N.I.C.D.A.F.I.S.
Dw i ddim yn wneud pethau fel hyn yn aml, ond weithiau mae pethau jyst yn rhy berffaith i’w hanwybyddu:
Blogday Hapus!
Diolch i Curt, sy’n mynd i enwebu Morfablog i Blog Day 2005, sy’n digwydd heddi. Edrych yn ddifyr iawn. Mae wastad yn neis iawn cael rhywun sy ddim yn siarad Cymraeg cymryd diddordeb yn y pethau sy’n digwydd yma, gwrthwenyn perffaith i’r pethau pitw sy weithiau yn tynnu ein sylw oddi ar beth sy’n bwysig.
Mae Curt hefyd yn blogio ar flog Pwyllgor Amddiffyn Blogwyr - sy’n dilyn achosion lle mae rhywun yn bwlio blogwyr er mwyn cau i lawr trafodaeth. Am gyd-ddigwyddiad!
Mae ganddo gofnod diddorol iawn ar ei flog personol sy’n gasgliad o ddolenni i storïau am bobl sy wedi’u bygwthio ag ymddiswyddiad oherwydd pethau maen nhw wedi dweud ar-lein.
Gwefan CYD
Rhaid i mi ddweud i mi fod braidd yn sinicaidd pan glywais i bod Cyd wedi cael grant o rhyw £4500 o bunnoedd er mwyn creu gwefan newydd, ond dw i’n hapus iawn i gyfaddau taw fi oedd yn anghywir, ac mae’r wefan yn edrych yn ddefnyddiol iawn. Dw i’n lico’r ffordd nad yw’r Saesneg yn ymddangos yn awtomatig, sy’n rhoi’r dewis i’r dysgwyr sy’n ei defnyddio faint o help maent am ei gael.
Braf iawn i weld eu bod nhw’n cadw digwyddiadur ar y safle, yn enwedig achos fy mod i wedi bod mor ddiog gyda’r rhestr postio dw i fod i gadw - dim ebost ers dechrau gwyliau haf. Dw i’n gweld bod y digwyddiadur ag opsiwn i adael i “staff yn unig” olygu (ac ychwanegu?) manylion digwyddiadau - a fydd yn bosibl i adael mwy o bobl i mewn i’r sustem hwn? Hefyd, os ydy’r sustem ‘na yn mynd i dyfu i fod yn adnodd cenedlaethol, a fydd yn bosibl i hidlo canlyniadau ymchwiliad gan “leoliad”, yn ogystal â chan “dyddiad”?
Darlunio ar Ddydd Gwener
Mae Illustration Friday yn syniad tebyg i’r hen “Friday Five” (oedd yn gosod 5 cwestiwn ar thema i flogwyr eu hateb dros y penwythnos, amser mae’n tueddu bod yn dawel yn y rhithfro). Mae hyn wedi’i anelu at artistiaid/darlunwyr (ble mae’r llinell?), ac yn rhoi testun bob dydd Gwener, gyda gwahoddiad agored i unrhywun i dynnu llun ar y pwnc ac wedyn casglu’r dolenni i’r gwefannau (blogiau, fel arfer) bob artist. Gan wneud y pynciau mor syml ag sy’n bosibl, un gair fel arfer, mi gân nhw ymateb eang iawn gan artistiaid o bedwar ban y byd.
Dyma’r rhestr o luniau ar y testun arwyr, gyda 253 o artistiad yn cymryd rhan. Nid cystadleuaeth yw hwn, dim ond ffordd dda o ddangos eich gwaith i gynulleidfa newydd.
Testun yr wythnos hon yw “breuddwydion”, ac mae dros 300 o artistiaid wedi postio cynhigion yn barod.
Woody Allen
Inside Woody Allen - mae brith gof ‘da fi o ddarllen y stribedi ‘ma yn y 70au, pan o’n i’n rhy ifanc i’w deall yn iawn, ond yn chwerthin arnyn nhw. Nawr dw i’n eu deall, ac mae rhan fwya ohonyn nhw’n drist iawn.
