Bach o Lonydd
Y bore ‘ma, gwyliais i Serenity, ffilm gyntaf gan Joss “Buffy the Vampire Slayer” Whedon, a’r ffilm sci-fi orau dw i wedi gweld mewn oes. Spin-off o’r cyfres teledu diddymedig, Firefly. Gan fy mod i’n byw mewn swigen di-deledu y rhan fwya o’r amser, do’n i ddim wedi clywed o hyn o’r blaen, a dweud y gwir dw i ddim yn siwr pam archebais i’r DVD o Serenity o Amazon.
Ond mae’n dda iawn.
(Cofnod arbennig arall. Amser cymryd hoe o’r hen flog, falle.)
Amser i ddechrau mapio’n iawn?
Newydd fod yn hedfan trwy bywyd Jack Kerouac ar Google Earth.
Dw i’n hoff iawn o gerdd Twm Morys, “Darllen y Map yn Iawn” (yn ei gyfrol 2, os ti ddim yn gyfarwydd), a dw i wedi sgwennu o’r blaen am y posibiliad o weithredu’r syniad sydd yn gefndir i’r gerdd honno yn realiti trwy ddefnyddio offer megis GoogleMaps a Flickr. Dim ond nawr dw i’n sylweddoli bod Google Earth yn berffaith i brosiect fel hyn, ond bod safon y lluniau o’r rhan fwya o Gymru yn isel iawn. Cymharer y lluniau o Lowell, MA (man geni Kerouac) lle mae pob tŷ yn amlwg, i rywle fel ffarm y Cilie (ffeil kmz) lle dw i ddim hyd yn oed yn siwr os ydw i wedi ffeindio’r lôn cywir.
Ta beth am hynny, a fyddai diddordeb mewn creu map diwylliannol, hanesyddol o Gymru a’r Cymry?
Widgets Google
Cwpl o Widgets Mac OS X oddi wrth Google. Handi iawn os ti’n defnyddio Gmail a/neu Blogger ar y Mac.
Vates
Diolch i Dewi Prysor, dyma 5 trac gan ei fand Vates - ddim yn siwr, ond mae’n bosib bod tri ohonyn nhw o’u sesiwn C2 (Prys?)
Vates - Canibals
Vates - Stafall Gefn
Vates - Shindig
Vates - Gwyfyn y Glaw
Vates - “E”
Podcastio o’r Brifysgol
Mae Prifysgol Bangor wedi dechrau podledu deunydd o’u cyrsiau. Am wn i, at ddefnydd y myfyrwyr yn unig ydyn nhw, ond tybed a fyddai’n bosibl i’w rhoi ar y we i bawb cael gwrando?
Arwyddion Uniaith y Brifddinas
Mae aelodau Cell Caerdydd wedi mynd ati i gasglu lluniau o arwyddion ffordd uniaith Saesneg yn y brifddinas, gan awgrymu all unrhywun arall wneud yr un peth yn eu hardaloedd nhw.
Cyfieithu ar y Pryd
Neges gan Rhian Owens, Swyddog Maes Bwrdd yr Iaith yn Aberteifi a ddaeth y bore ‘ma.
Mae Bwrdd yr Iaith Gymraeg wrthi ar hyn o bryd yn gwneud gwaith ymchwil ar effaith Cyfieithu ar y pryd a pha mor effeithiol y mae’r wasanaeth honno.
Rydym yn awyddus felly i ddod o hyd i grŵp o bobl a fydd yn fodlon dweud eu barn am eu profiadau hwy wrth fod mewn cyfarfodydd sy’n defnyddio cyfieithwyr ar y pryd.
O ganlyniad, rwyf wedi eich dewis chi fel bobl rwy’n tybio sydd wedi cael profiadau da a gwael efallai yn y maes hwn ac yn awyddus iawn pe byddech yn fodlon ein cynorthwyo gyda’r gwaith ymchwil.
Bydd ebost yn cael eu danfon allan yr wythnos nesaf yn nodi mwy o fanylion ynglŷn a ffurf yr ymchwil ac ati.
Gan ddiolch i chi o flaen llaw am eich cydweithrediad.
