris oedd clywed tipyn bach o’r cynhyrchiad newydd gan BBC Radio 3 o waith arloesol David Jones, In Parenthesis. Buodd hyn ar y radio neithiwr, ond collais i fe - dyfalwch beth o’n i’n neud - felly mae gyda fi nawr ar yr iPod.
Rhy flinedig i feddwl am ddim byd arall. Wna i adael i eiriau Jones fynd â i’r byd arall arall, yr un sy ddim yn fy lladd.
Hunanladdiad yn y rhithfyd
Fy enw i yw Nic, a dw i’n gaeth i gemau cyfrifiadurol.
Heno, dw i wedi dileu fy nghymeriad yn Myd Crefft Rhyfel, a rhoi’r disgiau i Philippa i roi i Oxfam. Dw i ddim yn gwybod unrhyw ffordd arall o dorri fy nghaethiwed. Wrth i mi chwarae’r gêm ‘na, dw i wedi colli diddordeb ym mron pob agwedd o fywyd tu allan i’r hyn sydd anghenrheidiol (wneud bach o arian, cadw tŷ, gobeithio bod rhyw fath o bartner i Philippa). Dw i ddim yn gwrando ar gerddoriaeth, ddim wedi gwylio ffilmiau, ddim yn blogio, ond yn edrych ar y maes i wneud yn siwr bod dim problemau yna, wedi dweud celwyddau er mwyn beidio wneud pethau fyddai’n tynnu fi ma’s o’r byd bach taclus yna, lle nad oes problem ariannol ‘da fi, lle dw i ddim yn codi pwysau, lle does dim angen job, a lle mae pawb yn siarad yr un iaith heb feddwl amdano.
Y broblem oedd bod y gêm mor dda - dyna’r gêm o’n i wedi bod yn breuddwydio amdano ers i mi ddarganfod Dungeons & Dragons yn y 70au hwyr. Y byd ffantasïol perffaith. Yr unig ffordd alla i feddwl amdani i wella’r gêm fel y mae fyddai i wneud y “byd” yn fwy, ac maen nhw wedi meddwl o hynny.
Wnaeth South Park sgit ar WoW sawl wythnos yn ôl, a wnes i chwerthin ar ba mor bathetig oedd y dyn oedd wedi arberthu ei holl fywyd ar allor y Gêm, ond dyw’r jôc yna ddim yn ddoniol bellach. Am y tro cyntaf ers 3 blynedd, dw i’n dechrau stryglan wrth gerdded lan rhiwiau; tra bod fy alter ego yn mynd yn gryfach, dyma fi yn colli’r gallu i gadw lan gyda Philippa wrth gerdded i’r bws yn y bore.
Dw i’n edrych ymlaen at ddod yn ôl i’r byd.
Dyma Johnny!
The Shining, ffilm i’r holl deulu gan feistr y comedi rhamantus, Stanley Kubrick.