Hen luniau o’r CAT
Canolfan Dechnoleg Amgen, lluniau o’r hen ddyddiau.
Cymdeithas y cymryd y castell
Chwifio baner o furiau Castell Caernarfon. Mae dringwyr Cymdeithas yr Iaith wedi bod lan i’w hen gastiau eto.
Dim byd yn Saesneg, wrth gwrs.
[gol.]
Colli iaith yng Ngwlad yr Iâ?
Ynyswyr â chennad - erthygl ddigon ffwrdd-â-hi am ymdrechion i gadw Islandeg yn fyw ac yn iach. Dim byd yma sy’n newydd i ni, ac mae hyn yn dramgwyddol, i ddweud y lleia:
When AIDS first came to national attention in Iceland, the main discussion was what to call it rather than how to prevent it. The institute does not believe that AIDS should be called AIDS, and thus the disease is officially known as “alnaemi,” an ancient Icelandic word meaning “totally vulnerable,” which the institute settled on after some three years of study.
Sy’n awgrymu nad oedd y gwasanaeth iechyd yng Ngwlad yr Iâ yn wneud dim byd i atal y feirws tra bod yr ieithyddwyr yn Islensk Malstod yn penderfynnu beth i’w galw. Ddim yn debyg iawn mewn gwlad ag un o’r gwasanaethau iechyd gorau yn y byd.
Dyddiadur John Cowper Powys
Friday 28th March, 1930
When I returned the T.T. had the floor strewed with old Mss., of mine. I neither want to look at these nor to destroy them. I want to pension them comfortably off, these past selves and never see them again.
Diolch i Pat, ddwywaith
Un am yr ebost hynod o garedig, a’r llall am wneud i fi chwerthin yn uchel gyda’i safle näätämökäm. Dw i’n fawr gobeithio nad ydyn ni wedi clywed y newyddion ola gan y camera traffig mwya cyffrous yn y byd. Dw i newydd gwylio’r codiad yr haul yn y gogledd pell, a bois bach, mae’n sydyn. Un munud mae hi fel y fagddu, y munud nesa (wel, yr hanner awr nesa) mae haul tanbaid yn tywynnu ar y ffordd dawel.
Mwy o adroddiadau plîs, Cudd-weithredwr P.
Mae Pat wedi dechrau mwy o flogiau nag wyt ti wedi eu darllen. Dw i newydd ddod ar draws un arall ganddo sy’n dwyn y teitl I Hate Cars.
“Big bloke standing near the PA liked us.”
Gorkys.com - archif 1992. Newydd ychwanegu i’r safle swyddogol.
Dw i’n hoffi’r pytiau bach o ddyddiadur Euros sy’n brithio’r dudalen gigs:
Caerfyrddin, 16 Rhagfyr 1992: Only played around 20 minutes sad gothic bastards ‘Swn’ played for 3 hours. For the first time live I played organ and sang, bloody easy all the chords are the same.
Neis i glywed bach o swn o’r gigs hefyd, sy’n awgrymu bod archif go iawn ‘da Gorkys. Byddai’n wych cael clywed mwy.
A pham mae’r wefan yn uniaith Saesneg?
Cyfeillion yr Haf Ar Hap
Múm - Friends Of The Random Summer
Debyg mod i wedi blogio am hyn o’r blaen, ond dim ond nawr ydw i wedi llwyddo lawrlwytho’r peth, sef set 3 CDr o ddeunydd cynnar y band o Wlad yr Iâ, Múm.
Bydd angen y cloriau neis hefyd.
Cerddoriaeth ar hap
Casgliad o ddolenni MP3 o’r blogiau.
A Slow Rip - tri thrac o sesiwn impro recordiwyd ym mis Medi 2004. Gitar, Moog ac ARP.
Hood - The Lost You - ôl-roc isel-ffei o Elmet.
Josephine Foster - llais hyfryd arall o fynyddoedd Chicago. Diolch byth am Devendra Banhart.
Marissa Nadler - mae hi fel 1967 unwaith eto.