Unrhywun sydd â diddordeb cymryd rhan yn y gwaith ymchwil, cysylltu â fi a wna i basio eich manylion ymlaen at Rhian.
Dw i dal yn cofio bod mewn cyfarfod yng Nghaerdydd lle oedd dyn o Wlad y Basg yn siarad i gynulleidfa o (ar y cyfan) siaradwyr Cymraeg. Yn Saesneg oedd e’n siarad, gan fod dim ond cyfieithydd Cymraeg-Saesneg oedd yna, a dim ond Basgeg, Sbaeneg a Saesneg oedd y Basgwr yn siardwr. Pan daeth amser am gwestiynau, cododd rhuywun i ofyn rhywbeth, un o Genedlaetholwyr mwya amlwg Cymru, a dechreuodd e gofyn ei gwestiwn yn Saesneg. Torrodd y Basgwr ar ei draws, i’w atgoffa fe bod darpariaeth cyfieithu ar gael, a dylai’r Cymro ofyn ei gwestiwn yn ei iaith ei hun.
Dw i ddim yn cofio ei eiriau yn union, ond oedd e’n rhywbeth fel:
The translator will get paid, even if I’m the only one wearing headphones. You’ve spent 30 years winning the right to have a translator in public meetings. Don’t blow it now.
Rhith-Gaerdydd
Dw i heb chwarae Sim City ers y fersiwn diwetha ond un, ond mae gweld y delweddau o’r brosiect Ail-greu Caerdydd yn wneud i fi feddwl bod hi’n amser prynu copi o SC4. Neis iawn i weld pethau fel arwyddion dwyieithog ac ati.
A fydd y Rhith-Gaerdydd yn fwy Cymraeg na’r Caerdydd go iawn, dybed?
(Newydd sylwi: dyw e ddim ar gael i’r Mac. Bŵŵŵŵ!)
[maes-e]
Pedwar Peth
Wel, wel, dim ond munudau ar ôl i mi sôn am Cat, dw i’n sylwi mod i wedi cael fy nhagio ganddi.
Mouseover for translations, Cat.
Pedwar swydd dw i wedi’u cael
Garddwr Tirwedd Llyfrgwerthwr Gwas fferm organig (y fferm, nid y gwas) Sensor Ffasgaidd ar maes-e.com
Pedwar ffilm gallaf eu gwylio drosodd a throsodd
- Two Lane Blacktop
- Dazed and Confused
- Withnail and I
- ET
Pedwar lle dw i ewdi byw ynddyn nhw
Y Waun, Wrecsam Caerdydd Llangrannog, Ceredigion Pontgarreg, Ceredigion
Pedwar rhaglen teledu dw i eu caru
Pedwar lle dw i wedi bod ar wyliau
Nantucket, UDA Connacht, Iwerddon Yr Ynys Hir, Yr Alban Steddfod
Pedwar o’m hoff brydau bwyd
Cawl Dail Poethion Wyau Môn Miod Ambarél Bwgan Fflapjacs Philippa
Pedwar gwefan dw i’n ymweld â nhw bob dydd
Pedwar lle hoffwn i fod yn y munud hwn
Castell Dinas Brân Y Pentre Arms, chwarae poker Tŷ Bwyta’r Cnapan, Tydraeth Nantucket
Pedwar blogiwr dw i’n eu tagio
Blogathoniaid!
Bydd Blogathon bach gwyrdd ar 24 Chwefror. Dim ond nawr dw i wedi clywed amdano, a bydda i bant dros y penwythnos nesa, ond mae syniad neis iawn.
Tra bod ni ar y pwnc, bydd Blogathon 2006 yn digwydd ar 26 29 Gorffennaf eleni, felly fydd e ddim yn clasho gyda’r Steddfod, diolch byth. Dw i wedi cael llith gan Cat Connor, a fydd yn ôl fel trefnydd eleni. Mae Cat wedi gofyn am gyfieithiad llawn o feddalwedd y Blogathon i’r Gymraeg, a dw i wedi cytuno. A oes diddordeb gyda blogwyr eraill helpu gyda’r prosiect?
