Digwyddiadur: 2 - 8 Mai 2005
Digwyddiadau i ddysgwyr (ac eraill) yn Ne Ceredigion am yr wythnos sy’n dod. (Read on …)
Cardiff Observer
(This post has an English version. Yes, it’s another of those “politicians and the IntarWeb” stories.)
Stori fach neis arall ar y maes sy’n dangos nad oes monopoli ar fod yn ddi-glem ‘da Plaid Lafur.
Yr ymgeisydd Ceidwadol yn yr etholaeth [Gogledd Caerdydd] yma yw Jonathan Morgan, aelod o’r Cynulliad ar hyn o bryd. Mae e wedi danfon allan papur newydd ffug o’r enw’ y ‘Cardiff Observer’ yn llawn storiau a lluniau o’r Bnr Morgan. Mae e wedi sgrifennu yn eitha da ac am wn i mae’n ddigon cyfreithiol creu taflen ymgyrchu yn y modd yma.
Un problem.. mae cyfeiriad gwefan y ‘papur newydd’ ar y dudalen flaen ond wnaeth y twpsyn ddim cofrestru’r parth. Mae rhywun wedi bod yn gloi iawn a chofrestru’r parth a wedi creu gwefan iddo - Cardiff Observer.
Diwrnodau bishi
Diwrnod braidd yn afreal ddoe, gan i mi fynd i angladd Gwynfor yn Aberystwyth ac wedyn gyrru lawr i Gaerdydd i weld Loudon Wainwright III yn Neuadd Dewi Sant. Sôn am emotional rollercoasters.
Profiad anhygoel oedd cael bod yn bresennol yn yr angladd. Dw i’n siwr bod llawer yn gallu dweud yr un peth, ond Gwynfor oedd y dyn wnaeth gynnau fy niddordeb yn hanes Cymru, ac heb y diddordeb yna mae’n debyg na fyddwn i wedi llwyddo dysgu’r iaith, a fyddwn i ddim yn sgwennu hyn y munud hwn.
Yr unig reswm es i i’r gig yng Nghaerdydd oedd wnaeth ffrind gynnig tocyn am ddim ’swn i’n fodlon gyrru, ac er mod i ddim ffan mawr Wainwright, oedd hyn yn ddigon da i mi. Ces i fy siomi ar yr ochr orau gan y sioe, a’r syrpreis mwya yw bod y stwff newydd cystal â’r hen. Cewch glywed rhai o’r traciau ar yr albym newydd ar y sesiwn radio hwn.
A phwy ddylwn i weld wrth fynd lan escalator hir iawn Neuadd Dewi Sant ond yr Al Mawr.
Adolygiadau Prysor Pamffledi’r Pleidiau
Yn ôl y Sun, hwn yw’r etholiad cyffredinol mwya diflas yn hanes y byd erioed. Dydy’r Sun ddim yn darllen maes-e, mae’n amlwg. Dros y wythnos neu ddwy diwetha mae Dewi Prysor wedi bod yn postio adolygiadau o hysbysebion-trwy’r-drws gan y Pleidiau Mawrion, ac UKIP hefyd. Dyma nhw, ddim mewn unrhyw drefn arbennig:
Plaid Cymru
Democratiaid Rhyddfrydol
Llafur Newydd
Tori
UKIP
…ac, yn nawr…
Y Celfi Cam
CD yn y post y bore ‘ma, sef detholiad o bedwar trac gan Y Celfi Cam, band Norman Lewis a Dilwyn Gregory. Mae Norman wedi rhoi caniatâd i mi rannu cwpl o’r traciau gyda chi, ddarllenwyr annwyl, felly dyma’r ddau drac sy wedi dal fy ffansi, ar ôl un gwrandawiad byr.
Y Celfi Cam - Adref i Quebec
Y Celfi Cam - Spyjazz
Mae mwy o stwff y Celfi Cam ar Radio Amgen, Sioe 35. Mae’n hen amser i mi lawrlwytho’r sioau ‘ma i gyd a’u llosgi i CDr. Sneb sy wedi’u conferto i MP3 eisioes, oes ‘na?