*och*
Hatfield, Throbbing Gristle a’r Talwrn
Ro’n i am flogio am hyn ddoe, ond tynnwyd fy sylw gan ffycwit*. Ces i noson dda iawn yn Llambed nos Lun. Tra oedd Philippa yn gwylio’r cadeirio yn y Steddfod, es i i siop Hag i fodio trwy’r hen feinyl yn y gobaith o lenwi’r unig dwll sydd ar ôl yn fy nghasgliad Van der Graff Generator. Dim lwc ‘na, ond mi ffeindiais i CD gan Hatfield and the North, un o’r bandiau prog “clasurol” o Loegr dw i heb glywed tan nawr - mae hyn yn mynd i fod yn ffefryn - ac hefyd cwpl o bethau gan Throbbing Gristle. Mae TG yn un o’r bandiau ‘na mae dyn yn clywed amdanyn nhw, yn gwybod eu bod nhw’n “ddylanwadol”, ond yn ofni bod hynny yn lledneisair am “anwrandawadwy”, os ydy hynny’n air. Mae un albym ‘da fi ganddyn nhw ar feinyl, hanner can ceniog o sêl cist ceir, ond mae hynny yn boenus ar y clustiau. Felly, cymerwyd siawns, a phrynu 20 Jazz Funk Greats, sydd â chlawr arbennig. Record gwych hefyd, a lot mwy o laffs na Psychic TV.
Safle swyddogol TG. TG ar Wikipedia. Undefined (gweffan).
Ar ôl hyn, i’r Llew Du â fi, a chael peint gydag aelod o dîm talwrn Gwesty Emlyn**, cyn mynd i’r talwrn ei hun. Llawer o hwyl, fel arfer, ac unwaith eto dw i’n cael fy nharo gan y cyfoethogrwydd anhygoel yn y diwylliant ‘ma. Llai na hanner cant yn y cynulleidfa, a ni yw’r unig bobl a fydd yn clywed y rhan fwya o’r cerddi cafodd eu darllen ar y noson.
Mae rhywbeth yn digwydd ‘ma, a ti ddim yn gwybod beth yw e, wyt ti, Mr Jones?
Llongyfarchiadau i’r dau dîm a ddaeth i’r brig, sef y Gler a’r tîm o Gaerfyrddin (ddim yn cofio eu henw go iawn, sori).
Pa dîm talwrn fydd yr un cynta i gael gwefan eu hunain, tybed?
* gyda llaw, mae dim ond un canlyniad am y gair ffycwit ar Google ar hyn o bryd. Dw i’n ♥ Google.
** (Gol. 6/1/06 Hoffai Emyr Oernant i mi bwysleisio taw nid aelod Tîm Tanygroes oedd hwn, ond un o dîm Crannog. Os dw i’n cofio’n iawn, mi oedd aelodau’r ddau d&icric;m yn cystadlu fel un Uwch Dîm ar y noson honno, ond mae’n bosibl, debyg hyd yn oed, fy mod i’n camgofio’r manylion.
Ar nodyn arall: mae Emyr Oernant yn darllen Morfablog! Mae hynny yn wneud lan am Dogfael yn cael ei ddisgrifio fel “blog gorau yn y Gymraeg” yn Barn pwy wythnos.)
Lot fawr o AC/DC
Comback - stori comic gan Marcus Huber. Ffeindiwyd ar Flight, blog newydd am gomics, nage wir, ar Drawn, lle ffeindiais i Flight, hefyd.
Process Junkie
Mae Process Junkie [rhybudd: ddim yn saff i'r gweithle, falle] yn flog gan Lucio Alberto Ruiz-Diaz, artist comics o Efrog Newydd, sy’n tynnu lluniau di-derfyn a ferched gor-rywiol, os dych chi’n lico’r fath ‘na o beth, ond hefyd yn casglu enghreifftiau di-ri o waith ei hoff ddarlunwyr. Llawer o enwau do’n i ddim yn gyfarwydd â nhw, fel Michael-Mathias Prechtl o’r Almaen a Rafael Freyre ac Ernesto García Cabral, y ddau o Fecsico.
