Mewn erthygl ddoe, dwedwyd gan y Guardian:
We also have our linguistic differences. In Wales, many of the people speak Welsh in preference to English, and, of these, some 30,000- 40,000 speak only Welsh.
Ar beth maen nhw’n edrych, Cyfrifiad 1901?
Archifau Misol: Mawrth 2004
Man on the Moon
Man on the Moon, Milos Forman, 1999. Dalais i hon ar y teledu neithiwr, a dw i’n falch iawn y wnes i. Dw i ddim yn gwybod llawer am Andy Kaufman, ond dw i’n ei gofio yn dda yn Taxi, un o’m hoff raglenni o’r 70au.
Musme si pomhat
Divided we fall Jan Hrebejk, 2000. Ffilm o Weriniaeth y Tsiec sy’n eitha da, yn sicr werth cael mas ar DVD.
Stori teulu Tsiec sy’n cuddio Iddew ifanc yn ystod yr Ail Ryfel Bydd, er gwaethaf y perygl mawr y bydd y Natsiaid yn ei ddarganfod. Wedi’i actio yn dda iawn, ond falle gormod o gyd-ddigwyddiadau yn y stori iddi hi fod yn gredadwy dros ben. Ro’n i’n hoffi’r effaith o arafu’r ffilm bob tro oedd y cymeriadau mewn perygl, ond erbyn y diwedd, gyda’r perygl yn cynyddu bob munud, oedd e’n dechrau bod yn ormodol, a fyddai’n waeth byth ar y sgrîn fawr, dw i’n amau.
Gaeleg yr Alban
Adroddiad Cyngres Ewrop: ymateb o’r Alban:
Cig bliadhna as didh do phrlamaid na h-Alba a bhi air a stidheachadh chan eil e ach bochd gu bheil sinn a’ faighinn dealbh nas soillear air staid na Gidhlig as an Roinn-Erpa seach an luchd-riaghlaidh againn fhn.
Five years after the establishment of the new Scottish parliament, it is a depressing fact that the clearest assessment of Gaelic provision comes from Europe rather than from our own rulers.
Ffilmiau Celtaidd yn Dundee
Mae Gwyl Ffilm a Theledu Celtaidd yn agor yr wythnos hon yn Dundee.
Teledu’r Maori – “gwell na S4C”?
Sgersli bilîf.
Mae gwasanaeth teledu Maori yn cael ei lansio heddi. Mae’r erthygl yn cymharu’r sianel newydd â S4C, ac yn sôn am y problemau a ddinistriodd y fersiwn cyntaf o MTS.
Ffantom Ffeils
MP3au i’w dadlwytho gan y pobl sy’n wneud y gwaith ail-ficsio ar Phantom Phorce y Super Furry Animals. Bydd trac o hwnna ar gael wythnos nesa.
- EP “I am a lion” gan bravecaptain (sef, Martin Carr, gynt o’r Boo Radleys)
- Y Sesiwn Du gan y High Llamas
- Tri trac gan Wauvenfold.
- term02 gan Freiband (Franz de Waard)
- Dau drac gan Zan Lyons
- Tri trac gan Llwybr Llaethog
- Pump trac gan Minotaur Shock (“not CD quality…”). Trac arall. Un gan Bronze Fox, band arall David Edwards (na, nid y David Edwards ’na)
- Pedwar trac gan Four Tet – sgrolio i lawr i “Mp3 Downloads”
- Boom Bip (clipiau Real Audio, mae’n flin ’da fi)
- Killa Kela – clipiau lo-fi
Olwynion sgrolio? Pah!
Sidetrack – teclyn bach defnyddiol i’r rhai ohonon ni sy’n defnyddio OSX ar benliniadur heb lygoden go iawn. Mae’r rhaglen hon yn cystomeiddio tracpad dy iLyfr i wneud pob math o bethau defnyddiol, fel sgrolio i fyny ac i lawr a chlirio’r ffenestri o’r sgrîn (yn OSX 10.3). Handi iawn.
Gyrrwch yn y Gymraeg!
