“Pawb ar y bws ding ding!”

By Nic Dafis | Published: Ebrill 3, 2005

Bydd y ddrama newydd hon yn cael ei pherfformio tair gwaith yr wythnos hon. ~~Yn anffodus, dw i’n methu ffeindio unrhyw gwybodaeth arall (beth yw’r teitl, er enghraifft), ond wotsh ddys sbeis.~~ [Gweler sylwadau.] Diolch yn fawr i Dafydd Gwylon am hala’r manylion isod i ni.

Bydd y ddrama yn cyfleu portread o fyw yng nghefn gwlad ac mewn cymuned ddwyieithog. Rydym wedi casglu argraffiadau Cymry Cymraeg a Di-Gymraeg, mewnfudwyr a dysgwyr i rannu eu profiadau, gofidion, canfyddiadau a gobeithion ynglŷn â’r sefyllfa yng nghefn gwlad Gorllewin Cymru.

Byddwn yn defnyddio’r ddrama fel cyfrwng er mwyn pigo ar gydwybod, ysbrydoli a chyflyru gwahanol gynulleidfaoedd ar hyd a lled yr ardal, i fod yn hyderus i ddefnyddio’r Gymraeg gymaint â phosib yn eu bywydau bob dydd. Rydym hefyd am godi ymwybyddiaeth y Gymraeg a’r di-Gymraeg fod yr iaith yn fyw, a bod yna ddiwylliant a thraddodiad yn bodoli yn ein hardaloedd.

Rydym yn gobeithio yn fawr y bydd y prosiect yn effeithio ar bobl efallai drwy eu hysbrydoli i fynd ati i ddysgu’r Gymraeg, i ddefnyddio’r Gymraeg wrth ddechrau sgwrs gyda phobl dieithr neu i ddanfon eu plant i ysgol Gymraeg. Beth bynnag yw effaith y ddrama ein bwriad yw diogelu’r diwylliant a thraddodiadau Cymraeg a Chymreig yng nghymunedau bro Teifi am yr oesoedd a ddêl.

Bydd tri perfformiad ym mis Ebrill:

7fed Neuadd y Ddraig Goch, Drefach Felindre
8fed Festri Aberduar, Llanybydder
9fed Neuadd Ysgol Gyfun Dyffryn Teifi

I ddechrau am 7.30yh

Pris i oedolion: £2.50
Pris consessiwn : £1.50

This entry was posted in Heb Gategori and tagged Cymraeg, Digwyddiadau, Dysgu. Bookmark the permalink. Post a comment or leave a trackback: Trackback URL.

One Comment

Nic Dafis

Posted Ebrill 4, 2005 at 10:12 bore | Permalink

Mwy o fanylion am y ddrama:

Datganiad i’r Wasg Datganiad i’r Wasg

“Pawb ar y bws ding ding!”

Mae cymunedau Bro Teifi yn parhau i fod yn un o’r ardaloedd hynny lle mae’r nifer o Gymry Cymraeg yn parhau i fod yn uchel. Mae gennym ni fel Menter Iaith Leol brosiect cyffrous ar y gweill. Teitl y prosiect yw “Taith Iaith” ac yr ydym wedi bod yn brysur yn cynhyrchu cyfres o sgetshis doniol ac ysgafn a fydd yn cael eu perfformio ar draws ein hardal. Enw’r ddrama yw “Pawb ar y bws ding ding!”.
Yr ydym wedi tynnu pwyllgor o wirfoddolwyr o wahanol sectorau yn y gymuned at ei gilydd, ac wedi bod yn casglu eu hargraffiadau a’u persbectif o fyw yng nghymunedau dwyieithog dyffryn Teifi ar ddechrau’r Ugeinfed ganrif.
Yr ydym yn cyd-weithio gydag aelod proffesiynol o Theatr Felin-fach ar gyfer creu’r cynhyrchiad. Gobeithiwn ddefnyddio’r cynhyrchiad i ysbrydoli, bigo ar gydwybod a chyflyru gwahanol gynulleidfaoedd ar hyd a lled yr ardal, i fod yn hyderus i ddefnyddio’r Gymraeg gymaint â phosib yn eu bywydau bob dydd. Rydym hefyd am godi ymwybyddiaeth y Gymraeg a’r di-Gymraeg fod yr Iaith yn fyw, a bod yna diwylliant a thraddodiad yn bodoli yn ein hardaloedd.
Beth bynnag yw effaith y cynhyrchiad, ein bwriad yw diogelu’r diwylliant a thraddodiadau Cymraeg a Chymreig yng nghymunedau bro Teifi am yr oesoedd a ddêl.

Dyma ddyddiadau a lleoliadau ein perfformiadau :
7fed Ebrill, 2005 : Neuadd y Ddraig Goch, Drefach Felindre am 7.30yh
8fed Ebrill, 2005 : Festri Eglwys Bedyddwyr Aberduar, Llanybydder am 7.30yh
9fed Ebrill, 2005 : Neuadd Ysgol Dyffryn Teifi, Llandysul am 7 o’r gloch
Pris/Price £2.50 / Pris Consesiwn/Consession Price £1.50

Hyderaf y dewch yn llu i gefnogi ein perfformiadau.

There will be simultaneous translation available for welsh learners and non-welsh speakers.

Am fwy o wybodaeth am y prosiect cyffrous yma neu am wybodaeth bellach am weithgarwch Cymraeg yr ardal cysylltwch â swyddfa Menter Bro Teifi ar (01239) 712934 neu ymholiad@menterbroteifi.org.uk

Emma James
Swyddog Datblygu
Menter Bro Teifi
7ed Mawrth 2005

“Pawb ar y bws ding ding!”

One Comment

Post a Comment

Now Available in the Language of Your Choice (More or Less)

Ymchwilio Morfablog

Archif

Pigion

Sylwadau Diweddar