Soni Ventura - Cyngerdd 1981 - cyngerdd o gerddoriaeth offer gwynt gan Beethoven, Bernard a Praag. Mae llawer, llawer mwy ar gael yn y ffolderi ‘na, digon i fy nghadw fi yn fishi dros y Pasg, ’swn i ddim yn wneud dim byd arall. Dw i bron byth yn gwrando ar gerddoriaeth glasurol, ond dw i wastadd wrth fy modd pan dw i’n clywed rhywbeth fel hyn. A chan fod hyn yw’r unig fath o gerddoriaeth mae fi a Philippa ein dau yn hoffi, dylwn i wneud mwy o ymdrech i ffeindio pethau fel hyn, mae’n debyg.
Prosiect Dyslecsia Cymru
Prosiect Dyslecsia Cymru sy’n cynnwys rhestr o bethau sydd eisiau ei wneud a na ddylid ei wneud.
“Spore” a’r byd nesa
Ffordd newydd o feddwl am gemau. Will Wright (SimCity, The Sims) yn sôn am Spore, ei gêm nesa. Y peth sy’n newydd am hyn yw ei fod yn dibynnu ar y chwaraewyr i greu cynnwys y gêm. Fel gemau eraill Wright, mae’n fwy o “degan” na “gêm” - does dim llinell enill, mae’r gêm yn chwarae ei hunan mewn ffordd.
Pethau fel hyn sy’n wneud i fi ddifaru nad yw cloning yn bosibl eto. Mae rhan ohona i byddai’n gwbl hapus i fwy mewn byd hollol artifisial fel hyn, ond rhan arall ohona i sy moyn byw yn y coed. Noeth.
A’r unig corff sy ‘da fi yn gorfod byw rhywle rhwng y ddau.
O’r gorau, dyw e ddim yn Hamlet, ond mae yn drasiedi bach, yn ei ffordd ei hun.
[trwy wonderland]
Mabinogi - y gêm chwarae rôl
마비노기 (Mabinogi) yw enw gêm chwarae rôl o Gorea. Ddim yn edrych yn arbennig o Fabinogaidd i fi, ond falle mod i’n colli rhywbeth.
Sonic Youth yn Amsterdam
Oes ‘na unrhywbeth mwy prydferth na Sonic Youth yn eu gogoniant?
Paid ag ateb, cwestiwn http://linguistlist.org/issues/15/15-3557.html yw e.
Llawer mwy o fideo byw ar wefan y FabChannel.
Datblygiad berfau yn Gymraeg a Hindi
Pwt bach ar restr Linguist sy’n edrych ar ddatblygiadau tebyg yn y ffordd mae’r Gymraeg a’r Hindi yn ffurfio berfau.
While the similarity of Welsh and Hindi/Urdu prosody is probably an amusing coincidence, of rather more serious interest to typologists are the striking parallels in the evolution of the tense/aspect/mode (TAM) values of verb forms and verbal constructions in both languages
[gol.]
Mae mwy o drafodaeth ar y rhestr ynglŷn â thebygrwydd rhwng acenion Cymreig ac Indiaidd. Mae Briony Williams yn galw dyfynnu Anthony Green sy’n galw erthygl y BBC yn enghraifft o shoddy journalism, tra bod Robert Orr yn dod ag Alf Garnett i mewn i’r “ddadl”:
“The Thoughts of Chairman Alf: Alf Garnett’s Little Blue Book, or where England went wrong). It included a wickedly funny chapter titled “The Welsh Wog”, which began “‘Course, yer Welsh are yer first original coons, I mean, they all talk like Pakistanis …..” and proceeded to base a whole “thesis” of the origins of the Welsh on that single feature, and concluded by pointing out that Enoch Powell himself was Welsh, and the implications, etc., etc.
Rhaid ffeindio copi o’r llyfr ‘na…
[gol. 28/03/05. Diolch Rhys!]
Digwyddiadur: 28 Mawrth - 3 Ebrill 2005
Digwyddiadau i ddysgwyr (ac eraill) yn Aberteifi a’r cylch. Os hoffet ti dderbyn hyn trwy ebost bob wythnos, rho wybod yn y sylwadau.
(Read on …)
Sibrydion am adnabod llais
WISPR - Adnoddau Prosesu Llais Cymraeg a Gwyddeleg.
- Mae adnabyddiaeth llais, neu llais-i-destun, yn cynnwys dal a digideiddio y tonnau sain o feicroffon, eu trawsnewid i unedau iaith syml neu ffonemau, creu geiriau o’r ffenomau, a dadansoddi y geiriau yn eu cyd-destun i sicrhau sillafiad cywir geiriau sy’n swnio yn debyg (er enghraifft crud a cryd). Mae’r allbwn yna yn cael ei ddangos ar y sgrin fel testun.
