Cadeiriau o’r môr
Mae Julienne Dolphin-Wilding yn wneud darnau o gelfi unigriw, gan ddefnyddio broc môr a phren wedi’i ail-gylchu.
Unig Eto Neu Beth?
Mae Fingertips wedi postio MP3 o fersiwn Calexico o’r clasur “Alone Again Or”.
Kagemusha
Kagemusha (Akira Kurosawa, 1980). Ddim yn hoff iawn o hon, er bod hi’n canwaith yn well na 98% o’r stwff mae Hollywood yn troi mas bob blwyddyn. Jyst ddim cystal â’i stwff gynnar. Ddim yn gwybod beth oedde am hyn oedd yn fy moddran - o’n i’n gallu gweld dylanwad Lucas ar y steil (yn sicr ar y cerddoriaeth - oedd rhaid i honno swnio cymaint fel John Williams.
A’r baneri oedd pawb yn gwisgo. Pert iawn, ond oedd hynny’n syniad da mewn oes â gynnau?
Cymdeithas Daguerroteip
Wedi blogio am ddaguerroteipiau o’r blaen ond dyma rhywbeth rhywbeth newydd:
Cymdeithas Daguerroteip America
diolch i Ramage
Llo bach newydd
Croeso i’r byd Cynan Smotiau Gwynion, a llongyfarchiadau i’w fam am beidio marw ddoe.
MC Wolfendale yn y myddarffycin tŷ, y’all.
Bein’ in the dibble is no cakewalk when you’re black yn ôl Clive Wolfendale, Heddlu Gogledd Cymru. Sy ddim yn ddu, ond mae e yn y dibble.
Mae hyn yn anghywir ar cymaint o lefelau mae’n dod mas ochr draw.
Gobeithio bod rhywun, rhywle, wedi recordio hyn.
A Taste of Honey
A Taste of Honey (Tony Richardson, 1961). Ffilm dda, a digon o bethau werth eu wylio ar y DVD. Anodd credu do’n i ddim wedi gweld hon o’r blaen.
Wag The Dog
Wag the Dog (Barry Levinson, 1997). Dalais i hon ar y telibocs noson o’r balen. Eitha da, ‘fyd. Dylwn i edrych ar y teledu yn fwy aml.
Ni yw’r Bobl
We Are the People - lluniau o arddangosfa cyfredol Tom Phillips, a thraethodau am ei waith casglu a dewis hen gardiau post.
Penry Williams
Thema: Lluniau dyfrlliw gan Penry Williams, 1822-24
Ai Dinas Brân yw hwn?
Mae Sgwarnog yn codi
Braf yw gweld bod sgwarnog.com wedi cyrraedd y pwynt lle mae’n hunangynhaliol. Yn ei wedd newydd, mae rheolwyr y busnes wedi rhoi cwpl o bethau i gnoi’r cil drostynt, gan gynnwys pwt bach ar unieithrwydd ar-lein.
Un o broblemau mwyaf y Gymru gyfoes ydy ein obsesiwn gyda dwyieithrwydd. I ddechrau, roedd dwyieithrwydd yn ffordd i orfodi’r sefydliad i barchu’r Gymraeg, ond erbyn hyn mae’r gair yn cael ei ddefnyddio i orfodi defnydd o’r Saesneg arnom ni gyd, mewn ffyrdd hollol afresymol, ac yn debyg iawn i sut gafodd Saesneg ei gorfodi ar y Cymry yn y lle cyntaf.
Clywch, clywch.
Ffrydiau o’r rhithfro
Ddoe, dechreuais i ddefnyddio Bloglines i gadw trac o’r blogiau Cymraeg dw i’n eu darllen. Dw i’n eu darllen nhw i gyd, ond dim ond rhyw 3 neu 4 ohonyn nhw yn cael mwy nag un ypdêt yr wythnos, felly mae’n wneud sens i ddefnyddio darllenydd ffrydiau RSS yn lle ymweld â nhw yn gyson yn y gobaith y bydd rhywbeth diddorol wedi ymddangos. (Does dim ffrwd RSS ‘da Macsen, ond mae’r boi ‘na yn waeth na fi, ac yn postio stwff byth a beunydd, felly dw i’n gwybod y bydd stwff newydd bob tro dw i’n mynd yna.)
Heddi, ces i ebost gan David Jones a oedd yn tynnu fy sylw ar y wefan sôniais i amdani isod, ac hefyd i’r ffaith bod ffrydiau RSS ‘da Casglu’r Tlysau a 100 Arwr Cymru (sy ddim yn gweithio yn iawn yn Bloglines - oedd rhaid i mi ychwanegu “www” i’r URL am dudalen ar Yr Arglwydd Rhys). Mae hyn yn syniad gwych, yn enwedig yn achos Casglu’r Tlysau, sy’n gallu bod yn anodd i’w llywio.
Ydy pobl eraill yn defnyddio darllenwyr RSS? Beth sy’n well ‘da chi - rhywbeth sy’n rhedeg o’r porwr fel Bloglines, neu rhaglen ar wahan? Mae Mulle Newz ‘da fi lawr yn y Doc, ond dw i ddim yn ei defnyddio yn aml.
