Dechrau meddwl bydd rhaid i mi ffeindio rhywun arall i redeg maes-e cyn bo hir. Mae’n fwy o ben tost na phleser y dyddiau ’ma. Dw i’n treulio fy holl amser yna yn clirio i fyny ar ôl plant, a thaflir beth bynnag dw i’n trial i wella’r sefyllfa yn ôl yn fy wyneb. Dw i’n cael fy nghyhuddio o fod yn ddiflas yna trwy’r amser, ac dw i’n dechrau teimlo bod pwynt ’da nhw, ond dw i mewn sefyllfa Catch 22. Dw i’n teimlo yn gyfrifol am y lle, ond yn dechrau casau’r lle. Mae lot o bethau da yn digwydd yno, ond erbyn i mi bennu sorto mas y problemau sy’n cael eu hachosi gan yr aelodau ifancach does dim awydd ’da fi gyfrannu yn unrhywun o’r sgyrsiau diddorol.

Mae’r haf yn dod, dw i mewn siorts am y tro cynta eleni. Dyw e ddim yn gall i mi dreulio cymaint o oriau wneud rhywbeth dw i ddim yn mwynhau bellach.

Dw i wedi treulio llawer gormod o amser ar lein yn diweddar, felly dw i am gymryd brêc bach. Bydda i’n sieco fy ebost bob dydd fel arfer, ond fydd dim lot yn digwydd yma am sbel.