Archifau Misol: Ebrill 2003

Fy enw i yw Scott

Postiwyd ar gan

Sbel yn ôl, draw ar y Maes, ro’n i’n trafod gwisgo bathodynau sy’n dangos eich bod yn gallu siarad Cymraeg. Oedd rhai pobl yn erbyn y syniad, yn teimlo oedd e’n rhwystro eu hawliau dynol neu rhywbeth. Ro’n i’n meddwl bod unrhywbeth dyn ni’n gallu wneud sy ddim yn wneud pethau yn waeth, yn werth ei wneud. Dyna pam dw i’n lico gwefan Scott.

My goal in life is to be friendly to everyone in order to break down walls of social trepidation, thus spreading the fulfillment and sheer joy that can be found through interpersonal interaction. There are endless opportunities to meet new people and strike up conversations; we just need to take the first step!

Soch soch soch

Postiwyd ar gan

Syniad syml tu ôl i bzzpeek yw dangos sut mae pobl y byd yn wneud y wahanol synau anifeiliaid a pheiriannau. Dw i wedi gweld pethau tebyg o’r blaen, ond nid gyda rhwngwyneb mor hwylus. Neis iawn.

Daeth hyn, a’r dolenni isod, via boing boing.

Postiwyd yn Heb gategori | Tagiwyd

Ba humbugi (malwoden endodermig)

Postiwyd ar gan

Mwyseiriau mewn enwau biolegol. Sy’n f’atgoffa o’m hoff jôc mwyseiriol (sy ddim yn gweithio yn Gymraeg, wrth gwrs):

I quite like puns, but only if they’re current puns.

Mae mwysair yn air newydd i’r dysgwr hwn, felly nad oedd y cofnod hwn yn wastraff llwyr o amser pawb.

Reswm arall: dydy’r geiriau endodermig a mwyseiriol ddim wedi ymddangos ar y we o’r blaen. A dim ond mewn enw ceffyl yn y Ffindir mae mwysair wedi ymddangos. Beth sy’n bod â’r byd?

Postiwyd yn Heb gategori | Tagiwyd

Riwbob, riwbob, riwbob

Postiwyd ar gan

Bob blwyddyn y planhigyn sy’n edrych y gorau yn ein gardd yw’r riwbob; dau neu dri planhigyn gyda eu dail bendigedig (ond gwenwynllyd, cofia). A bob blwyddyn, dyn ni’n rhoi yr holl gnwd i ffrindiau achos dyn ni ddim yn bwyta’r blydi sdwff.

Ond eleni, dyn ni’n mynd i fwya fe, o ydyn. Dw i wedi ffeindio gwefan riwbob sy’n dweud popeth sydd i’w wybod am y llysieuyn campus hwn (ie, llysieuyn yw riwbob wrth gwrs – yr un fath ag mae tomato yn ffrwyth).

Do’n i ddim yn gwybod, er enghraifft, bod riwbob yn dod o Tsiena, bod y -barb yn yr enw Saesneg yn dod o’r un gwreidd a barbarian, a fod e’n perthyn i suran.

Ac mae mwy i goginio gyda riwbob na phwdin briwsion.

Fuck Bovine Britain!

Postiwyd ar gan

Esgusodwch fi am teitl y cofnod ’ma, ond mae wedi bod yn ddiwrnod eitha rhyfeddol. Aethon ni i Gaerdydd i ymuno â’r rali yn erbyn y rhyfel, a ffeindion ni oedd mwy o ffans gêm Rygbi League yn y dre na phobl heddychlon. Profiad od cerdded lawr strydoedd dw i’n nabod mor dda, cael beer monsters o Swydd Efrog esgus bod nhw’n fy saethu. Wnaeth un o griw dynwaredwyr Elvis (paid â gofyn) boeri ei gwrw drosta i wrth drial esbonio sut mae Iraquis i gyd moyn ein lladd ni.

Gartre wedyn, a sylwais i yn y papur bod BBC2 yn dangos rhaglen lle oedd über-consumer o Lundain yn treulio wythnos mewn ‘Welsh commune’. Dim ond un commune yng Nghymru mae cyfryngis yn gwybod amdano, ac ie, dyna fe – Brithdir Mawr. Welais i mo’r rhaglen i gyd, ond oedd yn neis gweld Tony Wrench esbonio fod hi yn bosibl i fyw ar Ł20 yr wythnos – ac yn edrych yn euog wrth gyfaddau fod e’n mynd i’r dre i brynu selsig weithiau.

Eniwei, nôl ym myd y blogwyr…

Dyma blog dw i wedi crybwyll o’r blaen, ond mae’n werth wneud ‘to, hyd yn oed os ydw i’n neud achos mod i’n joio teipo teitl y blog: Fuck Corporate Groceries.

Ac o fan ’na, ffeindiais i blog arall, un newydd y tro ’ma: Great Growing Experiment – blog am wneud gardd.

Moebius

Postiwyd ar gan

Ro’n i’n chwilio trwy bocsys o hen rwtsh i werthu ar eBay, pan ffeindais i comic gyda stori gan yr artist o Ffrancwr, Moebius, un o’m hoff artistiaid llyfrau comic.

Dyma gwefan Ffrangeg, gyda ffilmiau bach Flash arni.

Blue Steel

Postiwyd ar gan

Cwpl o ffilmiau dw i wedi gwled yn diweddar heb eu hychwanegu fan hyn. Newydd wylio Blue Steel, ffilm Katheryn Bigelow gyda Jamie Lee Curtis a Ron Silver (y dyn mwya creepy erioed mewn ffilm, ych y fi). Wnes i recordio noson o’r blaen. Am ryw reswm o’n i o dan argraff oedd Warren Oates yn hon, ond ro’n i’n meddwl am Blue Thunder.

Ddim ffilm arbennig o dda, ac yn sicr ddim cystal â Point Break, ffilm nesa Bigelow.

Postiwyd yn Heb gategori | Tagiwyd