Tra mod i ati, dw i wedi mynd trwy fy holl ffolderi Bloglines a rhoi pob blog sy’n debyg i bostio rhywbeth a fydd o ddiddordeb mewn un ffolder newydd. Er ei fod e’n wych bod cymaint o bobl yn blogio yn y Gymraeg erbyn hyn, does dim digon o oriau yn y dydd i ddarllen popeth, heb sôn am y dros 100 blog MP3 dw i wedi tanysgifio iddynt, a gweddill y blogosphere Saesneg.
Mae’r ffolder newydd – #Dyddiol – yn ymddangos ar frig y rhestr ffolderi (gweler yr # yna?) ac yn cynnwys rhyw ddwsin o flogiau Cymraeg, tipyn bach mwy yn Saesneg, a sawl peth fel ffrydiau Flickr a PledgeBank. Y pethau dw i’n poeni am golli pan dw i’n gweld bod dros 1000 o gofnodion heb eu darllen a does dim dewis ond i ddefnyddio’r botwm panig Mark All Read.
Dw i wedi mynd y cam nesa, a dileu popeth na chyrhaeddodd y ffolder “Dyddiol”.
Ble mae blogs merched Cymru i’w gweld? Does bosib mai fi yw’r unig un sydd o gwmpas? Dwi wedi blino Gwglio heb ddod o hyd i’r un hyd yn hyn.
Mae gennyf ddiddordebau dirifedi ac rwyf yn siarad ychydig am bopeth ond yn arbennig gwaith llaw modern, tecstiliau, arlunio, peintio, tynnu lluniau digidol a chamera a dylunio ar y cyfrifiadur. Digwyddiadau lleol a ffotograffi.
Tybed a fedri fy helpu i ddod o hyd i rhywun a diddordeb yn rhywle. Mae gennyf ddwy flog Saesneg sydd yn reit lwyddiannus.
Gweler sylwadau Rhys ar dy flog di, ond hefyd falle byddai’n werth i ti ymuno â maes-e, os nag wyt ti eisioes. Ffeindia di bob math o berson o berson yna. Merched, hyd yn oed.