Vocab ar eich gwefan chi
Mae’r BBC yn cynnig eu gwasanaeth Vocab ar eich gwefan chi. I’r rhai sy ddim wedi sylwi, Vocab yw’r sustem tooltips sydd ar gael ar BBC Cymru a’r Byd sy’n dangos cyfieithiadau Saesneg o eiriau Cymraeg wrth i’r defnyddiwr symud ei lygoden dros y geiriau.
Bydd e ar gael ar Morfablog cyn bo hir, gobeithio.
Helo blogiadur.com!
Mae Aran wedi adeiladu’r blogiadur i’w Sgwarnogod, sef “blog o’r blogiau”. Fel cyflwyniad i’r sîn blogio yn y Gymraeg, mae’n heb ei ail, gan fod dim angen cofrestru, na deall terminoleg, na dim byd. Yn ôl Aran, mae eisioes wedi talu am ei le, gan fod mwyafrif o’r bobl sy’n defnyddio Sgwarnog.com ddim yn ymwybodol o’r pethau eraill sy’n digwydd ar y we Gymraeg.
I’r rhai sy’n dod yma am y tro cyntaf ar ôl gweld y cofnod hyn ar y Blogiadur - croeso mawr i chi! Gadewch wybod yn y blwch sylwadau pwy ydych chi. Dyn ni’n hoffi darllenwyr newydd rownd fan hyn.
Croeso, Finn Bach!
Am hanner awr wedi wyth heno, ganwyd Finlay Carter Morris, mab cyntaf fy chwaer Claire a’i gŵr Derek, a fy nai cyntaf innau.
Typetester
Gill Sans neu Comic Sans? Tahoma neu Verdana? Mae Typetester yn declyn i gymharu ffontiau sgrîn yn erbyn ei gilydd. Hawdd iawn i’w ddefnyddio, mae hyd yn oed yn creu’r CSS yn awtomatig.
Atome
Atome - gêm fach syml, i’r rhai ohonom sy’n hoffi pethau syml.
Podledu Cymraeg
Mae’r dudalen yma yn cyflwyno gwybodaeth am bodledu yn y Gymraeg - y sioeau sydd ar gael a sut i greu un eich hunan.
Diolch Nwdls
Jed’s Other Poem (Beautiful Ground)
Jed’s Other Poem: Fideo teipograffig i’r gân gan Grandaddy, wedi’i wneud ar Apple ][+ o 1979.
Gyda 48K o RAM.
Discardia
Un o’r Adran Gydamseredd: y bore ‘ma dyn ni wedi cael cyfres o ymweliadau gan bobl a welodd hysbyseb Philippa yn y Teifi Seid a ddwedodd “AM DDIM: hen rwtsh tydynnol.” Hen ffenestri wedi’i torri, olwynion beic, tarps, darnau bach o fetal rhwdlyd, mae gennym ni bopeth.
Wel, oedd gennym.
Anhygoel beth bydd pobl yn ffeindio yn ddefnyddiol.
Ta beth, dyma fi ddod at y Mac, ac i ffrwd Beca yn Bloglines (lle ffeindiais i LibraryThing neithiwr), a beth yw’r linc nesa ond un?
Discardia - gŵyl newydd i bobl gyda gormod o stwff.
Discardia is celebrated by getting rid of stuff and ideas you no longer need. It’s about letting go, abdicating from obligation and guilt, being true to the self you are now. Discardia is the time to get rid of things that no longer add value to your life, shed bad habits, let go of emotional baggage and generally lighten your load.
Mae gan metagrrl gofnod arall ar gael gwared â stwff sy’n hefyd werth ei ddarllen.
Pam “cydamseredd”. Achos mae Discardia yn ŵyl symudol:
The exact days vary. It takes place in the time between the Solstices & Equinoxes and their following new moons. Sometimes it’s short and sometimes it’s long.
Ond yn ôl y calendr hwn, mae Discardia nesa yn dechrau… heddiw.
Amser i mi fynd i Oxfam.
Peth o’r Llyfrgell
Cael bach o hyl gyda LibraryThing. Dim ond dau silff dw i wedi wneud hyd yn hyn, felly mae bach yn undonog:
Ond diawl, mae’r llyfrau ‘ma’n frwnt.
Llyfrau a CDau Cymraeg… yn Nenmarc
Mae ‘na bobl yn y byd sy’n meddwl fy mod i’n ddigon trist i fod â diddordeb mewn pa lyfrau a recordiau Cymraeg sydd ar gael yn llyfrgelloedd Denmarc.
Hei, Yr Atal Cenhedlaeth!. Dyw hwnna ddim ar gael yn Aberteifi!
Diolch i Siwan a Siôn.