OÏO
OÏO, cinépeinture gan Simon Goulet. Anodd disgrifio, gwyliwch y detholiad.
[Diolch, Future Feeder]
Y Prics
(Ni phoener, nid post arall am Natwatch yw hwn ;-))
Newydd wrando ar raglen newydd Radio Amgen (tanysgrifiwch i’r podlediad gan lusgo’r linc i iTunes), sy’n cynnwys Sleifar wedi’i ailficsio, Cofi Bach yn joio dŵbi bach, a’r Prics, sef fatha Derek a Clive Cymraeg, ond yn ddoniolach.
Madarch Eithafol
“>Prynwch y CD, fyddarffycars.
Problemau postio sylwadau?
Dw i’n cael gwaith postio sylwadau i Morfablog - ydy unrhywun arall wedi sylwi ar hyn? Cysylltwch os felly - trwy ebost: nic at morfablog dot com.
Diolch.
Chwerthin ar bennau Cristnogion?
Er mod i’n ffeindio cwlt y FSM mor ddoniol â’r blogiwr nesa, mae rhan ohonof sy’n dal i feddwl ei fod yn bwysig cael mwy na gwawd yn dy gwpwrdd arfau wrth ddadlau â phobl sy’n credu yn gryf mewn syniad fel cynllunio deallus, ta waeth pa mor wirion ti’n ffeindio eu syniadau. Un o’r pethau rhyfeddaf am fod yn rhan o faes-e yw fy mod i wedi dod yn ffrindiau gyda phobl sydd â chredoau Cristnogol dw i’n methu derbyn, er mod i’n parchu y bobl eu hunain. Beth sy’n tueddu digwydd yw fy mod i’n osgoi trafod y pynciau.
Ond dw i’n gweld bod y pynciau ‘ma yn mynd i ddod yn fwy amlwg byth, gan ein bod ni’n byw mewn amseroedd mor beryglus. (Hwyl fawr, New Orleans.) Bydd osgoi’r trafodaeth ddim yn ddigon.
FOXP2 - Mwy na “genyn iaith”
Erthygl ar y genyn sy’n gyfrifol (efallai) am ddatblygu’r gallu ieithyddol mewn homo sapiens.
Linguists are squabbling - linguists do a lot of that - over the origins of human language, and one of the bits of evidence they’re batting back and forth is a fascinating gene called FOXP2.
People who have a defective copy of the gene experience a wide variety of language difficulties. Some of them are physical, related to inability to control the lower part of the face well enough to produce intelligible speech. But others are purely linguistic, involving vocabulary and grammar.
Mae geneteg, fel pwnc ymchwil, yn hytrach na phwnc protestio, yn rhywbeth dw i ddim yn ei ddeall o gwbl, ond wedi darllen llyfr Richard Dawkins Unweaving the Rainbow yn diweddar, a ar fin dechrau ailddarllen The Selfish Gene, dw i am ffeindio ma’s mwy am y pwnc. Dw i’n ymwybodol o duedd ynddo i i ddiystyried gwyddoniaeth fel pwnc darllen a thrafod (gan bod fy nealltwriaeth mor fras, a’r maesydd potensial mor lydan, dwfn a newidiol) - mae’n llawer haws byw mewn byd mytholeg a barddoniaeth, gan ddweud wrth dy hunan bod y safbwynt wyddonol yn lleihau’r byd mewn rhyw fodd. Yn bennaf oll, dw i wedi fy nylanwadu gan ddarllen John Cowper Powys.
Does dim terfyn i fy niffyg dealltwriaeth geneteg, ieithyddiaeth a gwyddoniaeth yn gyffredinol, rhag fy nghywilydd.
Gall unrhywun awgrymu llyfrau i mi?
Cant Cymru
Sôn am Eryri, dyma restr “Cant Cymru”, sef y can mynydd ucha ein gwlad fach fynyddig ni. Dw i wedi bod lan rhyw hanner dwsin ohonyn nhw, rhag fy nghywilydd. Dw i erioed wedi bod lan yr Wyddfa. Mae syniad o stryglan lan mynydd go fawr fel ‘na (go fawr i rywun fy maint, oedran a lefel cyffredinol o ffitrwydd) ac wedyn ffeindio fy hunan yng nghanol cannoedd o pobl sy’n hyd yn oed yn dewach, henach ac yn fwy afiach na fi, ond sy wedi dod lan ar y tr&ecric;n, jyst yn rhy erchyll.