Plaid Cymru i ennill Battersea
An intriguing political experiment conducted by BBC’s Newsnight programme has concluded that Plaid Cymru could be the most popular party in at least one inner London district.
Da iawn Mabs. 
Dw i’n siwr nad oes unrhyw sail i’r si ar led ar y maes bod Newsnight yn cysidro beidio darlledu’r eitem achos na chafodd y canlyniad disgwyledig.
Digwyddiadur: 25 Ebrill - 1 Mai 2005
Digwyddiadau i ddysgwyr (ac eraill) yn Ne Ceredigion am yr wythnos sy’n dod.
Gwynfor wedi mynd
Newydd glywed bod Gwynfor Evans wedi marw.
Sgiliau Sylfaenol, wir yr
Wnes i bron â phrynu pecyn o gardiau treigladau o’r Asiantaeth Sgiliau Sylfaenol, nes i mi sylweddoli (o’r ffeil PDF) bod tri chamgymeriad arnyn nhw. Dau a hanner, os ti’n teimlo yn garedig.
Cymdeithas v. Radio Carmarthenshire
Yn yr achos llys ddoe yn erbyn yr aelodau Cymdeithas yr Iaith a wnaeth torri ar draws rhaglenni uniaith Saesneg Radio Carmarthenshire wnaethpwyd pwynt diddorol gan un o’r protestwyr, sef bod y cwmni wedi defnyddio’r protest er mwyn cael carpedi (a chyfrifiadur) newydd mas o bocedi’r protestwyr.
Gweler blog Steffan Cravos am y stori lawn.
Ynghylch y mater o iawndal (o £1,660.53) gwnaeth Angharad ddatganiad i’r llys gan ofyn i’r Ynadon bwyso a mesur y modd y penderfynwyd gwario’r arian hwnnw. Soniodd mai’r unig ddifrod oedd y glud ar gefn y sticeri a thynnodd sylw at benderfyniad y cwmni i wario dros £757.88 ar lanhau’r carpedi rhag ofn bod rhywfaint o lud o gefn y sticeri wedi disgyn arnynt.
Fe warion nhw hefyd, £702.65 ar ddau fonitor newydd oherwydd eu bod yn credu bod ôl glud ar un ohonyn nhw. Tynnodd Angharad eu sylw at y ffaith bod dau swm o £100 wedi ei wario ar alw peiriannydd i ddod allan i edrych ar glud. Dywedodd, “mae’n bosib dod i’r casgliad bod y cwmni’n ceisio manteisio ar y sefyllfa i gael carped a chyfrifiaduron newydd.”
Diolch, Flickr
Mae Flickr newydd roi dau anrheg i bawb a wnaeth brynu cyfrif “Pro” gyda nhw, sef dwbli hyd y tanysgrifiad gwreiddiol, a rhoi dau danysgrifiad “Pro” arall gall yr aelod basio ymlaen at ffrindiau.
Neu, rhoi fel gwobr mewn cystadleuaeth ffotograffiaeth.
Manylion i’w dilyn.
Blog Steffan Cravos
Mae Cadeirydd newydd Cymdeithas yr Iaith wedi dechrau blog newydd.
Wyt ti’n meddwl o gwbl?
Tro cynta i mi weld un o bosteri hiliol y Ceidwadwyr o’n i’n meddwl oedd yn jôc. Wedyn, ar ôl syweddoli pa mor isel mae’r Toris wedi syrthio, ro’n i’n meddwl pa mor hawdd byddai fe i’w newid i ddweud rhywbeth arall.
Ond nawr, cei di wneud dy boster hiliol dy hunan gyda’r teclyn bach ‘ma.
Croeso i unrhywun sy moyn creu un i’w ebostio fe ata i, a wna i bostio’r goreuon yma. (Read on …)
Sheepshaggers yn Islandeg
Rheswm arall dros ddysgu Islandeg.
