Dazed and Confused (Richard Linklater, 1993), dvd movietrak. Hen ffefryn arall. Mae’r actio braidd yn brennaidd, ond hon yw un o’r ffilmiau gorau os dw i mewn hwyliau drwg.
Dyfyniadau o’r ffilm. Mae’r ffordd mae Wooderson yn chwerthin yn fy lladd bob tro.
Wonder Boys (Curtis Hanson, 2000), vhs o’r llyfrgell. Ffilm llawn o hiwmor du iawn, sy’n wastad yn beth da. Mae Tobey Maguire, Robert Downey Jnr a Frances McDormand i gyd yn wych, ac mae Mr Zeta Jones yn chwarae yn erbyn teip fel yr awdur/athro sy ddim yn gallu stopio i wneud penderfyniadau.
Dw i’n credu mod i wedi darllen y llyfr o hyn, ond do’n i ddim yn cofio dim byd am y stori. Dw i’n mynd yn hen.)
Matrix Revolutions (Brodyr Wachowski, 2003), yn Theatr Mwldan, heno. Rwts llwyr, heb hyd yn oed y nodweddion archubol oedd gan Reloaded. Ches i mo’m synny gan hyn, ond oedd rhaid i mi fynd i Benparc heno gyda phroflenni’r Gambo, a dw i wedi bod yn eistedd o flaen y sgrîn bach trwy’r dydd, felly oedd hyn yn siawns i stopio poeni am gyflwr fy mlog am gwpl o oriau.
Y twpsyn.
Koyaanisqatsi (Godfrey Reggio, 1983) – dvd oddi wrth Alys. Un o’m hoff ffilmie, ond y tro cyntaf i mi weld e ar dvd. Ardderchog, ond chi’n gwybod hynny’n barod, siwr o fod.
Magical Mystery Tour (Beatles, 1967) (TV), vhs o’r maes. Dw i’n cytuno â Bill Hicks bod cyffuriau wedi wneud pethau da: nid yw hwn un ohonyn nhw. Jyst dwedwch na, blantos.
Ond diolch i Alys am roi benthyg. Fel dwedodd y Butthole Surfers: it’s better to regret something you have done… 
Blood Simple. (Brodyr Coen, 1984), dvd gan Nwdls trwy clwb ffilmie y maes.
Hanes offer bwyta, o safbwynt anthropoleg.
Interestingly, this birth of blunt-tipped knives in Europe had a lasting effect on American dining etiquette. At the beginning of the 18th Century, very few forks were being imported to America. However, knives were being imported and their tips became progressively blunter. Because Americans had very few forks and no longer had sharp-tipped knives, they had to use spoons in lieu of forks. They would use the spoon to steady food as they cut and then switch the spoon to the opposite hand in order to scoop up food to eat. This distinctly American style of eating continued even after forks became commonplace in the United States.
Pan cwrddodd Cthulhu â Chick – stori am beth fydd yn digwydd pan mae’r Hen Dduwiau yn codi, yn steil traethodynnau Jack Chick.
A Softer World – llên meicro gyda lluniau, stribennau cartwn bach trist. Lwcdeithwyr.
Dw i ddim yn esgus mod i’n deall barddoniaeth Geoffrey Hill, ond byddai’r rhestr o anodiadau i’w waith o ddiddordeb i unrhywun sy’n hoffi mynegai, celloedd cymysg a phethau felly.
Clywais i Hill darllen ei waith yn Aberystwyth cwpl o flynyddoedd yn ôl, amser cymerodd e le R.S.Thomas, a fu yn yr ysbyty ar y pryd (ddim yn hir cyn iddo yntau farw oedd hyn). Dyma bapur gan fynach o Gorea ar waith y ddau fardd.
Jyst rhag ofn bod unrhywun sy’n darllen hyn, ac sy’n cadw gweflog Moveable Type, ac sy ddim wedi clywed y newyddion, mae ’na broblem diogelwch gyda MT. Mewn theori mae’n bosibl i sbamwyr gamddefnyddio y teclyn mt-send-entry.cgi i sbamo pobl sy wedi tanysgrifio i gael diweddariadau oddi wrthoch chi. Y ffordd hawsaf i ddatrys y broblem yw i ddileu’r ffeil (os dych chi, fel fi, ddim yn defnyddio’r opsiwn yna ta beth), neu allwch chi lawrlwytho fersiwn newydd o’r ffeil o wefan MT.
Theatr Ninjas Bychain – wnewch eich golygfeydd cyffroes eich hunan.
Ninja Byrger – gêm chwarae rôl unigriw. Peidiwch â cholli’r haiku. Sdim enghraifft well o groes-wrteithio aml-ddiwylliannol na haiku Nadoligaidd:
Children cry “Ninja!”
My pockets have many gifts
Shuriken for all.
Llawer mwy o stwff Ninjaidd ar #!/usr/bin/girl.
Fe wnes i dudalen “ambyti” neithiwr. Ddim yn gwybod pa mor glir yw e. Oes rhywbeth dych chi ddim yn deall am Morfablog, gweflogiau/gweflogio yn gyffredinol? Gofynnwch gwestiynau/wnewch awgrymiadau yn y blwch sylwadau, os gwelwch chi mor dda.
Wedi dodi’r tudalen dolenni, a chwynnu cwpl o weflogiau marw o’r rhestrau.
Darn arall gan yr un artist, y tro ’ma y gerdd yw Aberdaron gan Cynan.
Os oes diddordeb ’da unrhywun yn y gwaith ’ma, cysylltwch â fi a phasia i’r gair ymlaen.
Ces i’r llun isod ar CD gan un o’m myfyrwyr; mae’r cerfwaith gan ffrind iddo fe, Martin Wenham, artist a dysgwr sy’n byw yn ardal Bangor. Oedd y geiriau yn gyfarwydd, ond do’n i ddim yn gallu cofio ble o’n i wedi eu gweld o’r blaen. Diolch i’m hen ffrind innau, nawr dw i’n cofio eu teipio fy hun, yn y fan hyn.
Rhaid i mi ffeindio mas beth fyddai pris ar rywbeth fel hyn.
[Golygwyd 04/01/04 ar ôl siarad â'r artist a threfnu mynd i'w weld ym Mangor.]
The Battle for Independent Tropical Wales – A Panorama – prosiect gan yr artist Tonia Carless. Hyd y deallwn y Saesneg artwank, mae hyn yn beth da.
Y Sgwrs Fawr – Saesneg yn unig, os gwelwch yn dda. Mae llywodraeth Lloegr wedi saethu ei hunan yn y droed eto, gan lansio The Big Conversation i hela barnau’r werin bobl ar bynciau mawrion y dydd – ond dim ond os ydyn nhw’n fodlon postio nhw yn yr iaith fain.
“Can’t they speak English?” said London-based Eddie Morgan when questioned about the lack of Welsh on the party’s website.
Rheilffyrdd Patagonia (a Tierra Del Fuego, y Malfinas ac yn y blaen). Stwff diddorol ar y Wladfa o dan dolen rhif 4.
the echoist – prosiect newydd gan Pat Fieldmethods i’w helpu gda ei Gymraeg – cyfieithu cofnodion o weflogiau yn yr hen iaith.
Mae bois y maes yn gweld popeth.
