Archifau Misol: Mai 2006

Gwerthu mas neu fod yn gall?

Postiwyd ar gan
5

Sut i wneud arian o’ch blog. Erthygl (Saesneg) sy’n wneud beth mae’n dweud ar y tun.

If you’re going to do this, then fully commit to it. Don’t take a half-assed approach. Either be full-assed or no-assed.

Dw i ddim yn gweld bod llawer o botenshial wneud arian ar flog Cymraeg, ond mae gyda fi wefan arall, sy’n cael rhyw 20K page views y dydd. Mae modd prynu hysbysebion ar maes-e, ond hyd yn hyn dw i wedi bod yn half-assed dros ben ynglŷn â wneud y gorau o’r cyfle yma. Fy mantra tragwyddol yw “rhaid i bobeth ddatblygu yn organig” – sy wedi gweithio yn dda yn achos tyfiant y wefan ei hunan, ond erbyn hyn mae angen rhywbeth arall.

If you’re going to request donations, then really request donations. Don’t put up a barely visible “Donate” link and pray for the best.

Ers i ni ddechrau Clwb Cefnogwyr maes-e mae rhyw hanner cant o bobl wedi dewis talu y £2 y mis dw i wedi gofyn amdano. Er mod i’n ddiolchgar iawn i’r bobl hynny, pam bod cynlleiad o’r dros 2000 o aelodau’r wefan wedi dewis ymuno?

Dw i wedi bod yn sôn am wneud bywoliaeth o’r we ers dros blwyddyn nawr, a dydy Plan B ddim yn gweithio ma’s yn dda iawn. Rhaid i mi stopio piso yn y gwynt a naill ai wneud rhywbeth positif, neu torri fy ngholledion a gwerthu maes-e i rywun fydd yn wneud rhywbeth gyda fe.

Beth dych chi’n meddwl?

CDs llychlyd

Postiwyd ar gan
1

Wedi fy nhagio gan y Bachgen o Bontllanfraith, sy’n gofyn am CDs “yn y bocs dan y gwely”. Does dim bocs fel ’na ’da fi, yn anffodus, ond wrth symud tŷ yn lled diweddar rhaid oedd wneud sawl penderfyniad anodd, er mwyn ffito popeth mewn i dŷ llai. Llyfrau oedd yn y rhan fwya o’r bocsys aeth i Oxfam, ond ’na ni:

O’r CDs sydd yn eich casgliad, pa un sydd:

  1. Yn mynd i gael ei daflu i bydew du?
    Cywilydd arna i am ddweud, ond y tri CD dw i wedi gwrando arnynt lleia oedd gan gerddor lleol sy’n chwarae offeryn esoterig. Wnes i bach o waith ar ei wefan, a wnaeth e fy nhalu mewn CDs “cerddoriaeth y byd”. Oedd hyn yn swnio yn deg ar y pryd. Never trust a hippie.
  2. Yn dwyn gwên annisgwyl i’ch wyneb chi?
    Pallas – The Sentinel. Aeth hyn yn y bocs Oxfam, ond am ryw rheswm rhoddais i fe ymlaen, ac es i syth yn ôl i 1984, blwyddyn oedd yn “cuspal” (cwsbaidd?) i mi a cherddoriaeth. Y flwyddyn ola i mi wrando ar prog roc (tan yn diweddar) a’r flwyddyn cyntaf i mi glywed bandiau fel y Jesus and Mary Chain a Sonic Youth. Do’n i ddim yn meddwl oedd hi’n bosibl i wrando ar ddwy fath o gerddoriaeth mor wahanol, ond erbyn hyn dw i’n gwybod yn well. Roedd hyn ’da fi ar feinyl, ac rhaid mod i wedi pig’r CD lan mewn sêl cist car rhywle, ond ro’n i heb wrando arno fe am 20 mlynedd, siwr o fod.

    Ddim un o fy hoff albyms prog, ond ’na ni. Falch mod i wedi ei gadw.

  3. Yn mynd i adennill ei briodle yn eich casgliad?
    Dyw hyn ddim yn berthnasol iawn, ond mae sawl record sy ’da fi ar feinyl, neu oedd ’da fi, dw i wedi lawrlwytho fel MP3au, a thrwy hyn wedi mynd ymlaen i brynu’r blydi pethau eto ar CD. Eto, o fy mhlentyndod, pethau rawk ydyn nhw ar y cyfan. Er taw Zeppelin yw’r band roc “tradd” dw i’n gwrando arno mwya’r dyddiau ’ma, y band ro’n i’n caru mwya fel bachgen 13, 14 oed, oedd Sabbath, a fy hoff albym ganddyn nhw, yw… cwestiwn anodd… Vol. 4 – sydd, dw i newydd sylweddoli, ddim gyda fi ar CD. Felly dw i wedi wneud llanast o’r cwestiynau. Sori, Ger.

Ydw i fod i basio hyn ymlaen nawr?

Ray Diffycinota, gan ei fod e’n mynd i wneud e ta beth; Pat, gan ei fod e ar American Idol (!), a Dafydd, gan ei fod e’n casau pethau fel hyn, a gwynodd e amdano’r tro diwetha.

Losins!

Postiwyd ar gan
3

Cofnod PingMag ar losins a thegannau o Siapan. Llawer o hwyl.

Aros am fy nysgwyr bore ddoe, yn festri capel Bethania, heb lot i wneud, es i drwy drar yn yr hen ddesg o’n i’n eistedd wrtho, a des i ar draws papurau Spangles a ches i drawiad hiraeth surfelys – ie, jyst fel y losin ei hunan.

Sbwci.

Mae’r papur yn fy waled nawr, jyt rhag ofn.

Trwy Number Six, blog brawd Mikal Dyas (isod).