Dw i ddim wedi postio am hyn ar y maes, gan mod i am gael dim ond blogwyr sy’n debyg i gymryd rhan yn y ‘Thon ei hun, yn hytrach na phob copa walltog sydd â blog unnos.
Beth amdano?
Ymadroddiadau Hugo
Un am fy nghyfeillion sy’n bodio’r bydysawd: rhestr o ymadroddion anarferol yn nofelau Hugo, wedi’u tynnu o gronfa ddata “Search Inside” Google.
Pa lyfr yw hwn?
shadow square wire, stepping discs, sonic fold, hyperdrive shunt, intercom image, cziltang brone, second quantum hyperdrive, puppeteer fleet, crash balloons, transfer booths, sleeping plates, galactic axis, flashlight laser, electromagnetic cannon, shadow squares, puppeteer worlds, fusion motors, ring foundation, lifting motors, crash couch, infinity horizon, zap gun, floating building, scope screen, fusion drives
Cluster, ffyc!
Gweithio fy ffordd trwy’r rhestr o hanner cant o “albymau anghenrheidiol” yn llyfr Julian Cope a dw i wedi cyrraedd Cluster.
Uffern dân mae hyn yn wych! Tipyn bach fel Tangerine Dream cynnar, ond heb y bachau. Gwrando arno yn uchel a bydd dy ddannedd yn cwympo ma’s. (Mae sampleri yma - mae traciau yn rhy fawr i mi roi nhw ar y we ar hyn o bryd, ond os ti moyn mwy, cysyllta.)
Recordiodd Cluster i Brain, un o labeli mwya y sîn Kosmische Musik.
Os ydy 50 o albymau yn swnio bach yn ormod, mae rhestr llai gan Pitchfork. Dw i ddim yn cytuno â rhai o’r dewsiadau yna ond mae’n lle da i ddechrau.
Mae hyn yn ddiddorol: Brian Eno ar Krautrock. Gweithiodd Eno gyda Cluster ar sawl albym, ond dw i heb lwyddo canfod copïau eto.
Bodio’r Bydysawd
Bodio’r Bydysawd - “Ffansîn Gwyddonias maes-e”.
Ai fi yw’r un ola i glywed am hyn?
Carcharu Gwenno
Mae Gwenno Teifi yn y carchar heddi, am ei rhan hi yn y protetiadau yn erbyn Radio Carmarthenshire. Delfrydwyd i 5 niwrnod yng Ngharchar ei Mawrhydi, Caerloyw. Mae hi’n 19 oed.
Mae Radio Carmarthenshire yn galw ei hunan “your radio station”, ac mae’n darlledu ar draws Carmarthenshire, o Ammanford i Newcastle Emlyn, o Llandovery i Whitland.
Dw i newydd diwnio i mewn i Radio Carmarthenshire ac yn ddigon lwcus i glywed doethineb y Sugarbabes:
People are all the same
And we only get judged by what we do
Wir yr.
Edrych ymlaen at glywed bwletin newyddion “your station”.
Cefnogi’ch iaith = ffasgaidd
Stori yn Times Llundain heddi am distyllwr ar Ynys Hir sydd am gyflogi dim ond siaradwyr Gaeleg yr Alban.
grenouille plus
grenouille plus - blog Ffrangeg sy’n postio sganiadau hyfryd. Ffeindiwyd ar flog Ffrangeg arall sy’n wneud mwy neu lai yr un peth.
GarbageScout.com
(Wedi bod yn dawel fan hyn. Gormod o Poker, dim digon o flogio. Gobeithio pigo pethau lan tamad bach…)
Defnydd da o GoogleMaps #31,549: GarbageScout.com. Syniad syml iawn: ti’n gweld rhywbeth mae rhywun arall yn twlu ma’s, rhywbeth ti ddim eisiau dy hunan ond bydd rhywun yn gallu defnyddio fe; tynnu llun ar dy ffôn lôn; ebostio’r llun at GarbageScout; mae’r eitem yn ymddangos ar y map.
Yn anffodus, dim ond yn Effrog Newydd mae hyn yn gweithio, ond byddai rhywbeth fel hyn yn ddefnyddiol mewn unrhyw ardal.
Da, ‘de?