Jæja þá, þú hefur rétt fyrir þér. Mér finnst sjálfum Liverpool vera ömurlegt lið ég ég veit ekki af hverju ég held með þeim. Þeir eru svo fokking asnalegir þeir bera nafnið sheepshaggers með rentu eins og þeir eru kallaðir hjá áhangendum Man utd.
Pwy yw’r sheepshaggers?
Pryfoclyd iawn.
Annwyl Prwdens a chaneuon eraill
Diolch i Nwdls am hyn: y Beatles yn Gymraeg.
Digwyddiadur: 18-24 Ebrill 2005
Digwyddiadau i ddysgwyr (ac eraill) yn Ne Ceredigion am yr wythnos sy’n dod.
Colli diddordeb yn yr etholiad yn barod
Mae trio cymedroli ar maes-e wedi wneud i fi golli bob diddordeb mewn gwleidyddiaeth pleidiol.
Diolch yn fawr i David R. Edwards, am ei gyfraniad i’r Tu Chwith newydd:
Mae cael Cymry rhydd yn fwy pwysig na chael Cymru rydd.
Dw i wedi ail-gydio yn Carl Jung yn diweddar, ac mae Walden nôl ar fwrdd-ochr-y-gwely.
Eisiau cwsg, rhy flinedig. Dysgu Cymraeg o 9.30 y bore tan 8.45 y nos, paratoi dosbarthiadau wythnos nesa a marcio gwaith cartre yn yr amser rhwng y dosbarthiadau, gan fy mod i’n mynd i’r gogledd dros y Sul i weld fy nhad. Bob tro dw i’n mynd i maes-e mae mwy o’r ebychnodiadau pinc newydd sy’n dweud wrtha i bod aelodau Plaid Cymru ac aelodau y Blaid Geidwadol yn defnyddio fy ngwefan i sarhau ei gilydd, ac mae hyn yn rhywbeth i’w wneud â fi, er mod i ddim yn aelod y naill plaid neu’r llall.
Ond mae mwsog yn dda.
Mwsog
Sut yn y byd ydw i wedi colli mwsog hyd yn hyn? Mae werth holl albym i’w lawrlwytho o’u gwefan, sy’n jyst abowt y peth gorau dw i wedi clywed eleni.
A Huw Evans yw’r canwr! Dw i wedi bod ar y teledu gyda hwnna, heno. Byd bach. Eniwei, mae’n swnio fel ei fod e’n sianeli Tim Buckley yn yr eglwys lle recordiwyd Spirit of Eden.
Pigion a’r RSS Digest
Des i ar draws RSS Digest ar blog Dogfael. Mae Dogfael yn ei ddefnyddio i ddangos penawdau’r BBC, ond dw i’n ei bwyntio fe at ffîd RSS fy nhudalen del.icio.us.
Dw i wedi bod yn edrych am rywbeth fel hyn ers sbel, ac mae RSS Digest yn wneud popeth dw i moyn, ond am roi disgrifiad y linc mewn elfen <title> yn y tag <a> - ond dw i’n gallu byw heb hynny.
Felly, diolch yn fawr iawn RSS Digest.
Gàidhlig - cha bhithinn às a h-aonais!
Gàidhlig - cha bhithinn às a h-aonais! - blog yn Aeleg yr Alban, gyda dolenni i fwy, yn yr Aeleg neu efallai y Wyddelig - mae’n flin ‘da fi gyfadde mod i ddim yn gwybod digon am y ddwy iaith i wahannu rhyngddyn nhw. Ond braf iawn gweld cymaint o flogiau newydd yn dechrau yn ein chwioroydd ieithoedd. Ein hieithoedd cefnitherol. Chi’n gwybod beth sy ‘da fi.
Gol. Diddorol bod y rhan fwya o’r blogiau ‘na, o beth dw i’n gallu deall (h.y. o’r tipyn Saesneg sy’n ymddangos) yn cael eu sgwennu gan ddysgwyr, ac nid gan siaradwyr brodorol.
[diolch i Rhys, ar y maes]
Next Page »