Dw i’n benderfynnol i beidio treulio’r ddwy awr ola cwyno am ba mor flinedig ydw i – ystyr Blogathon yw 24 awr o flogio, nid 4 awr o flogio ac 20 o deimlo yn drist dros dy hunan bach. (Ond dw i yn anhygoel o flinedig, os bydd hynny yn dy wneud di yn fwy tebyg i roi tipyn bach yn y bwced.)
Dyma wefan Arts et Métiers Graphiques, sef y cylchgrawn teipograffi a dylunio dylanwadol o Ffrainc.
Dim ond nawr dw i’n sylweddoli taw Elwyn Hughes enillodd Tlws Elvet a Mair Elvet Thomas eleni, am ei gyfraniad i faes dysgu Cymraeg i oedolion. Llongyfarchiadau o’r ddau ohonon ni.
Rhwng Dau Olau, casgliad o gerddi gan Guto Dafydd, y bardd o Drefor.
I’r Dafarn yn Eifionydd
Hen gaer i adloniant gwerin – yno’n
Llawn enaid a rhuddin
Pob hanes ers Taliesin
Yn gaeth yn y gwydrau gwin.
Mae’n ymddangos fel bod Unarddeg.com wedi’i hacio.
Cwpl o draciau eraill o’r casgliad Welsh Rare Beat, wel, un a hanner, gan fod un ohonyn nhw yn ail-fics gyda llais R.S.Thomas dros yr alaw. Cân sy’n hala fi i grio bob tro dw i’n ei chlywed. Sori.
Neges arall gan Mam i ddweud bod ei chwaer hi, fy Modryb Helen, wedi casglu £50/$89 o’r criw yn St Martins, sy’n dod â’r cyfanswm i $1160.56.
Ddim yn gwybod os dych chi wedi gweld Y Selar, gyda’r erthygl benigamp gan “archdderwydd y we Gymraeg”?
*ahem*
Y broblem gyda sgwennu pethau am y we ar gyfer cylchgronau yw erbyn i’r erthygl weld golau dydd, bydd y we wedi symud ymlaen, a bydd hanner can mil o flogiau MP3 newydd i gael. Dyma rhai newydd sy wedi bod yn llenwi’r iPod yn diweddar.
GALVANIZE! Gêm bach sili o’r Brodyr Cemegol. Mae’n gêm berffaith os wyt ti wedi cymryd lot o gyffuriau, neu ddim wedi cysgu am ryw 26 awr.
Yn ôl enillydd cystadleuaeth Dysgwr y Flwyddyn eleni, un o’r prif broblemau sy’n wynebu dysgwyr o hyd yw amharodrwydd Cymry Cymraeg i siarad yr hen iaith gyda rhywun sydd ag acen Seisnig, rhywbeth dw i wedi sôn amdano yma o’r blaen.
“Unwaith yr oeddwn wedi mabwysiadu’r acen roedd pobl yn siarad yn fwy naturiol efo fi gan fy mod yn swnio fel Cymraes go iawn.
“Un o’r problemau i ddysgwyr yw bod swits ym meddyliau’r Cymry Cymraeg a phan maen nhw’n clywed acen Seisnig maen nhw’n troi i’r Saesneg.”
Mae gan Adele Prince hobi bach od: mae hi wrth ei bodd canfod trolïau siopa ar strydoedd dinasoedd mawrion Lloegr.
Mae rhaid i rhywun wneud, sbo.
Dydy hi ddim ar ei phen ei hunan chwaith.
Bydd Dogfael yn lico hyn: merch sy’n tynnu llun o bopeth mae hi’n bwyta am flwyddyn. Popeth.
Saeson, eh? Ffaelu byw gyda nhw, ffaelu wneud jôcs am losgi eu tai haf i lawr.
(Y nodyn anghenrheidiol: nid “y Saeson” yw gwir targed ein dirmyg eironig yma, ond “yr artistiaid cysyniadol”. Dyn ni’n chwarae gyda’r syniad o fod yn philistaidd, ond i fod yn deg, mae rhai o’n ffrindiau gorau yn artistiaid cysyniadol. Diolch am fod yn amyneddgar.)
5 milltir i’r ddwyrain o Ffestiniog. Llun bach neis.
Dechrau arafu bach nawr, megis car sy’n dod at Ffestiniog. Chwarter ola y daith o’n blaen ni, a ddim yn hollol sir faint o betrol sy yn y tanc.
Fel Lucy Mangan yn y Guardian, dw i ddim am fynd tramor ar fy ngwyliau, bellach.
I have left these shores twice in my lifetime, and I fully hope and expect never to do so again.
Mae mwy na digon yng Nghymru, ac mae Lloegr erbyn hyn yn wlad estron ac ecsotig i fi, sy’n cuddio bob math o gyfrinachau.
Pwyll, ac aros gartre biau hi.
Wedi cael y cawod dw i wedi bod yn edrych ymlaen ato ers tair awr (anghofiais i droi’r dŵr ymlaen). A dyma ni ar brig yr awr, felly dw i’n mynd i drial postio un cofnod bob hanner awr o hyn ymlaen, a gosod camre i fy hun.
Saith awr i fynd. Dim problem.
Dydd Sul, ie wythnos yn ôl, buon ni yn Amgueddfa Lechi Cymru. Roedd maes yr eisteddfod yn fwd i gyd, doedd dim lot yn digwydd a oedd o ddiddordeb i ni, felly bant â ni i Lanberis. Mae’r amgueddfa yn lle arbennig iawn. Cwpl o ffotos i’w ddilyn…
Wedi sôn tipyn bach am y gerddoriaeth wnaethon ni ganu yn y briodas ddoe, ond oedd rhywbeth arall, sef Manu Chao tra oedd y cwpl hapus yn llofnodi’r cofrestr. Dyma’r gân – sef, am wn i, y tro cyntaf i mi glywed cân o blaid cyfreithloni mariwana yn ystod serimoni priodas. Mwy fel hyn, plîs.
O’r gorau, mae pync roc Llychlynaidd yn iawn yn ei le, ond weithiau mae angen peth bach mwy rhamantus, ond oes. Rhywbeth fel Francoise Hardy, duwes Ffrengig 60au fy mreuddwydion.
Francoise Hardy – Tous les garcons et les filles
Jyst y peth am 5.00 o’r gloch bore dydd Sul, MP3au gan fandiau pync o Sweden. Dw i’n hoffi’r trac yn Swedeg gan Suicide Blitz.
Dw i’n postio’n rhy gyflym. DYma’r ffordd orau o aros ar ddi-hun. Postia fwy! Postia’n gynt!
Diwedd y dydd a dechrau’r un nesa – un o’r manteision aros lan trwy’r nos.
LLuniau gan dafydd o graffiti Dr Who yn y brifddinas.