Helpu creu’r “Cynulliad Arlein”?
Mae angen help ar yr Assembly Online.
Mae’r wefan yr Assembly Online yn ymdrech i roi gwybodaeth o wefan swyddogol y Cynulliad mewn fformat lle mae pobl yn gallu ei drafod. Dim ond fersiwn Saesneg sy’n bodoli hyd yn hyn achos nid prosiect swyddogol yw e a dyw’r bobl sy’n ei redeg ddim yn medru’r Gymraeg. Maen nhw’n edrych am bobl i’w helpu Cymreigio’r wefan ac i ateb cwestiynau yn yr hen iaith.
Does dim arian ‘da nhw, ond mae hyn yn waith pwysig, dw i’n meddwl.
Hoffwn i wneud hyn, ond mae gormod o bethau ymlaen ‘da fi ar hyn o bryd. Os oes diddordeb ‘da rhywun mas ‘na, cysylltwch â nhw yn uniongyrchol.
Ble mae’r bîff?
Mena’s Corner: Where’s the Beef? Newyddion am Moveable Type 3.0, a fydd yn cael ei rhyddhau cyn bo hir.
Gan gyd-ddigwyddiad, dyma fi dal ar ddihun yn bell heibio i’m hamser gwely achos bod ni’n disgwyl llo newydd unrhywbryd, ac mae rhaid i mi sieco’r fuwch cyn mynd i’r gwely.
Capeli
Capel: Cymdeithas Treftadaeth y Capeli. Dim amser i ddarllen hyn nawr, ond mae’n edrych yn ddiddorol iawn.
Diolch i Rhodri Nwdls am y linc.
Yn fwy pwysig na’r iaith Gymraeg
Yn ôl Ankst, bydd y CD triphlyg Datblygu ar gael ym mis Mai.
Mi fydd AnkstMusik yn cyflwyno release arbennig iawn ym mis Mai a fydd yn dod a tri o’r albyms gore’ yn y Gymraeg ynghyd ar un casgliad. Mi fydd ‘Wyau, Pyst a Libertino’ yn cynnig tri albym gan Datblygu ar ddau cd mewn casgliad a fydd hefyd y cynnwys llyfr 68 tudalen sy’n cynnwys y geiriau cymraeg a’r cyfeithiadau saesneg i’r caneuon i gyd.
Fyddai’n dwp i mi brynu 3 CD sy ‘da fi yn barod, dim ond i gael gafael yn y cyfieithiadau? Tebyg iawn.
The Idiots
Idioterne (Lars von Trier, 1998). Llawer, llawer gwell na Dancer in the Dark. Ond heb Bjork.
Jesus Was Never This Cool
Mae Tom Lazar yn ffan John S. Hall, felly mae e wedi recordio ei hunan darllen rhai o stwff John.
I mean, that’s so cool.
Cwrddais i â John Hall unwaith. Ydw i wedi dweud y stori ‘na eto? Does dim llawer o storiau roc a rol ‘da fi, ac, a bod yn onest, dyw honna ddim yn arbennig o dda.
Wna i gadw’r stori am rywbryd arall.
Blogio yn y Gymraeg
Mae LuistxoBlog wedi darganfod y byd o weflogiau Cymraeg, ac yn dweud pethau neis am Forfablog.
Mae ganddo bwyntiau da am feddalwedd blogio, a pha mor hawdd yw e i’w leoli i ieithoedd bychain (rhywbeth mae e’n gwybod amdano, sbo, gan ei fod yn blogo yn Saesneg, Sbaeneg a Basgeg). Fel dw i newydd ddweud yn ei sylwadau, y gallu i wneud popeth yn y Gymraeg oedd un o’r pethau wnaeth helpu fi symud i Moveable Type yn y lle cyntaf.
Dewis ffilmiau sy’n cyfieithu
Erthygl yn y Jewish Journal of Greater Los Angeles am y proses o ddewis ffilmiau o Isreal i’w cynnwys mewn gŵyl ffilm yn L.A. Mae’r erthygl yn ddiddorol ynddi ei hun, ond beth mae’n dweud am agwedd rhai pobl yn America tuag at y sefyllfa yn Israel yn ffwy diddorol byth.
However, what seems inappropriate one year can be OK the next. An example is the TV movie, “Purim,” which revolves around the repercussions of a suicide bombing on Arab and Israeli bystanders. The movie was initially submitted for the 2003 festival, which was delayed due to the Iraq War.
“Including it would have felt sensationalistic,” he said. “Because there was so much going on in the news about terrorism and bombing, I shied away from putting too much of that in the festival.”
When the political situation calmed down a bit, Fagen decided to include the drama in the 2004 lineup.
Fi sy biau’r duo ‘na. Sut all unrhywun feddwl bod y sefyllfa gwleidyddol wedi “calmed down a bit” yn y 12 mis diwetha? Mae hynny yn scêri.
Dw i eisiau byw yn Weston Rhyn.
Next Page »