- Fe all synthesis llais, neu testun-i-lais, gael ei weld fel y broses uchod o chwith; y broses o drawsnewid testun i lais. Mae hyn yn cynnwys tori y geiriau mewnbwn i fewn i ffenomau, ei dadansoddi ar gyfer trafod testun arbenning fel atalnodiad, rhifau, treigladau, ac yna cynhyrchu y said digidol ar gyfer ei chwarae drwy seinyddion.
Falch i glywed bod y fath gwaith yn cael ei wneud ar y Gymraeg (ac ar y Wyddeleg, at hynny).
[trwy Gwenu Dan Fysiau]
Mwy o “Sylw Ffw”
Wedi ffeindio ategyn WP sy’n cau sylwadau yn awtomatig 21 dydd ar ôl i’r cofnod cael ei bostio. Mae sbamwyr yn tueddu postio eu rwtsh ar hen gofnodion, felly bydd hyn yn torri i lawr ar faint o sbam dw i’n cael, gobeithio.
Sut i ddileu sbam yn glou iawn
Ces i fy nharo gan sbamiwr neithiwr, a chafodd mwy na 950 o sylwadau eu dal gan y hidl, sy’n profi bod hwnna yn wneud ei waith. Y broblem wedyn yw sut i ddileu’r “sylwadau” o’r lein cymedroli. Ffeindiais i hac bach sy i fod i helpu, gan newid y ffordd mae WP yn dangos bob sylw sy’n aros i gael ei dderbyn neu ei ddileu - bydd hyn yn arbed amser yn y dyfodol, gan ei fod yn newid yr opsiwn di-ofyn o “Wneud Dim Byd” i “Dileu”.
Yn anffodus, doedd hynny ddim yn helpu gyda fy 950+ hysbys am Dala Nhw yn Nhecsas, gan fod y gweinydd yn pallu llwytho tudalen mor fawr. Ces i wall timed out bob tro.
Yn y diwedd, yr unig peth o’n i’n gallu wneud oedd mynd yn syth at y gronfa ddata a rhedeg y sgript bach ‘ma, sy’n dileu bob sylw sy’n aros am gymedroli.
Jyst rhag ofn bod y dudalen ‘na yn diflannu, y sgript yw:
delete from mb_comments where comment_approved = '0';Oedd rhaid newid y wp_comments gwreiddiol, gan fy mod i wedi creu dau set o fyrddau yn y gronfa ddata, am ryw reswm oedd yn wneud synnwyr ar y pryd.
Llenyddiaeth mewn Theori
‘Llenyddiaeth mewn Theori’: Cynhadledd Undydd, 2 Ebrill 2005. Llawer o bethau diddorol yn yr ysgol undydd hon, gan gynnwys papurau ar Waldo, T.H.P-W a Michael Foucault. Ymm, nid i gyd mewn un papur.
Diddorol hefyd gweld defnydd blogspot gan adran y Brifysgol, er mwyn creu gwefan glou, syml a Chymraeg.
Termau rygbi Cymraeg
Rugby terms in Welsh - handi iawn, nid jyst i ddysgwyr yr iaith, ond i ddysgwyr y gêm, fel fi. Cywilydd arnaf am byth, ond dim ond nawr ydw i’n dechrau gweithio mas beth mae pawb yn y tîm yn ei wneud.
Diolch Telsa!
Mae hi’n gofyn:
Still looking for these, or I haven’t figured them out yet.
- dummy - dwmi?
- space - gofod/bwlch?
- substitute - eilydd?
- replacement - eilydd gwaed?
- wide, out wide - yn llydan?
Cywiriadau yn y sylwadau, os squelch yn dda.
Oriel Genedlaethol i Aberteifi?
Mae Peter Lord am greu Oriel Genedlaethol yng Nghastell Aberteifi.
Next Page »Cardigan Castle could become the home of Wales’ only national museum of Welsh art.
The proposal - which is being championed by eminent Welsh art historian Peter Lord - earned the enthusiastic approval of a packed public meeting in Bethania vestry on Monday night.
Mr Lord has already acquired three collections of 200 paintings - worth £750,000 - to kick start the venture. He now plans to look for £3.5m endowment funding to finance the running of the museum, which would be open free to the public. Mr Lord will report back to Ceredigion next month with a business plan.