Rhaid i mi feddwl am 93 o esgusodian eraill nawr.
Diolch Joss.
“A Bottleneck in Capel Curig”
A chlasuron eraill gan yr anfarwol Half Man Half Biscuit.
Hosan iPod
Wedi’u wneud gan mam Suw Charman, ac ar gael am £3.50 yr un.
Bargen yr wythnos.
Myth y Dafarn
Dyn ni gyd wedi clywed y stori: I walked into a pub in Aberthingermijig, and everybody started talking Welsh! Dyma Dylan Llŷr yn esbonio pa mor ddwl yw stori sy’n dibynnu ar allu’r Cymry Cymraeg i wybod pa iaith dych chi’n siarad jyst gan edrych arnoch chi.
MakeNatsHistory
Collais i hwn ar y pryd, ond nawr ei fod e wedi ailymddangos ar dudalen flaen NatWatch, mae’n werth sôn amdano.
Ar ddiwrnod Live8, pan oedd gweddill y byd yn dod at ei gilydd i “roi terfyn ar dlodi”, oedd NatWatch yn fishi gyda rhywbeth arall, rhywbeth yr un mor uchelfrydig a moesol:
We’ve launched a cool new banner you can use to link to our website:
We hope you like it
Neis. Chwaethus, hyd yn oed. Dw i’n gobeithio nad oedd y person a wnaeth hyn yn y gweithle ar y pryd.
NatWatchWatch: A reader writes…
Aha! Ro’n i’n gobeithio y byddai’r stori hon yn dod i’r amlwg cyn bo hir. Mae’n debyg bod “P4P”, neu’r tîm sydd tu ôl i Nat Watch, a mwy i’w golli na’r bobl maen nhw wedi bygythio yr wythnos ‘ma.
Arbrawf plentynaidd
Sori am hyn, ond ers i mi bostio fy rant hirwyntog ddoe, am ymdrechion “price4president” i dduo fy enw da, mae e/hi wedi troi off y sustem trackback ar y cofnod amdana i, fel wnes i ragweld yn y rant.
(This blog post contains a trackback ping. Trackbacks, I notice, are open on Nat Watch, even if comments aren’t. So a link to this rebuttal should appear on Nat Watch itself, unless p4p choose to delete it. I bet trackbacks get disabled by tomorrow.)
Mae e wedi troi off trackbacks ar y cofnod am Dafydd Wigley, felly dw i’n cymryd bod rhywun wedi blogio am hynny, a dweud rhywbeth sy ddim yn ffito yn daclus ym myd un deimensiwn p4p.
Mae hyn yn ddoniol iawn. Hyd yn hyn, dyw e ddim wedi troi off y trackbacks ar y cofnod hwn, felly dyma fi anfon ping at y cofnod hwnna. Bydd e naill ai yn ymddangos ar y blog, neu bydd yn cael ei ddileu gan p4p, ac wedyn bydd y sustem trackback yn cael ei chau ar y cofnod hwnna hefyd.
Dw i’n gwybod bod hyn yn blentynaidd, ond mae’n eitha diddorol hefyd i weld i ba raddau mae p4p yn fodlon mynd i gau i lawr trafodaeth, er gwaethaf pa mor chwerthinllyd mae hyn yn wneud iddo/iddi edrych. Does gen i ddim ots am edrych yn chwerthinllyd, achos dydw i ddim yn aelod etholedig y Cynulliad Cenedlaethol - nid bod p4p yn un o’r rhain, chwaith, wrth gwrs - dim ond blogiwr ar ei wyliau ydw i. 
Sgrînlun y cofnod fel y mae nawr, 11.15 y bore.
[Gol.] Sgrînlun am 2.15 y prynhawn. Spot the difference.
Oes esboniad arall?
Next Page »