Ebost call, breuddwyd gwrach?
Sut i sgwennu ebost call. Cyngor da i unrhywun sy’n defnyddio ebost, ond wishful thinking, braidd.
Byddai’n ddechrau da ’sai pobl yn gallu cofio i beidio anfon atodiadau Microsoftaidd at bobl sy’n methu, neu sy’n gwrthod, eu hagor. Dw i’n gwybod fy mod i wedi colli o leia un “memo pwysig” gan fy adran yn y coleg yr wythnos ‘ma, er i mi ofyn ddwywaith i gael testun y neges mewn ebost, yn lle fel *.doc.
Coelbrennau Flickr
Mae Sanddef (sydd â mwy o flogiau na thi, wedi creu cyfrif Flickr sy’n cynnwys lluniau coelbren y derwyddon. Mae’n defnyddio “bathodyn Flickr” i ddangos un llun ar hap ar ei flog - fel y’i esbonir yma.
Felly, meddyliwch am gwestiwn, ewch i flog Sanddef a rhoi clec ar lun y goeden ar yr ochr dde…
Cw: Beth dylwn i wneud am Natwatch?
Ateb: wyt wedi dy ddal mewn rhwyd. cadw’n dawel ac ystyried dy strategaeth.
Annaearol!
Devendra Banhart
O’r diwedd, mae rhywbeth wedi fy stopio rhag gwrando ar Van der Graaf trwy’r dydd, sef albym newydd Devendra Banhart.
Dw i wedi gwrthsefyll apel Nicky Drakaidd y boi Banhart hyd yn hyn, ond mae’r un newydd wedi fy ennill drosodd i’r pwynt lle dw i wedi canslo pwyntiad gyda’r ferch trin gwallt fory.
Dyma fideos ganddo: Little Yellow SpidersAt The Hop, A Ribbon, ac o’r albym newydd, I Feel Just Like a Child.
Hefyd, mae’n f’atgoffa i o fy hen ffrind, Sebastian, yn ei ogoniant hipi. (Mae Flickr i lawr, bydd llun neu ddau i fynd gyda hyn…)
[Gol. 24/09/05]
Mwy o fideos Devendra Banhart, mewn sesiwn yn y BBC.
Goreuon DJ Premier
Dŵd, dw i’n gwybod dim am hip-hop, ond dw i’n gwybod beth dw i’n ei lico. Dw i’n lico’r blog hefyd, er mod i ddim yn deall y hanner o beth mae’r bachan ‘na yn ei ddweud.
‘Lolita’ yn hanner cant
(Na, nid dim ond ymgais sinicaidd i wella fy ngraddfa Google yw hwn.) Mae Lolita yn hanner cant eleni.
Sut i Ddysgu Iaith
How to Learn a Language - erthygl ar kuro5hin.org llawn tips i unrhywun sydd yn meddwl am ddysgu iaith.
Mae gan Suw gyfres o gofnodion wedi’i seilio ar ei phrofiadau hi o ddysgu Cymraeg.
Mae rhaid i mi bostio mwy am ddysgu, gan fy mod i ddim wedi wneud dim byd gyda dysgu.com dros yr haf - ac erbyn hynny mae’r URL ‘na yn pwyntio yn ôl at yr hen Forfablog ta beth. Mwy o stwff i ddysgwyr! Unrhyw awgrymiadau?
Some links for language learners, specifically Welsh. I’ll be posting more stuff for learners (and relaunching a mailing list I’ve neglected shamefully over the summer) - any suggestions gratefully received. Click on Sylw below this entry to leave a comment, or email me at if you’d like to be on a mailing list for people learning Welsh in South Ceredigion.
Mile Failte
Mile Failte, rhaglen radio ddwyieithog (Gwyddeleg/Saesneg) wythnosol o WFUV yn Efrog Newydd. Wedi’i harchifio yn fformat WMP, yn anffodus, ond mae pob rhaglen nôl i 2001 yna, a llawer o gefndir am hanes Iwerddon ym mhob rhaglen.
Celfyddydau Gwlad y Basg a Llydaw
Mae Aran yn ô o’i fis mêl yng Gwlad y Basg
a Llydaw, lle wnaeth e a Catrin ymweld â phob graffito yn y ddwy wlad.
Sgrechflwch Doo Wop
Llawer o MP3au o oes aur roc a rol ar y sgrechflwch dŵ-wop.
Dy symudiad di
Gwyddbwyll ar y we - prosiect cod agored sy wedi’i chyfieithu i’r Gymraeg gan Owen Llywelyn (un sy’n dod o linell gwyddbwyllwyr o fri).
Technorati: gwyddbwyll, chess
Next Page »