Cafodd fy nhad lawdriniaeth ar diwmor yn ei ben bore ddoe, ac erbyn neithiwr roedd e’n eistedd lan yn ei wely a bod yn boen i’r nyrsys. Mae hyn yn newyddion mor dda nes i bron â thorri i lawr yn Neuadd Ffarmers pan ddarllenais i’r nodyn bodyn gan fy chwaer.
Dim ond y frwydr gynta yw hon, wrth reswm, ond mae’n gymaint o ryddhad.
Mynd lan i’r Gogledd ‘to dydd Gwener. Mae’n bosibl y bydd e gartre wythnos nesa, ond dyn ni’n trïal peidio disgwyl gormod.
O’r diwedd, dw i wedi gosod WP ar y gweinydd, a chael pethau i weithio, am wn i. Diolch yn fawr iawn i Iwan am ddarparu’r fersiwn Gymraeg: mae’n brofiad newydd i fi gael dysgu pecyn meddalwedd newydd yn yr hen iaith, yn lle yn Saesneg, a bydd yn fy ngorfodi imi feddwl am y peth yn wahanol, dw i’n tybio.
Mae lot i’w wneud yma cyn i mi lansio hyn yn swyddogol, fel:
Dw i yn nef y giciaid. 
Bydd rhai ohonoch yn gyfarwydd â Pat Hall fel y blogwr/dysgwr sy’n tueddu gofyn cwestiynau anodd ar ei flog Geiriau, ond yn ei fywyd go iawn mae e’n arbennigwr ar Prosesu Ieithoedd Naturiol, lle mae angen fod yn ieithydd ac yn uwch-gîc cyfrifiadurol.
Sneb well, felly, i roi cyngor ar y llyfrau ieithyddol/technegol gorau.
Ac mae’n defnyddio WordPress. Mae rhaid i mi drial sorto hyn mas. Nawr. Amdani!
Sut i ddysgu iaith – llawer o dips da yma, rhai yn ddigon amlwg ond yn werth cofio serch hynny. Wnes i lawer o’r pethau yma pan o’n i’n dysgu’r Gymraeg. Dyna pam dw i mor rugl heddiw, siwr o fod.
Rhugl yn Wlpaneg, hynny yw.
Extraordinary World – o’r diwedd! Gêm chwarae rôl canol oesol i ffans Duran Duran!
The evil Warlock Prince, and ruler of Arcadia. Nikolai has been recently banished to another dimension by his even eviller twin brother, and his identity stolen by him. Nikolai is stuck in a normal, non-magical human world, and people keep calling him Nick Rhodes…
Mae hyn yn cyrraedd lefel gici-rwydd doedd y Brunching Shuttlecocks erioed wedi dychmygu.
[Ffeindiwyd trwy tudalen Flickr tylluan - lluniau hyfryd, hefyd.]
Erthygl yn y Guardian am flickr. Braf i weld papur newyddion sy’n deall y we a’i chymryd o ddifri.
[diolch i Mordicai]
A most peculiar people – erthygl ar wefan y Cyngor Prydeinig i bobl o Slofenia (?) am y “perthynas arbennig” rhwng y Cymry a’r Saeson *perswch*11-9*peswch*.
Stwff cryf:
�Sheepshagger� (referring to bestiality) is a deeply offensive slur on the Welsh by English racists. �Though this particular insult is usually not made publicly for obvious reasons, it is only the most extreme example in a long tradition of attacking the Welsh for cheap laughs.
[diolch i Castell Tywod]
Cysyllta – blog Cymraeg newydd sy’n edrych yn addawol iawn.
Ynys Lochtyn
Llun gan nicdafis.
Dyma fi profi’r sustem blogio o tu fewn Flickr. Mae’n debyg bydd rhaid i fi chwarae gyda phatrymlun MB tipyn bach nawr…
Newyddion da o’r Gogledd Pell, lle mae dyfodol yr iaith yn saff yn nwylo’r mewnfudwyr.