Mae Cell Penllyn Cymdeithas yr Iaith yn rhedeg ymgyrch i ddarbwyllo’r Asiantaeth Safonau Gyrru (DSA) i ddefnyddio’r hen iaith ym mhob rhan o’u gwaith. Mae’r Asiantaeth yn ddigon barod i dweud y dweud ond maent bach yn sigledig amser mae’n dod i neud y neud. Mae hynny yn golygu er taw’r agwedd cyhoeddus yw “mae’r ddwy iaith yn gyfartel”, yn ymarferol does dim yr un fath o adnoddau ar gael yn y Gymraeg i helpu darpar gyrrwyr, a dydy siaradwyr Cymraeg ddim yn sicr o gael arholwr Cymraeg ei iaith yn y prawf ei hunan.
Mae’r Cell yn mynd ati i gasglu llofnodion ar ddeiseb, ac i lythyru’r Asiantaeth. Criw bach ydyn nhw, ac mae angen cymaint o help ag sy’n bosib arnyn nhw i fynd â’r maen i’r wal. Beth am helpu gan sgwennu at Asiantaeth Safonau Gyrru, a’ch cynrychiolwyr yn Ein Llywodraeth Gyntaf.
Os wyt ti wedi sefyll dy brawf gyrru yn diweddar, ac wedi cael profiad gwael ar ran yr iaith a ddefnyddiwyd, beth am rannu’r stori ar maes-e.com? Os dydy pobl ddim yn codi stŵr am hyn fydd dim byd yn newid.
Topo i fyny yn y Gymraeg
Mae NatWest yn dechrau cynllun i adael i’w cwsmeriad rhoi credydau ar eu ffonau ar y lonau gan ddefnyddio peiriannau twll-yn-y-wal, a bydd y gwasanaeth yn ddwyieithog.
Gaeleg ar y Teli Bocs?
Stori yn y Scotsman am adroddiad gan Gyngres Ewrop, sy’n darbwyllo y dylai sefudlu gorsaf teledu Gaeleg, ar fodel S4C. Felly, Big Brother yn yr Gaeleg, Pop Idol yn y Gaeleg, Blind Date yn y Gaeleg…
Hello Sunshine
Hello Sunshine – MP3 ail-fics o’r trac Super Furry gan Davy Love, DJ a cheddor o Ganada.
Pwy yw’r Lladron?
Chi gyd â chyfrifau unarddeg.com, ond ydych? Dych chi wedi lawrlwythio al bym Y Lladran eto? (Angen cyfrif i’r linc ’na weithio.) Llawn CD o MP3au sy’n ail-ficsio pawb o Edward H Dafis i MC Saizmundo. Rhai o’r uchafbwyntiau yw’r fersiwn techno o Yma o Hyd, Y Tystion yn erbyn Frank Sinatra ar Tystion’s Way, stori Huw a Nest yn Learn Welsh the Real Way… Beth ydw i’n wneud? Mae’r holl beth yn wych. Rhaid bod rhywbeth sy’n gallu wneud i fi joio gwrando ar Eminem (gyda Ffa Coffi Pawb) a’r Eagles (a’r Tystion) yn gampwaith godidog.
Blawd Llif
Iolo ar lein
Gweithiau o’r gorffennol, llyfrau wedi’u sganio, gan gynnwys dau gyfrol gan Iolo Morgannwg, un gan John Rhys, ac o’r tudalen yma, fersiwn PDF o Lyfr Taliesin. Mae llawer o joss-stick Celticism ar weddill y safle, ond mae’n dda weld pethau fel hyn ar gael ar y we.
There’s lots of cars on the road like yours
Ceir clasurol, lluniau papurau wal o geir Americanaidd. Dw i’n dwli ar bopeth rhwng 1964 a 1972 a chasau popeth arall. Fy ffefryn: 1968 Pontiac GTO.
Peiriannau Uffernol
Compendiwm o Awtomatau Bychain. Hwyl gyda Fflach gan y brodyr Lycette o Melbourne, Awstralia.
Tryweryn
Hen gofnod ar “things” am Dryweryn. Cwpl o bethau dw i heb weld o’r blaen fan ’na.
Papur Person
Bar offer Google, yn Gymraeg
Dw i ddim yn siwr os ydy hyn yn newyddion i chi (a dweud y gwir, dw ddim yn hollol siwr ei fod e’n newyddion i fi, ond dw i’n rhy ddiog i chwilio trwy’r archifau i weld os ydw i wedi blogo hyn o’r blaen), ond mae bar offer Google ar gael yn Gymraeg. Os wyt ti’n defnyddio Windows. Ac os wyt ti’n defnyddio Internet Explorer. Ac os wyt ti’n lico clytero i fyny dy borwr gyda pob teclyn sydd ar gael.
Hedd!