There is no doubt whatsoever that most people moving to Wales harbour a desire to learn the language. In fact, figures seen by the Daily Post last year suggested the demand for adult Welsh learning was exceeding the provision of classes by some four-to-one.
Hwrê!
Sa i wedi cael dosbarth gor-lawn ers 1998, pan daeth 24 i ddosbarth cyntaf y tymor. Yn y ddau ddosbarth Wlpan dw i’n eu dysgu nawr, mae 11 dysgwr yn dod yn y dydd, a rhyw 4 neu 5 yn y nos. Pam dydyn ni yn y De Orllewin ddim yn gweld yr un fath o alw am ddosbarthiadau ag sydd yn y Gogledd (gan gymryd bod yr adroddiad yma yn dweud y gwir am y sefyllfa lan fanna)?
Mewn newyddion arall, dydy’r rhedeg gwasanaeth trenau dwyieithog o Newcastle ddim yn gweithio yn dda. Dw i’n siwr yr oedd stori follow up i hyn yn y Telegraph, ond dw i’n teimlo yn ddigon depresd heddi heb ymweld â’u safle nhwthau.
Fel dw i wedi sôn o’r blaen mae Telsa yn sgwennu am ei phrofiadau dysgu Cymraeg ar ei dyddiadur.
Mae ei phrofiad diwetha (rhaid sgrolio i lawr; does dim paraddolenni eto – diolch Telsa!) yn un dyn ni gyd yn gyfarwydd â fe, ac yn rhan anochel o’r broses o ddysgu’r Gymraeg, tybiwn i: cwrdd â Chymro wrth-Gymraeg:
Ond, wel, dw i wedi dysgu sawl peth heddiw. Pethe fel: does dim alw am ysgolion Cymraeg yn ôl fy ffrind newydd. Dim o gwbl. Dw i wedi dychmygu’r holl peth. Mae ysgolion Cymraeg yn costu dwbl cost ysgol Saesneg. Scandal yw hon, mae’n debyg, a dim yn deg. Dim byd i’w wneud gyda state of the building, o na. O, ie: does dim eisiau gwasanaethau Cymraeg gan y cyngor; neu gan unrhyw corff swyddogol. A beth am y pobl sy’ moyn gwneud pethe yn Gymraeg? Wel, maen nhw’n gallu siarad Saesneg, ydyn nhw?Roedd lot, lot mwy, a roedd i’n siomedig iawn i ffeindio mas nid yr unig un i feddwl fel hwn oedd hi. Ar ôl rhai o’r sylwadau eraill, wedi argraffu mas ffurflenni cais CyI a Chymuned, ond heb eu llenwi nhw. Eto.
Mae gen i theori bod y “bobl wrth-Gymraeg” yma yn wir asiantau cudd o’r mudiadau iaith, achos does dim byd sy’n wneud i fi deimlo mwy fel mynd mas fin nos â thun o Dulux na’r bobl ’ma a’u hagweddau 1847aidd.
(Gyda llaw, os ydy unrhywun o’r BBC yn darllen hwn, byddai’n werth sieco’r llun ar y dudalen ’na. Sa i’n credu bod Pantycelyn yn AS i Coventry, o du hwnt i’w fedd.)
Ta beth, llongyfarchiadau i Telsa am gael ei chymryd fel siaradwr Cymraeg – dyna beth wyt ti nawr, cofia, does dim angen aros yng ngeto y dysgwyr am oes.
Cwacian, blog Chwaden, wrth gwrs.
Mae ganddi gofnod diddorol am hawliau anifeiliad, rhywbeth sy yn y newyddion ar hyn o bryd achos gweithgareddau’r eithafwyr, a’r mesurau newydd gan ein llywodraeth proto-ffasgaidd a ellir, yn handi iawn, cael eu defynddio i amddiffyn elw y cwmniau ffarmasiwtical y bobl sy wedi denu sylw negyddol am eu cysylltiadau (tenau iawn, mewn rhai achosion) i’r diwydiant arteithio anifeiliad.